tselion的個人專頁

令人失望的一餐，飲品中出現一隻小曱甴，隨即告訴男侍應，一句「不好意思」也沒有，他只換了一杯飲品給我。意粉味道其實不錯的，蜆有一點沙，不過因為喝了三份一杯曱甴飲品，沒胃口吃下去。…查看更多

兩個人叫咗個牛扒拼龍蝦，再加粥同加小食，就叫咗兩杯特飲，加埋唔使$500。牛扒好食，龍蝦雖然係冰鮮貨同細隻啲，但味道唔錯，性價比超高。老闆態度好，定會再幫襯的。…查看更多

晚市七點入座，叫二千幾套餐，食一個鐘多D待應開始執嘢，態度非常差，上菜粗魯，客人夾菜時多次被強行轉走轉盤，全程趕收工嘅態度。食物味精極多，片皮鴨厚度一個點！最離譜嘅係套餐裏面有三隻龍蝦，上菜嘅時候，已經搵唔到任何龍蝦尾，全碟蝦殼同手腳，有個衝動想砌返三隻龍蝦，問吓侍應啲肉去晒邊！？去到九點仲離譜，竟然打放學鐘，火警鐘響足10分鐘，部長侍應處變不驚唔處理，最好管理人員睇到呢個post，用火警鐘趕客走，想客人報消防，浪費警力同埋消防力？三千幾蚊買單，貼錢買難受！香港嘅飲食業就係比呢啲害群之馬害死！…查看更多

失望的！首先講環境，裏面有幾枱有小朋友，其中兩枱好嘈，父母由得孩子在餐廳大吵大鬧，相距多張桌子的距離，也感到非常煩厭。服務方面，頭盤主菜好快就上，食完主菜之後，等咗好耐都冇人上甜品，上咗甜品叫埋單，點知要等好多其他枱先一齊埋，變咗等好耐。最重要係食物方面，啲牛肉嘅感覺係冇乜肉香，肉質麻麻哋，雞肉餐亦都好鞋同乾。麵包、湯、蟹餅味道是不錯的。但人均近七百一位，環境、服務、食物都唔值，試一次就夠，唔會再嚟。…查看更多

抗疫晚餐$350，冇諗過呢個地方有呢個價錢嘅食，家住九龍城，呢間比九龍城泰菜更好食，四個餐另加兩個小食，價錢同質素都好好，餐具和包裝袋都好靚，希望做得住，加油！…查看更多

等車期間忽然想買盒酸齋，行到去阿姐整嘢無理人,等佢整完我話買盒酸齋，佢問:淨酸齋呀?我笑笑口問:酸齋加乜好呀?佢黑口黑面好大聲好唔友善咁答:我點知你加乜呀!咁我話:哦!淨酸齋囉!唔推介有乜好食都唔好咁唔友善囉!回家吃酸齋,賣相是ok的，也算大盒的!但一入囗便覺比平常吃的酸很多很多,令喉嚨也覺得"那",可能吃得齋少,未吃過"那"喉的超酸齋！！！…查看更多