best.foodiebuddy的個人專頁

平日收工諗住同朋友小酌一杯🥃，就搵咗呢間居酒屋，位於高街以為人少，點知平日都坐滿九成！原來佢哋做緊清酒之旅$298，全晚多款清酒任飲，可惜我第二日要返工錯過咗～🥢九鬼龍珠卷 $198：賣相超吸引！用新鮮拖羅同海膽，配醬油漬蛋黃，食落有層次🥢九鬼蘭王玉子燒 $58：蘭黃蛋蛋香濃郁，唔會太甜，如果再多少少就更好🥢陳皮梅子燒鴨胸 $138：鴨胸薄切，梅子酸甜配陳皮香氣，完美平衡油份，食起嚟清爽🥢海膽吞拿魚他他 $138（4件）：海膽加吞拿魚蓉，入口鬆軟即溶，海膽新鮮，我超中意呢個！🥢雞心元 $48 & 雞柳 $48：雞心元其實係心臟前血管，燒得入味彈牙有嚼勁；雞柳肉嫩滑配埋醬汁又幾夾！私心推介❣️海膽吞拿魚他他+燒雞心元…查看更多

香港麗晶酒店同Shake Shack聯乘嘅鵝肝漢堡真係超誘惑👅！坐喺大堂酒廊，窗外靚景望到維港海景，食住美食心情爆燈～鵝肝漢堡加魚子醬薯條😍，期間限定至12/12咋,兩樣都係我中意嘅，簡直比佢燒著左🔥📌鵝肝漢堡魚子醬薯條 $370入口已經食到好香鵝肝味口感順滑，配埋焦糖洋蔥、安格斯牛肉夠juicy 同芝士真係啖啖都咁幸福💕 不過醬汁用黑松露蛋黃醬就真係唔係好食黑松露味;魚子醬配上法式酸奶 bavarois、細香蔥，魚子醬味較淡但配上薯條口感細膩都唔錯📌手工香草青醬螺絲粉 （酒店menu主菜）$268羅勒味好香 螺絲粉夠煙靭有咬口 ，但青醬真係唔係人人啱食…查看更多

觀塘駱駝漆出名多野食🍴，呢間關西風壽喜燒小店係我再次回訪既心水鋪！關西風壽喜燒套餐$499，有齊前菜、日本A4和牛精選部位3款＋自選部位1款、配日本蛋🥚、野菜拼盤同珍珠飯🍚。小店風格簡約低調，用味道講嘢，唔花巧但好正🫶🏻但店內位置唔多，大家記得BOOK定枱啊✅ 前菜及甜點🥢刺身沙律、和牛壽司、茶碗蒸、喰楽特式飯點、舞茸海鮮清湯  👅自家製焦糖雞蛋布丁，滑溜得嚟甜而不膩✅ 日本A4和牛精選部位3款＋自選部位1款🐮 肉眼 - 油脂豐富，入口即溶，牛油香濃，最軟腍！  🐮 西冷- 牛味較重，食到一絲絲牛肉纖維，肉感十足！  🐮 沙巴當 - 牛味最濃，肉質結實有彈性，好有嚼勁！  實試晒3款後，我自選左*肉眼*因為配飯食一流🤤🍚整體嚟講，前菜已經好有水準，壽喜汁咸甜平衡，湯底濃郁，A4和牛每款都好滋味，真係難揀自選部位！甜點雞蛋布丁滑溜即食，呢間小店值得輕輕一推😆❣️…查看更多

呢間打邊爐好有格調🏮，門口係中國風，但餐廳內又混合左港風元素，尤其係見到戶外大大塊佢地招牌「去滾」既霓虹燈💡，就比佢吸引左🌟👉🏻 **原個椰子雞湯**🥥🍲 (有半隻雞🐔)，一黎到緊係飲啖湯同食啖雞先啦！食落雞好滑嫩，個湯有椰子香，但個人覺得偏咸左少少😅👉🏻 **美國手切牛頸脊**🥩🔪：盡顯到師傅刀工，油脂分佈均勻，食落牛味濃郁，個人鐘情呢款牛💕😋👉🏻 **特級即日新鮮街市肥牛**🥩✨：肥瘦適中，牛味濃郁👉🏻 **黑白墨魚丸**🦑：入口彈牙，食得出有墨魚粒，Q彈得黎有咬口，呢個真係要推一推👍👉🏻 **牛B子手打牛丸**🥄：有牛味，但牛丸肉質比較鬆散少少，個人鐘意彈彈牛丸…查看更多

今日同朋友去左T.O.P搵食，見到呢間打邊爐嘅餐廳，但有午餐set，價位低至$58午市仲免收+1服務費，餐廳外觀幾光鮮就入去試試👉🏻蔥油雞飯配娃娃菜冇諗到佢$58竟然有一碟雞一碟娃娃菜，望落去個樣都唔錯，食落OK嘅鍾意佢個豉油係甜豉油，加上佢面頭嘅蔥好香蔥油味！至於娃娃菜都OK灑咗啲乾蒜喺菜上面👉🏻椰子雞湯米線入口好香椰子味，比嘅部位係雞髀，雞都滑身嘅，食完覺得唔錯👉🏻避風塘雞翼四隻唔係真係好重避風塘味，雞翼炸的乾身，不過不失整體呢間舖都幾抵食，不失為lunch嘅好選擇…查看更多

呢間cafe有啲難搵，超隱世但高質！有室內溫馨座位同室外chill garden，環境浪漫舒適，適合一個人chill或者約朋友brunch～望一望佢營業時間只係去到六點！！！**All Day Breakfast☕🍳**：真係好足料！最令我讚嘆嘅係佢哋嘅蕪花果包，單食已經好正～唔乾身、夠軟夠煙韌，配上笑牛牌芝士粒，咬落鬆軟有彈性，食到滿滿幸福感！問過staff有無單點蕪花果包，佢話menu暫時無單點，好想單點拎返屋企Japjapjap～🍞🧀**蒜香帶子蘆筍扁意粉**：帶子煎至金黃，口感鮮嫩彈牙，配細嫩爽脆蘆筍，意粉裹滿濃郁蒜香，仲有幾塊香脆炸蒜片點綴。整體蒜味夠香唔油膩！🦪🍝**美國特級牛小排配野菜薯蓉**：入口有牛味帶點牛油香，食落完全無筋，有肉汁！薯蓉軟滑creamy，有忌廉香；野菜組合有南瓜、翠玉瓜同一口甜薯，好滿足～🥩🥔…查看更多

見到呢間主打「巨型」定食嘅日式餐廳，好似近排超hit咁～大胃王朋友千祈唔好錯過啊！😍我係平日晚上去嘅，7點左右見餐廳已經爆滿啦！🔥 拎咗飛仔等咗大約15分鐘，就入到去啦～⏰👉🏻 **超巨型吉列魚柳滑蛋丼**：呢個超吸睛，打卡一流！📸 吉列魚柳有成25cm，好震撼！😲 本身以為咁大塊炸粉一定好厚，點知金黃鬆脆，魚肉炸得啱啱好，真係要讚一讚啊～👏 另外個滑蛋好足料，有洋蔥同大大塊菇，送飯一流呀！🍚👉🏻 **美國燒牛板腱定食**：賣相唔錯，牛肉重牛味帶嚼勁，點埋個燒汁送飯都唔錯～🥩 但呢個要襯熱食...凍咗之後有少少膩😆 跟埋味噌湯及茶碗蒸，份量十足！🍲👉🏻 **雞肉鍋燒烏冬**：湯底似壽喜燒湯頭，雞肉厚實，烏冬係我中意嘅稻庭烏冬～🍜 配上金菇、冬菇雞蛋等配料，都相當豐富！🥦🥚另加咗兩樣小食🥢：**小食牛肉薯餅** & **天婦羅豆腐**，脆脆香香超開胃！🧀🍟…查看更多

深水埗呢一間糖水舖係區內好出名，真係好抵食，人均唔使$30/碗糖水，好耐冇食就會想食返一碗呢間個仙草芋圓真係食咗好多年，夠足料多餡仙草好滑溜，芋圓地瓜園煮得啱啱好夠煙靭，入邊仲有小丸子紅豆薏米等……唔好睇佢細細碗食完都好夠飽，唔會太甜感覺啱啱好另外叫咗碗桂棗雪耳糖水比屋企人食入邊同樣好足料有芋圓地瓜圓小丸子，食落好清新又滋潤，屋企人都好鍾意食開業咗咁耐水準，一直依然keep到，會繼續支持小店💪🏻💪🏻💪🏻…查看更多

上網睇YouTube同見到好多人拍reel講到啲蟹好吸引爆晒膏咁，於是決心同兩朋友試一試叫咗$268最平嗰個餐75分鐘任食，蟹嘅size約三兩，每轉每人限嗌兩隻，第一轉係四公兩乸 ，蟹公黎到之後啲膏係灰黑色好恐怖，係四隻都係咁！相反蟹乸就正正常常，但啲腮都偏灰！之後我哋就keep住蟹乸。唔知係咪最平嗰個餐關係啦，同上網睇嗰啲真係爭好遠，埋單人均連加1差唔多$300，真係寧願買蟹返屋企自己蒸好過，呢間我就唔會再俾機會！…查看更多

呢間之前九月中嘅時候去過一次 當時仲分緊兩條隊排 一條係排芝麻菲林卷 另一條係排雪糕因為菲林卷每個鐘出一轉 所以我哋派左雪糕條隊先 排到我哋前幾個嘅時候見到人哋拎杯裝雪糕走之後我哋嘅時候佢話而家得返杯裝雪糕跟住我哋問支裝雪糕冇晒啦？有冇話大概等幾耐？個店員淨係答我哋冇晒啦，跟住我又問多次佢大概要等幾耐先有支裝？然後店員拎住個杯裝問我哋要定唔要🙂‍↔️完全冇答過我哋如果買枝裝要等幾耐所以我哋就買咗2杯杯裝，之後過隔離菲林卷條隊繼續排隊，唔夠15分鐘佢又開始出返軟雪糕💁🏻‍♀️事關我聽到排我前面個位喺度講 搞錯 一早又唔講咁快就有！其實講真如果咁快又係咪應該同客人講聲，睇吓客人願唔願意等跟住第二次去係因為要食隔離嘅拉麵店，食完見暖心芝作條人龍太長，所以順手就食埋上次食唔到嘅支裝雪糕講返嘢食先，菲林卷食落口感幾好有彈性，但芝麻味較淡😂兩款雪糕都有微微顆粒感，杯裝雪糕芝麻味都濃嘅，但係冇支裝雪糕咁濃，我諗係關支裝雪糕上邊嘅黑芝麻醬事！…查看更多

呢間長沙灣小店開咗好多年，我食過好多次！每次想食吐司就去呢度。舖頭唔起眼，但吐司即叫即做，熱辣辣好新鮮～脆炸軟殼蟹滑蛋吐司🍞🦀：厚切吐司烘得香脆，牛油味撲鼻，配原隻大軟殼蟹，外脆內嫩，仲有蟹肉！滑蛋夠滑，仲有塊生菜唔會膩口，加埋沙律醬口感豐富，果然係招牌牛油果拼蝦仁炒蛋吐司🥑🍤：炒蛋嫩滑配蝦仁彈牙，牛油果夠creamy，同樣有生菜，沙律醬 呢個組合穩陣，成件事幾清新！不過就略嫌佢蝦比得兩隻有啲少…查看更多

呢間拉麵店我經過咗幾次，每次都見到超長人龍🚶‍♂️🚶‍♀️，今次終於排到試😍地雞醬油拉麵🍜：湯底色澤超吸引👀，望落油光閃閃，但飲落完全唔油膩，鮮甜中爆發濃郁雞油香～配上多加水熟成麵，口感柔軟滑順，食完唔會太重負擔！豚x雞白湯拉麵🍲：白湯完美融合豚骨同雞嘅精華，係傳說中嘅**W湯底**！濃稠中帶膠質，雞味超突出，配低加水全麥粒拉麵，麵質緊實有咬口，肉眼都見到麥粒點綴，嚼勁十足，作為硬面派我中意呢款麵底！兩碗拉麵都配齊雞肉、豚肉叉燒、少量筍同溏心蛋🥚，特別要讚下呢隻蛋出色！帶住醬油香，蛋黃完美流心，正!…查看更多

之前成日聽人講龍糖坊，好奇心爆棚！之前佢喺尖沙咀開咗間分店，終於抽時間去試試啦～✨楊枝甘露雪花冰 (單人版)配料超豐富！雪花冰上鋪滿新鮮芒果肉，表層淋咗忌廉同芒果汁，芒果粒粒大又甜爆～仲有2粒藍莓同幾嚿椰汁膏，食落去完全似飲緊新鮮椰青水咁清新椰香！整體都幾好食但主體冰嘅芒果味有啲人工，食多幾啖覺得假假地～所以呢個我覺得麻麻地啦楊枝甘露雙皮奶芒果大概有5粒大塊，新鮮juicy～感覺比雪花冰更有楊枝甘露味，食到西柚嘅酸爽同西米露嘅Q彈！雙皮奶唔會太甜有奶香味，嫩滑順口，夾埋芒果楊枝甘露嘅酸甜平衡，食落完全唔膩，呢個我中意😆完美收尾～下次想試埋佢哋嘅芒果河粉同焦糖雙皮奶，好似好誘人！…查看更多

今日lunch同同事去左金雞廣場樓上嘅cafe，上網見佢lunch set價錢合理仲包一杯$38嘅飲品,好似唔錯咁cafe以白色同灰色為主題，門口見有到會及包場服務,可能因為樓上舖嘅關係cafe人比較少，可以靜靜地同同事傾下計一入門口就見到個櫃有唔少board game，但因為lunchtime關係我地無時間玩因為未食過又見到客人唔多，於是我叫左最穩陣嘅卡邦尼煙肉雜菌意粉,同事叫左西班牙海蝦辣肉腸燴飯卡邦尼煙肉雜菌意粉~食落質感creamy加埋上面灑左d芝士，果然係穩陣之選西班牙海蝦辣肉腸燴飯~係蕃茄汁為基底，蕃茄汁個人認為偏甜左少少，另外睇圖都知依個唔係海蝦,但餐廳都比幾多蝦，有成5-6隻蝦,辣肉腸都唔錯整體嚟講環境唔錯，食物質素ok，如果想同朋友慢慢傾下計可以一試…查看更多

今日去咗太子一間日式居酒屋🏮  近地鐵站好方便一入去就見塌塌米座位，中間有櫻花樹好吸引👀 感覺有日本氛圍，幾舒服～Menu選擇多，有壽喜燒、拉麵、烏冬、燒物等，好齊全！🍜👉🏻玉子之大滿足🥚：玉子燒大塊厚身，蛋味香濃！加明太子醬同蟹籽，食得幾滿足👅👉🏻 福岡冷烏冬麵🍜❄️：麵身煙韌彈牙，煮得啱啱好，配京蔥同蟹籽，係穩陣組合👉🏻 夢王三文魚籽漬飯定食🍚🐟：可以DIY，幾有趣！一啖有魚籽、蛋絲、蛋漿同綿密蛋白，口感豐富🎉👉🏻 大大塊流心芝士麥樂雞🐔🧀：幾特別，以為係麥樂雞，食落像麥香雞，芝士流心好正💕👉🏻 魷魚章魚棒🦑🐙：有真章魚肉，厚實彈牙，咬落幾好～👉🏻 白桃乳酸梳打 & 法國藍橙乳酸梳打 🥤🍑：兩杯都唔會太甜，藍橙版顏色靚適合影相📸 清新解渴！店員好有禮貌，見同d客會閒聊，應該係熟客~呢間小店幾溫馨又坐得舒服🙌🏻 整體幾好！…查看更多