iris t的個人專頁

之前係啟德airside食過一次 感覺唔錯👍🏻同男友收工後 係大圍圍方見到 又想再encore!今次叫左個 二人套餐前菜：【黑醬油炒蘿蔔糕 (半份)】一上碟就聞到好香! 同平時煎嘅唔同，用黑醬油炒到有少少焦香，甜甜鹹鹹，入面依然係軟熟嘅蘿蔔糕，好惹味！半份啱啱好，唔會滯!【文華海南雞飯】雞肉連皮都超滑溜，完全冇骨，啖啖肉。雞油飯- 油潤得嚟好香，我同男友都忍唔住扒晒成碗飯！仲有齊三款醬（甜黑醬油、勁香嘅薑蓉、辣醬），點唔同醬又有唔同風味，正！呢個雞飯幾有水準！【白胡椒肉骨茶米線配油炸鬼】白胡椒味好出，飲落個喉嚨暖笠笠，好舒服。湯料好足，有啖啖肉嘅排骨、索晒湯汁嘅豆卜同金菇。碗米線吸晒湯，好入味！最正係條油炸鬼，可以就咁脆口食，或者浸兩浸湯，等佢軟身啲又充滿肉骨茶味，兩種食法都正！【醬油生菜🥬】簡簡單單一個菜，醬油鹹鹹甜甜，最正係面頭嗰啲炸蒜，脆脆地，成碟菜即刻香口晒！【熱錫蘭奶茶】食完咁多重口味嘢，飲返杯熱奶茶就 perfect 池！茶味夠濃，又滑，仲唔太甜！…查看更多

呢排天氣轉涼 夜晚諗住打個邊爐 成日係popcorn都見到呢間台式火鍋🍲好多人排隊 今晚早少少過黎拎位先打邊爐一定會叫鴛鴦鍋，今次揀左：牡丹美人鍋+上品蟲草木耳鍋我同男友叫左「特選澳洲和牛海鮮」120分鐘(Lv4)除左可以order好多唔同款式既台灣小食：鹽酥雞，宜蘭蔥肉陷餅，手抓餅，甘梅地瓜薯條，滷水豆腐等等，出面大廳位置仲有唔同嘅小食，食材，飲品同甜品我地嗌嘅呢個套餐仲有好多好多打邊爐必點既：牛五花，封門柳，薄切牛舌心，黑毛豬，澳洲羊肩肉，鬼馬油炸鬼，沙白，松露墨魚滑，響鈴魚子蝦滑卷，無骨牛小排，刺參，花膠，大海蝦，白鱔，原隻鮑魚，必點：澳洲和牛肩胛肉眼，好好食😋encore左好多次🤭同埋估唔到場內仲有好多唔同既台式料理，滷肉飯，仲有甜品：九份仙草芋圓，十份愛玉芋圓真係多到食唔晒🙈🤣埋單果陣 店員話我地食Lv4吃到飽套餐，我地2位可以有遊戲幣8個，食完野可以抽到扭蛋，開心🥳…查看更多

之前已經同朋友食過一次，幾有驚喜，今晚帶埋男友嚟，嗌咗呢度嘅二人套餐，套餐可以自由配搭一個意粉/飯同一個主食，款式選擇有心思! 是日餐湯 + 沙律 + 蒜蓉包#雜菌忌廉湯 菇菌香味濃郁，口感幼滑，忌廉比例岩岩好，唔會太膩#Salami沙律 新鮮清爽嘅沙律菜, 平衡左鹹香Salami嘅油膩感#芝士蒜蓉包熱辣辣上枱，蒜蓉牛油香氣撲鼻，脆口又滿足！#地中海香煎比目魚配櫻花蝦乾蠔豉比諾飯 🐟🦐呢個絕對係全晚亮點! 比目魚外皮煎得金黃香脆，魚肉保持嫩滑，仲有魚有香嘅油脂感最特別係個「比諾飯」，用咗櫻花蝦同蠔豉一齊煮，中西合璧得嚟毫無違和感！蠔豉嘅鹹鮮味同櫻花蝦嘅香氣滲入每粒飯芯，味道層次豐富，創意滿分! #炭燒澳洲西冷 (8oz)🥩叫咗七成熟，火候控制得岩岩好，內裡肉質粉嫩，肉汁鎖得住，牛味濃郁，而旁邊嘅配菜亦唔馬虎，薯蓉香滑，烤蔬菜清甜。🍰甜品：#巴斯克流心芝士蛋糕 套餐包每人一件蛋糕，我哋揀咗兩款口味原味：芝士味極濃，外層微焦，內裡流心效果出色，口感綿密濕潤冧酒提子：相比原味多咗一份酒香，提子乾增加口感，味道更醇厚…查看更多

今日同朋友嚟到呢間人氣居酒屋 主打惹味燒物每款都即叫即燒，熱辣辣上枱🔥絕對係區內高性價比之選!【牛油燒蟶子】必點! 超大隻肥美蟶子！牛油蒜香超濃郁燒得岩岩好，爽口彈牙又多汁🐟【刺身-左口魚裙邊】 鮮甜肥美，油脂甘香🍤【唐揚九肚魚】外脆內嫩，炸粉超薄，配埋柚子燒汁，清新解膩🦪【醬酒燒蠔】蠔肉飽滿肥美，醬油燒香入味，燒得唔會過熟，保持嫩滑多汁，蠔迷必點！🦑【燒墨魚仔配魷魚肝醬】墨魚仔燒得香口，口感軟嫩，自家製魷魚肝醬濃郁鹹香，點埋一齊食，d層次出番黎!🔥【燒辣味墨魚嘴】香辣惹味，口感Q彈🐮【牛舌 (蜜糖芥末加蒜蓉)】厚切牛舌超有咬口👅蜜糖芥末+蒜蓉雙重風味…查看更多

今晚同朋友去左始創廣場睇野 見到新開張既「泰順」，試下佢地既二人套餐先。前菜：「芒果蝦米紙卷」表現出色，米紙卷皮薄而帶有微微韌性，包住鮮甜既芒果肉🥭，搭配爽口既鮮蝦同米線，再蘸上附送既酸甜醬汁，清爽又開胃🤤蔬菜：「馬拉盞通菜」鑊氣十足，呈現出地道既泰國風味，通菜炒得爽脆，火候掌握得岩岩好，唔會過老。馬拉盞醬鹹香惹味，帶有蝦米既香辣，送飯一流。主菜：「泰式無骨海南雞（半隻）」，果然無令人失望。雞皮色澤淡黃，口感爽滑唔肥膩；雞肉煮得岩岩好，肉質夠嫩滑，雞胸部位都唔會話鞋口，而搭配既三色醬料係點睛之筆：黑醬油濃甜、薑蓉辛香、仲有泰式辣醬，酸辣醒神，進一步提升左雞肉既鮮味。半隻雞份量對兩人來說非常足夠。…查看更多

係門口入黎就已經見到師傅用炭火慢燒鰻魚#名物一本鰻三吃呢款 真係必食! 原條蒲燒鰻魚 可以按三個步驟配合食, 而所謂既「三吃」除左有儀式感之外，仲可以係唔同食法 角度，完整體驗鰻魚既美味🤤先由第一款食法：直接品嚐蒲燒風味鰻魚烤得外皮微焦酥脆，帶有炭火香氣，但內裡肉質依然飽滿軟嫩，秘製既蒲燒醬汁- 甜鹹度岩岩好，濃郁但又唔會過鹹，襯托番鰻魚本身既鮮味。而所謂既「一本」即係完整條奉上，食落大滿足。第二款食法：加上海苔碎+wasabi 一齊食呢個組合又幾特別! 香脆既海苔碎增添左香口感，而現磨山葵（Wasabi）無想像中咁嗆辣，而又可以解左醬汁既膩，瞬間提昇左鰻魚既鮮味，令到味道層次變得非常清爽，呢款傳統同創意既結合得非常好👍🏻第三款食法： 加入高湯做成茶泡飯最後既收尾，將剩低既鰻魚飯，加入蔥花、海苔，再淋上溫熱既高湯。高湯既清澈鮮美，瞬間令到米飯變得溫潤順口，化為一碗暖心暖胃既茶泡飯，而每一啖都可以吸收到湯汁既米飯、軟嫩既鰻魚湯韻味，為呢份全式料理畫下完美既句點#天婦羅刺身御膳呢份御膳完美滿足 既想試下酥炸物 又想食下刺身既人刺身（3款）肉質光澤，口感緊實有彈性，鮮甜天婦羅部分（炸魚+炸蝦+炸南瓜）炸蝦 🍤：炸衣極薄，輕盈酥脆，幾乎無油膩感，蝦肉緊實彈牙，非常新鮮! 炸魚：火候控制岩岩好，魚肉保持多汁嫩滑，同酥脆既外衣形成對比。炸南瓜天婦羅：甜味係油炸後更加濃縮，綿密香甜「うなぎ四代目菊川」果然不負四代傳承既名號，無論係專精既鰻魚料理，定係其他日式菜式都保持唔錯既水準，而燒鰻魚果然係必食嘅招牌料理，師傅係你面前用炭火慢燒，可以充分展現左店家對鰻魚處理既專業同講究…查看更多

係門口比呢個menu吸引左入去食Steak & Frites 🥩 🍟Argentinian Ribeye (12oz)/ USDA Sirloin (10oz) With unlimited fries and 1 glass of wine Tandoori Mix Grill 烤肉拼盤 （大蝦🍤，香烤魚柳，奶油雞塊，羊肉串，烤羊肉）大蝦肉質爽彈 帶有牛油香，魚肉嫩滑，奶油雞夠軟嫩，羊肉串 & 烤羊肉帶有印度香料孜然姜黃味牛扒叫左阿根廷肋眼牛扒 7成熟 配上rosemary ，食落油脂味濃厚，外皮帶有少少🤏焦香感，但同時又保留左肉汁Wine 🍷 雖然set係配紅酒 但想飲白酒多d好好既係 waitess聽到我咁request 都幫我轉🫶🏻而清爽既白酒仲可以平衡番牛扒嘅油脂感👍🏻盤上面有鹽 同埋黑松露牛油🧈但我個人比較沾少少鹽搭配食，可以更加突出肉味薯條🍟 炸得酥脆! Paneer Kulcha 芝士發麵餅 🫓🧀烤麵餅包入面充滿住融化既芝士，外脆内軟，芝士味香濃! …查看更多

今晚去左搵好友食晚餐 佢聽同事反映 性價比不錯搞到我都想試下呢間既拉麵🍜招牌原條慢煮豬軟骨拉麵🍜（小辣）原條慢煮豬軟骨- 勁大條，軟骨膠質燉至好軟腍，骨膠原滿滿，瘦肉部分都岩岩好! 濃郁豚骨湯，帶點微辣，麵條爽滑彈牙 仲好掛湯! 溏心蛋醃漬入味，流心得黎蛋香十足鰻魚野菜天婦羅蕎麥麵🍜鰻魚天婦羅- 外酥內軟，保留到厚實肥美既魚肉，仲可以keep到油脂同香氣，好少見到既創意做法，夠晒特別! 野菜天婦羅🍤 -茄子🍆軟嫩吸汁、南瓜 香甜粉糯、洋蔥🧅爽脆清甜、粟米🌽鮮甜多汁，薄薄既炸粉炸可以鎖住蔬菜原味搭配埋清爽既蕎麥麵，岩哂夏天食! 小食- 天婦羅豬軟骨🍤🐖將慢煮豬軟骨裹粉酥炸，創意滿分💯! 外層天婦羅衣輕薄脆口，內裡軟骨依舊軟糯，口感對比幾特別! …查看更多

留意👀到將軍澳廣場中庭新開左間四川重慶口味餐廳 今晚一於試下! 冒菜：揀咗藤椒湯底- 藤椒帶來獨特既香麻味，麻感突出，層次感豐富。主食揀咗小麵- 吸收左藤椒湯汁既精華。葷菜-基本款2款：牛柏葉：口感爽脆；肥牛：薄片肉香另加左小酥肉，浸係湯底 半軟腍 半酥脆。仲有湯底自帶配料：油麥菜、蓮藕片、青筍片、金針菇、豆腐粒、海帶片紫米豆漿：紫米增添穀物香氣同埋Q糯口感，豆漿本身濃郁微甜，非常解辣解膩。黑豆漿：相比普通豆漿，黑豆漿豆香更濃郁，營養價值都好高，係搭配重口味餐點既好選擇。乾拌抄手雲吞：搭配麻辣紅油、蒜泥、花生碎等調料，少少香辣麻鹹既風味，雲吞皮滑，餡料足。烤串系列 (種類豐富，各具特色)：五花豬肉串 (5串)：肥瘦岩岩好，烤到焦香，油脂滲出，口感豐腴不膩。半肥黃牛肉串 (5串)：牛肉香氣突出，半肥部位帶出油潤感，肉質有少少嚼勁。牛胸標串 (5串)：特色部位! 預期係口感彈牙 帶點爽脆，油脂香氣濃郁。黑椒雞腿肉串 (5串)：雞腿肉嫩滑多汁，黑椒醃料入味。魷魚鬚小串 (5串)：Q彈，仲有燒烤焦香。黑椒豬肉串 (5串)：豬肉搭配黑椒，鹹香微辣，係經典既燒烤風味。…查看更多

係將軍澳諗唔到食咩好 都會諗到食「桂花小幸」最近晚市仲出左原盅燉湯定食套餐紅燒半筋半腩牛肉台灣麵 （微辣），
湯底濃郁，微辣提味，牛肉選用半筋半腩部位，筋軟Q、腩肉嫩，燉煮入味。配料有紅白蘿蔔，燉得軟爛入味，增加湯頭甜味。再叫多隻滷水蛋，滷得入味，蛋黃綿密。涼拌黑醋茄子- 清爽開胃既選擇。茄子口感軟而不爛，用黑醋涼拌，酸香解膩，岩哂搭配番濃味既主食。滷水豆腐- 經典台灣小食，豆腐吸飽滷汁，口感軟嫩，食落啖啖滷豆香味。晚市定食套餐：原盅燉湯＋ 上湯時菜 - 煲仔・塔香三杯雞雞件入味，醬汁鹹香帶甜，充滿經典 三杯風味（麻油、米酒、醬油）。洋蔥🧅爆炒後增添甜味，加埋九層塔香 絕配。原盅燉湯 足料又夠清甜! …查看更多

同男友收工係銅鑼灣搵野食，見到呢個MENU好吸引燒鴨兩食（半隻）半隻鴨有兩種食法，夠晒貼心，一於就叫呢款餐!另外仲有個"夏季套餐"MENU，聽部長講，而家8月份有限時訂座優惠：4位或以上贈北京烤鴨半隻，都幾抵啵!除左有3-4人餐，仲有5-6人/7-8人餐，好岩同埋屋企人一班人一齊食!玫瑰荔枝茶 餐廳提供多款茶選擇，除左傳統鐵觀音、普洱外，要讚吓呢個玫瑰荔枝茶幾有特色，茶香中帶有淡淡荔枝甜味，仲帶D玫瑰香氣! 估唔到又幾夾!鴨肉炒飯都炒得幾好，飯粒乾身唔油，仲有陣陣鴨油香, 鴨肉量都足!北京填鴨配卷餅鴨皮酥脆，肉質嫩滑，油脂分布均勻。配料比一般餐廳豐富，除左有傳統京蔥絲、烤鴨醬、青瓜外，特別加入蜜瓜條、甜酸醬，同埋砂糖。蜜瓜條既清新甜味同鴨油形成有趣對比，呢種配搭又幾特別!錦繡大盤雞雞件嫩滑入味，分量充足，薯仔索晒汁，口感綿密，醬汁咸香微辣，風味濃郁但唔會過鹹，洋蔥保持爽脆，裏面仲有啲粉條索哂啲汁好好食!腰果露 作為甜品收尾就有少少失望質地略稀，腰果香氣不足但Overall, 估唔到利舞臺呢間中菜，都幾有驚喜！地方夠闊落，坐得舒服，侍應又nice!…查看更多

之前同男友係深圳食過一次，今次係奧海城見到呢間「綠茶」都幾多人排隊一於試下有咩分別! - 綠蔥油汁萵筍（夏日限定）作為開胃季節前菜，萵筍切片後冰鎮，再將黃瓜片夾層，口感爽脆如「黃色翠玉瓜」，層次豐富，果然係夏日絕配。-蔥香脆皮烤鴨鴨皮脆薄，脂肪比例適中，不會過於油膩。旁邊搭配大量新鮮青蔥，可自行搭配甜麵醬包裹食用，增加風味。雖非北京烤鴨級數，但以這個價位來說，性價比合理。- 蔥薑蓉砂鍋焗牛肉牛肉選用半肥瘦部位，砂鍋焗製後肉質軟嫩，帶微微焦香。蔥薑蓉的辛香平衡了牛肉的油脂感，醬汁濃郁，但不膩口。蝦湯泡飯蝦湯熬得鮮甜，無多餘既油膩感，泡飯吸收哂蝦湯精華，米粒保持適中口感，唔會過軟，附上既脆米係亮點，可以按個人喜好添加，增加脆口口感。…查看更多

之前已經留意到呢間「蟹仙」海鮮蒸氣鍋估唔到今晚去銅鑼灣接男友收工係附近見到 一於食佢! 我地叫左最平既套餐：$499/位（尊貴海鮮套餐，另加一服務費），套餐涵蓋多款高質海鮮，包括奄仔蟹、澳洲龍蝦、韓國釜山蠔等，性價比合理。冷泡茶 – 甜橙蘋果紅茶冰涼清爽，甜橙🍊蘋果🍎香氣自然，唔會過甜，仲可以中和到海鮮既濃郁感，適合搭配蒸海鮮解膩。即食南非鮑魚配冬菇•鮑魚口感彈牙，醬汁調味適中，唔會蓋過鮮味。•冬菇索晒啲鮑汁，軟嫩入味，係個唔錯的開胃前菜。 澳洲龍蝦•蒸煮時間控制得宜，肉質爽彈，蝦膏鮮美。•雖然唔係最大隻，但以$499套餐黎講 已屬高質。OpenRice like完就會送加拿大赤蝦刺身，肉質爽甜，新鮮度高，免費贈送性價比高。奄仔蟹•蟹黃豐腴，呈流心狀，味道濃郁甘甜。•肉質細嫩，鮮度十足。韓國釜山蠔 & 紐西蘭刀貝蚌•蠔肉肥美，無任何腥味。•刀貝蚌爽口，鮮度夠，搭配少少🤏蒜蓉更提鮮。蟹皇大元貝 & 黃金翡翠螺•元貝搭配蟹黃，味道濃郁，但略嫌蒸煮時間稍長，肉質稍韌。•翡翠螺尚屬正常加拿大野生海虎蝦•蝦肉飽滿，鮮甜度高，蒸5分鐘岩岩好保持最佳口感。韓國釜山野生鰻魚•皮薄肉嫩，蒸後仍保持少許焦脆感，鮮味突出。•相比日式蒲燒，更能突顯原味。客人用轉數快或者PayMe俾錢就會送椰汁雪耳糖水, 雪耳煮至軟滑，椰汁香而不膩，飯後甜品不錯。蟹仙海鮮蒸碢大公館主打蒸氣海鮮，以原汁原味烹調方式呈現海鮮鮮甜海鮮新鮮度高，奄仔蟹、龍蝦、表現出色；餐廳環境乾淨整潔，服務人員都好細心協助，蒸煮時間控制專業，確保最佳口感；精華粥底是亮點，鮮味十足。另外，OpenRice優惠提升整體性價比，整體體驗良好，適合鐘意原汁原味海鮮的食客，$499套餐係銅鑼灣區屬合理價位，值得一試。…查看更多

去咗大角咀 經開西九匯 見到呢間「貴緣小鍋米線」，好耐冇見啲米線舖係小窩米線，小窩米線特別之處係「一鍋一煮」，唔係大鍋煮完撈湯嗰種，每碗都係獨立小鍋煮，每到湯底同米線完美融合 叫咗佢哋嘅**青花椒麻濃湯**（中小辣）湯底好夠味又唔會太鹹，米線煮得剛剛好，掛湯能力100分!加咗魚肉春卷同魚腐，吸晒湯汁超正朋友嗌嘅 麻辣湯底米線 生菜 豬軟骨 （中小辣）**豬軟骨米線**，豬軟骨煮到超淋，一咬就化，個湯底清得嚟又好鮮甜 小食- **大漠烤豬仔髀**（2件）外脆內嫩，孜然味好香，食完想encore 小食-**貴緣雞絲火山**：雞絲撈咗秘製醬汁，微辣開胃，撈米線食一流 食完米線 見到佢地新出左期間限定既「低糖手工糕點」分別叫左4款： **桂花紅豆糕** 清甜唔膩，桂花香好突出 **椰汁斑斕千層糕** 斑斕味好香，口感煙韌 **黑芝麻糕** 芝麻味超濃，仲食到少少芝麻粒 **椰汁紫米糕** 紫米軟糯，椰香十足 貴緣嘅小鍋煮法真係好加分，湯同米線完美結合，食落特別入味！新出嘅低糖糕點都好有驚喜，健康得嚟又好味。…查看更多

冇諗過喺將軍澳單車館咁隱世嘅角落竟然收埋咗間咁chill嘅Cafe成間舖頭佈滿綠植同木系裝修真係好似去咗個迷你森林咁🌿 今次叫左個$498嘅二人餐 真心抵食-避風塘炒蟹肉意粉勁多蟹肉 蒜香味超濃 又夠濃味, 意粉炒得夠乾身-白桃烏龍芝士奶蓋茶底清甜 帶有桃味 奶蓋厚身-栗子燕麥奶沙冰上層既栗子蓉超多 仲有原粒栗子🌰燕麥奶又夠香-照燒汁牛柳粒估唔到「小食」都可以咁有份量牛柳粒超Juicy 咬落去肉汁爆出嚟照燒汁甜甜哋 加埋炸蒜片 好好食 -鹽麴比目魚魚皮煎到脆卜卜 魚肉夠嫩滑 最正係佢啲魚油 香到呢配菜嘅西蘭花同燉菜都唔hea 夠晒有心思 -Haagen-Dazs雪糕正常發揮 但士多啤梨味好清新🍓 呢間絕對係將軍澳隱世好店 食物質素拍得住出面既西餐廳 但價錢合理好多環境又靚又舒服 同FD嚟打卡傾計一流唯一缺點係位置有啲難搵 不過食完就知值得既…查看更多