hungrydoggie's Profile

今次同一班朋友食陳儀興潮式牛什粉麵，好味要分享一下！🍜 (極罕有部位)牛脆骨配河粉：係牛肋骨旁邊嘅軟骨部位，煮得超級淋～ 咬落去有少少爽脆感，燉得夠腍又入味。(罕有部位)牛沙瓜配河粉：牛沙瓜其實係牛嘅第四個胃嚟㗎！聽落好似好特別，食落真係好正有啲似爽口嘅豬肚～(限量招牌)崩沙腩配幼麵：崩沙腩絕對係牛腩中嘅極品！一層肥一層瘦，仲連住薄薄嘅筋膜～ 咬落去真係層次豐！肥膏部分入口即化，瘦嘅部分夠晒淋完美！(自家製)鮮蝦雲吞配河粉：雲吞皮薄且富彈性，蝦肉鮮甜彈牙，河粉湯清甜輕盈，簡單卻非常滿足。🥬· 菜心：新鮮焯至爽脆，淋上少許蠔油，滋味加分· 通菜：加入少許腐乳調味，提升整體香氣和層次· 生菜：簡單焯熟，口感清新爽口，沾蠔油一樣好食☕ · 凍檸茶：🍋新鮮檸檬片，茶底香· 凍奶茶：茶味濃郁且幼滑，甜度恰到好處· 金銀花茶：自家制帶淡淡花香，清熱解毒健康之選🍤 炸雲吞：外皮金黃酥脆，餡料飽滿蝦肉，一口咬下多重口感十足。· 炸魚皮：魚皮好脆浸湯汁食，朔晒啲湯令人一試難忘 「我要晒」：$40 大碟多款小食，炸魚條，墨魚條等，特別適合想試多款不同味覺嘅朋友。牛什質素高真係無得輸，份量亦多，朋友都贊不絕口，迫不及待下次再嚟！👍…Read More

今次同班朋友去咗灣仔 一遊 呢間日本餐廳，環境幾舒服，座位寬敞，燈光柔和，好適合傾偈聚餐。🍹 特飲推薦我哋試咗幾款特飲，柚子燒酌梳打 真係必點！酸甜平衡，好開胃。朋友叫嘅檸檬燒酌梳打就清新啲，而梅子燒酌梳打就甜甜地，適合鍾意梅子香嘅人。 🍣 前菜 & 刺身鮑魚沙律 好出色，🥗鮑魚煮得軟嫩，醬汁帶少少酸甜，好夾！蟹肉牛油果卷都唔錯，口感滑溜，牛油果同蟹肉比例啱啱好。刺身叫咗 白身魚薄切，師傅刀功一流，魚肉透薄得嚟唔會散，入口清甜肥美，配wasabi同醬油更提鮮。🍶試咗支「一心」清酒，酒味清澈透明，酒米香突出，帶少少獨特果香，口感清爽易入口，配串燒同刺身都好夾，尤其係同石鍋飯一齊食，更加提升味道層次！ 食材新鮮，處理得好好。如果想飲清酒，「一心」係唔錯嘅選擇🍢 串燒系列 全部即叫即燒，熱辣辣上枱雞翼燒到皮脆肉嫩，咬落仲有肉汁，調味剛好豚肉車厘茄 豚肉油脂香濃，包住爆汁嘅車厘茄，口感好正！ 燒牛肉包蘆筍 牛肉燒得香嫩包住爽脆蘆筍，清甜好夾，推薦！ 🍤 天婦羅海鮮拼盤 💁🏻‍♀️海膽 大海老 魷魚 鱈魚 池魚仔 帶子 蟹柳 蕃薯 秋葵 茄子 南瓜好豐富，尤其紫菜海膽天婦羅外層酥脆，海膽鮮甜濃郁，紫菜增加咗口感層次！海老天婦羅，蝦肉彈牙，炸漿薄脆。野菜天婦羅 炸得恰到好處，保留咗蔬菜原味。 整體炸功出色，油溫控制得好好，配埋天婦羅汁，食落香脆但唔會膩🍚 石鍋飯生薑豚肉石鍋飯，上枱時仲滋滋聲，飯焦香脆，薑味溫和，豬肉入味，撈勻食真係好滋味！…Read More

📍 坑口村呢間餐廳叫「Fika」，裝修簡約坐得舒服，燈光同氣氛都啱晒同朋友聚會或者 chill 下。🍽 食物水準：有驚喜！· 牛油果蟹肉脆酥：香脆多士，配上香滑牛油果蟹肉，蟹肉鮮甜三文魚子咸香點綴。口感好有層次，精緻好食。😋· Fika 卡邦尼意粉：🍝醬汁香濃又夠 creamy，意粉煮得剛好，每一啖都掛汁！· 美國封門牛柳（9安士）：推薦！ 🐮牛柳肉質軟嫩、肉味濃，熟度啱啱好，仲跟咗薯蓉同 gravy～薯蓉香濃唔會過鹹，配埋牛柳一齊食真係絕配！店員態度好友善，有禮貌，上菜速度快。以食物質素、環境同服務嚟講，絕對性價比高。特別係牛柳，值得一試！…Read More

今次去咗跑馬地嘅【騰飛滬川小館】小店食午餐，環境乾淨坐得幾舒服。🐔醉雞飯套餐$68，酒夠香清爽，雞肉滑嫩唔柴，配住白飯食好送飯。 $88酸菜魚套餐🐟魚片夠滑，湯底辣度岩岩好都好正，撈飯好開胃好食。 $88水煮牛肉🐮套餐辣度適中，牛肉片嫩，油而不膩，鐘意重口味嘅我幾滿意。可以再encore!另外加咗一客🥟小籠包，皮唔算厚，咬開有湯汁。 午市套餐價錢真系好抵，適合返工附近快食一餐或者同朋友輕鬆聚一聚。…Read More

The Yuu Japanese Dining 位於尖沙咀Knutsford Terrace，主打日式居酒屋料理，環境舒服有京都風格，幾適合朋友聚餐或者家庭食飯。刺身拼盤🐟有拖羅、帶子、🦐牡丹蝦等，全部新鮮又厚切，魚味重。🎃南瓜沙律用南瓜泥混炸蓮藕，食落有層次，幾特別。串燒岀色🍤雞皮蝦卷燒得香脆，蝦肉夠彈牙多肉汁。🐮牛舌厚切，燒到啱啱好，每啖都有牛味。鰻魚外脆內嫩，油脂豐富又冇骨。🐑羊扒冇羶味，肉夠厚身又嫩，燒到有微焦香。🐔明太子燒雞串，雞肉滑明太子咸香，幾夾。🦑炸魷魚酥脆唔油膩，魷魚唔韌。🐮炒飯粒粒分明，牛肉粒炒得香口，味道夠。飲品推介🍸Calpis sour微甜，入口清爽。西柚sour有果肉纖維，酸味feel到，飲落醒神。🍋檸檬sour夠自然，酸味唔邪，飲完refresh。🥃梅酒sour甜甜地，有梅香，唔會太重酒味，慢慢嘆好舒服。每款都適合配搭串燒或刺身，解膩又開胃。…Read More

尖沙咀K11嘅slow cow牛肉碗餐廳，試咗佢哋嘅招牌慢煮熟成牛肉飯同拉絲芝士番茄醬意粉招牌慢煮熟成牛肉飯一上枱已經令人期待，牛肉熟成得非常靚，入口軟腍仲帶住牛油香。蛋白炒飯粒粒分明，配埋紅酒照燒汁，甜中帶香，令整碟飯有豐富層次。仲有自家制鮮忌廉，令口感更加順滑，食落唔會膩，真係贊。另一款慢煮熟成牛肉拉絲芝士番茄醬意粉，一擺上枱就聞到陣陣芝士香味，意粉煮得彈牙掛住濃郁嘅番茄醬同芝士，番茄醬酸甜開胃，配埋洋蔥嘅甜味。拉絲芝士食落去又唔膩，好味。青森蘋果味Chu-Hi，帶濃郁蘋果清香，微甜微氣，入口清爽易飲；千葉和梨Chu-Hi淡淡梨香，甜度適中，女士尤其鍾意！兩款都輕盈有果味，不論牛肉飯定意粉都好夾。整體嚟講，無論係牛肉飯定意粉，都食得出佢哋嘅用心，無論朋友聚餐定自己嚟歎都係幾好嘅選擇。餐廳環境舒服，服務親切，平日都排晒長龍啦！…Read More

今次同朋友食lunch, 餐廳位於太子地鐵站附近好方便。室內裝修傳統乾淨，座位舒服，服務都好到位。芋香酥鵝：外皮炸得香脆鬆化，入面芋頭綿密，配鵝肉嘅油香，一啖落去好有層次感，而且唔會太油膩。菜肉碎四季豆：炒得夠香，四季豆爽脆入味，肉碎啖啖肉香，岩晒配飯。招牌鵝肝：鵝肝嫩滑細膩，冇腥味，醬汁調味啱啱好，食落去毫無膩感。仲有滷水豆腐，好入味。適合朋友聚會同埋家庭飯局，特別推薦啲鵝鴨類、鑊氣小炒。下次都想試下其他小菜。…Read More

這次係Hysan嘅SLOW COW食牛肉飯，真係幾好味！店舖位置好易搵。招牌慢煮熟成牛肉飯，一出場就令我好期待，肉類熟成得非常靚，入口軟腍又帶香氣。佢哋用嘅珍珠白米飯粒粒分明，配合紅酒照燒汁，甜中帶香，令成碟飯層次豐富。個自家製鮮忌廉令口感更加順滑，非常match。A4日本和牛丼，絕對係牛魔王級別，油花分布均勻，牛味濃郁，配埋黑椒昆布汁，嗰種牛肉油脂香令人一口接一口。日本蘭王雞蛋黃加上有啲脆香蒜片作點綴，口感層次瞬間豐富晒。飲品我揀咗道地玄米茶同烏龍茶，喺枝裝茶，方便飲唔晒都可以拎住慢慢飲。茶香清新，啱晒沖淡油膩感。成餐食落嚟都好飽肚又唔覺得膩，岀餐快手啱晒打工放飯一族，環境舒適乾淨，啲服務又親切。總括嚟講，SLOW COW嘅牛肉飯無論係牛肉質素定係味道搭配上，都用心十足，值得推介一下。…Read More

今次同朋友去 侍拉麵RAMEN SAMURAI，成間舖頭環境乾淨光猛，坐得舒服。我哋先叫咗🐔samurai炸雞，外皮好脆薄唔油膩，食落啖啖肉又有肉汁，點埋沙律醬一齊食仲惹味。🍗炸雞份量都唔細。🍜熟成雞煮干醬油拉麵個湯底層次分明，好香濃嘅醬油味，入口嫩滑帶岀啲甜味。至於溏心蛋，每啖都流心，蛋香滲晒入湯度，好正！🦐濃蝦湯拉麵就鮮味突出，蝦湯味厚實，麵條彈牙，蝦肉鮮甜彈牙。油封玻璃豚肉勁滑嫩，旁邊仲有兩粒脆骨雞丸子同埋好甜香嘅風乾小茄。🍅飲品方面，🥃Cold Brew Coffee有驚喜，冷萃咖啡香郁有果香，配埋甜品一齊食好夾。🍵冷泡八女煎茶清新解膩，適合鍾意飲茶嘅人，飲落口完全冇苦澀，茶味天然。甜品嗌左🍮焦糖布甸同Tiramisu巴斯克🍰。布甸非常滑溜，焦糖味濃郁得嚟又唔會勁甜，入口啱啱好；Tiramisu一層層口感豐富，咖啡酒味香好濃郁。味道同質素嚟講都好高，座無虛席仲要排隊。服務都有禮貌、反應快。係一間會再黎嘅拉麵店！🍜…Read More

八不壽喜燒・二人牛盛極上體驗同朋友專登嚟試呢個「極品・八不壽喜燒二人牛盛」——果然無令人失望！主角和牛三重奏：🥢 A5佐賀和牛：霜降油花均勻，入口即化，甘香滿溢。🥢 和牛封門柳：肉質軟嫩帶微咬口，牛味濃郁。🥢 澳洲和牛牛小排：油脂平衡，燒香後脂香四溢。三款肉質都無可挑剔，由淡到濃食落層次分明，真心推薦！驚喜位：跟餐送嘅🍶柚子酒，清爽酸甜，完美中和牛肉嘅豐腴感，夾到震！牛肉配埋壽喜燒汁，每塊肉都滑不溜口，仲有🥗新鮮蔬菜盤，每啖都好fresh。最正係用🥚雞蛋嚟點牛肉，蛋汁香濃得嚟多層次！成間餐廳環境舒服，坐得自在。員工有耐性教整牛肉同下鍋技巧，照顧周到。…Read More

富山拉麵🍜無論是味道還是配搭都很用心，從進門那刻就被各種「角落生物」包圍，彷彿走進牠們的療癮小天地。拉麵牛奶拉麵🍼的湯底帶有淡淡奶香，入口滑順，搭配彈牙的麵條，碗邊還坐了一隻挨著碗緣嘅「企鵝」。白鹽蝦拉麵🦐則用上新鮮蝦肉，蝦味鮮甜清爽，鹽味湯底不會太重，更能襯托出蝦的鮮美，旁邊陪著戴著蝦尾帽的「炸蝦尾」，勁可愛🍤飲品特製荔枝椰果梳打帶有微微的荔枝香氣，🍹椰果口感Q彈，喝起來清涼又解膩。另一款🍏青蘋果椰果梳打則充滿青蘋果的香甜，層次豐富，果味十足。杯外壁都係角落生物，可愛滿分💯小食🍠栗子紫薯餅外層酥脆，內裡的紫薯泥細膩香甜，栗子味道也很清晰，即叫即炸夠晒脆。甜品而🍨特製芭菲用了藍莓、紅莓等新鮮水果，色彩繽紛，層次分明，甜而不膩。頂層插著「炸蝦尾」造型的小旗，令人忍不住先打卡再開動。整體擺盤簡潔卻有心思，每個餐具旁都悄悄藏著不同的角落生物小公仔🥰，為用餐體驗增添了不少樂趣。這家店的拉麵風味和配搭確實有心思，加上全程被「角落生物」可愛陪伴，非常適合粉絲朋友來試試。…Read More

今次去壹.01食台灣野！有好多款式揀，樣樣都想食小食脆炸鮮奶卷跟古早芋泥，炸鮮奶好滑，🍠芋泥口感綿密芋頭味好香濃。我不是章魚燒，係🐙章魚小丸子味嘅炸花枝丸，好特別又好味台灣腸，花枝丸同鹽酥雞🐔拼盤，炸得酥脆又不油膩，全部都即叫即炸，熱辣辣。炸花雕雞翼🐥，炸得金黃，雞肉多汁，帶點🍾花雕酒香，味道有層次！主食風琴豆腐🐮牛肉飯份量十足，牛肉嫩滑，豆腐吸飽醬汁送飯超好味，整碗食晒好滿足！飲品全手作芋頭豆奶，🍠芋頭泥好滑，豆奶香濃好味。黑糖珍珠鮮奶🧋，珍珠Q彈，甜度剛好，不會太膩。花生冰淇淋卷🍨 特別之處係佢包咗花生糖碎、雲呢拿同芋頭雪糕，仲有令人驚喜嘅新鮮芫荽。食落口感豐富好有台灣夜市風味😋正現場氣氛也超好，店員很親切，座位舒適聊天的好地方。價錢好抵，菜色多元又有驚喜，推薦給喜歡台灣風味的朋友！…Read More

這次去咗WM Cafe & Bar食飯，環境幾新淨舒服，服務都幾好。香辣雞翼，🐔雞翼味道辣得啱啱好，有啲微微香辣帶點煙燻感，幾惹味蒜香白酒焗藍青口，青口肉質鮮嫩有汁，蒜香同白酒酒香味濃，配埋法包撈汁一流。雙層美國安格斯牛肉漢堡配薯條，🍔牛肉厚切又juicy，肉味濃郁，🍟配薯條係經典combo，夠脆。波蘿煙火腿薄餅，🍕波蘿帶嚟一點甜味，煙火腿味道帶煙燻咸香。價錢合理服務又好，如果想喺鑽石山附近搵個輕鬆食飯地方，呢度係不錯選擇…Read More

劉興記一直以嚟都係街坊老字號嘅生煎包專門店。今次我叫咗三款點心：- 原味上海小籠包（4隻）小籠包皮薄多汁，咬落去爆汁感十足，係標準上海嘅味道，好適合嗜湯汁嘅食客。- 招牌生煎包（4隻）呢款招牌生煎包，煎到底部香脆，肉餡多汁味道濃郁，嗰層煎到微焦嘅香氣真係好味- 蟹黃生煎包（4隻）呢款蟹黃味道濃厚而唔會過鹹，餡料鮮甜，加埋生煎包嘅焦香令整體層次感更豐富，一口咬落即刻感受到蟹黃同肉餡融合嘅鮮美，值得一試。嗌套餐或者滿$60送豆漿仼飲添劉興記嘅生煎包真係一試難忘。特別係皮薄肉嫩嘅口感同爆汁設計，如果係生煎包控，呢度絕對唔可以錯過！…Read More

銅鑼灣新開香港首間熟成燒鳥店 [鳥熟成] 嚴選三黃雞與日本土雞，再以乾式熟成燒鳥為主打，特色是外皮燒得香脆、肉質嫩滑多汁且無燥味，適合喜歡燒鳥的人士。三黃雞腿肉：雞皮帶些微炭燒香，肉質鮮嫩多汁，配埋紫蘇葉一齊食別有一番風味。三黃雞中翼：雞中翼皮酥肉嫩。三黃雞橫隔膜：稀有部位，口感好特別，燒到脆脆哋似雞皮但唔油膩，好好味。三黃雞油脂特別香。熟成特上鴿皇胸腿肉：是招牌必食推介，經過48小時熟成，燒得外皮香脆，肉質嫩滑多汁，沒有一般鴿肉的燥味。慢煮特選和牛三角肉：和牛肉質軟嫩，燒到五成熟好粉嫩，牛味濃郁自家製月見免治雞肉棒：自家製免治雞肉，質感彈牙，配日本生蛋黃醬油食，好滑溜日本雞軟骨：口感脆爽，有嚼勁，是燒鳥常見的特色部位 牛油雜菌：搭配牛油錫紙焗香各種菌菇，香氣濃郁，是配飯或下酒的好選擇 日式唐揚豆腐：外皮炸得金黃香脆，內裡豆腐滑嫩特濃花膠雞白湯烏冬：湯頭濃稠香滑，花膠與雞白湯完美結合，暖胃又滋補 荔枝檸檬梳打：清爽的果香味，帶酸甜口感鴿翼：燒到好香嘅鴿翼，外皮香脆肉質多汁Yakitori JUKUSEI 專注於日式熟成食材嘅串燒店。有多款雞肉及稀有部位，食材新鮮高質。有日式吧枱區和多人餐桌區，最適合同班朋友小酌。值得一試…Read More