totsang's Profile

呢間小店真係幾特別，主打魯肉飯配上海鮮，呢個組合喺香港都唔多見。今次同朋友嚟食午餐，餐廳午市時段真係爆滿，要等過咗午市高峰先有位坐。我哋叫咗午市套餐，試咗佢哋招牌嘅「月見海老蚵仔鮭魚蝦卵魯肉飯配全熟蛋」($109)。一上枱已經見到面頭鋪滿晒料，蚵仔又大粒又肥美，熟度啱啱好。蝦有煎過，帶少少焦香。底下係傳統魯肉，飯吸晒魯肉汁，每一啖都好有層次感，鹹鮮入味。蛋用咗日本蘭王，可以自選生熟，加埋三文魚同蝦籽，每一啖都係唔同的享受。飲品方面，我點咗「無冰芋泥鮮奶」。芋泥好鮮，打得好幼滑，但又保留到少少芋頭粒粒嘅口感，唔會太甜，食得出芋頭本身嘅香味，值得推介。呢間小店嘅魯肉飯加上海鮮真係有驚喜，食材新鮮，配搭新穎，價錢合理。下次會再嚟試下其他款式！…Read More

呢間北京烤鴨餐廳都幾出名，今次同朋友一齊去試下。餐廳環境幾舒服，燈光柔和，坐位有圓枱同卡位，適合家庭或者朋友聚餐。我哋點咗個套餐，包括半隻北京填鴨同冬瓜鴨架湯。烤鴨一上枱已經聞到香味，鴨皮脆卜卜，鴨肉都唔會太乾。配料有青瓜、哈蜜瓜、韭黃同埋幾款醬汁。餅皮係即蒸，熱辣辣，包住鴨肉一齊食真係好正。仲有一口酥，好似薯片咁脆，點砂糖一流。冬瓜鴨架湯都唔錯，湯底清甜，飲落有鴨味但唔會太油膩，入面有冬瓜，豆腐同鴨架，啖啖料。另外我哋仲叫咗上海炒年糕，炒得夠鑊氣，年糕煙韌，配料有京蔥、豬肉絲同冬菇，味道唔會太重口味，幾適合配烤鴨一齊食。…Read More

呢間餐廳質素真係有保證，之前去過佢其他分店都好滿意，今次就試下荔枝角分店。呢度裝修好有心思，熊貓主題好可愛，仲有好多打卡位，啱晒同朋友一齊嚟影相。今次叫咗壽司(8貫)配迷你櫻花蝦烏冬，壽司有鰻魚、三文魚、吞拿魚同帶子，每款都新鮮，入口滑溜，鰻魚味道濃郁，三文魚油脂分布平均，吞拿魚冇筋，帶子好甜。櫻花蝦烏冬份量啱啱好，烏冬煙韌，湯底清甜，櫻花蝦增添咗香味。牛肉壽喜醬汁烏冬都唔錯，牛肉片夠嫩，醬汁味道濃郁但唔會太鹹，烏冬吸晒醬汁，好惹味。炸餃子外皮香脆，餡料足，唔會太油膩，配埋醬汁一齊食更加開胃。甜品方面，叫咗非常雜莓芭菲，賣相靚，層次分明，士多啤梨同藍莓好鮮甜，配埋雪糕同脆脆，食落唔會太膩。飲品方面，冰柚子茶清新解渴，柚子味突出；冰抹茶拿鐵抹茶味濃郁，奶味平衡得好。整體嚟講，餐廳環境舒服，食物質素高，服務都幾好，值得再嚟！…Read More

啱啱喺大興體育館做完運動，肚仔打鼓。呢間係第一間主打手撕雞嘅堂食店，好岩我地口味。入到去，店員好有禮貌，感覺好舒服。我哋點咗招牌二人套餐，都只係$145，性價比幾高。套餐包咗兩款小食，有小冬菇同雞腎。冬菇微辣，帶有好香嘅花椒味，幾開胃。雞腎爽口彈牙，調味啱啱好。主角當然係招牌手撕雞（半隻），雞肉嫩滑，皮薄肉厚，手撕嘅口感真係唔同啲，配埋蔥油，超正！仲有白飯同麵可以揀，我哋一人一款，飯粒分明，麵都唔會淋。另外仲有上湯魚腐娃娃菜，湯底清甜，魚腐滑溜，娃娃菜吸晒湯汁，好健康。最後仲有住家靚湯，味道足料。呢個套餐，真係又飽又滿足，價錢合理，服務又好，我地仲登記左做會員，d 券coupon,下次用岩晒。…Read More

之前見過朋友係度食飯打卡，今日終於有機會黎試下。餐廳超高樓底加上圓拱型頂部，真係有啲似置身教堂咁，高雅又有情調，坐得舒服，環境真係滿分。今次叫咗幾款招牌菜：✨️燴牛腩粗大管粉  牛腩炆得好腍，入口即化，啲汁好入味，配粗大管粉一齊食，掛汁一流，每啖都好滿足。✨️風乾火腿蘑菇薄餅  呢個薄餅真係必推！餅底焗到外脆內煙韌，咬落去有層次感。配料雖然簡單，但用料好新鮮，火腿鹹香，蘑菇多汁，芝士唔會太膩，啱啱好，食完想再encore。✨️招牌牛肉漢堡  漢堡包鬆軟，牛肉扒厚身多汁，咬落去有肉香，配埋新鮮蔬菜同醬汁，味道好夾。份量都幾足，食完好有飽足感。薯條熱辣辣，外脆內軟，唔會太油膩。餐廳環境真係冇得輸，打卡一流。食物質素對得住個價錢，服務都幾好！…Read More

午市時段，餐廳坐無虛席，人氣爆燈。卡位夠大，坐落去好寫意。我哋揀咗牛肉清湯麵 ，麵條手打，煙韌有嚼勁，湯底飲落清香，牛骨味突出，完全唔覺膩。牛肉切得厚，肉質滑溜，咬落去有層次，啱晒唔鍾意重口味嘅人。紅燒牛腱麵 ，紅燒湯底夠晒濃郁，微辣帶甜，飲落去有層次感。牛腱大舊又夠腍，入晒味，每啖都好滋味，推介必食。滷味鴨舌  滷得入味，食落爽口彈牙，鹹香適中，無論做開胃菜定小食都好正。台式鹽酥雞  鹽酥雞即炸即食，外層香脆，雞肉嫩滑唔鞋，加埋九層塔一齊食，香氣更突出，熱辣辣食最過癮。鮮奶茶配仙草 奶茶茶香同奶味平衡，唔會過甜，仙草滑嘟嘟，層次豐富，飲完有驚喜感。呢間餐廳值得再嚟，食牛肉麵永遠唔會失望。…Read More

綠茶餐廳終於嚟到香港啦！今日新開張，門口已經排晒長龍，大家都好期待。餐廳以蘇式園林做主題，坐低都覺得好舒服。新開張仲有八折優惠，門口有古箏表演，氣氛一流。我叫咗黑松露牛肉炒飯，炒飯粒粒分明，牛肉夠嫩，黑松露味道好突出，食落去好香。筆墨酥香好有創意，毛筆造型好得意，用朱古力醬做墨水，酥皮入面包住豆蓉，甜度啱啱好，唔會膩。麵餅醬香五花肉都好正，五花肉炸到外脆內嫩，用片皮鴨嘅做法，夾埋麵餅一齊食，口感豐富。茶香奶凍好滑，茶味清香，加上脆皮焦糖，食落清新。宋雙魚羹味道鮮甜，魚肉滑溜，值得推介。聽講menu係米芝蓮星級名廚設計，難怪每道菜都咁有水準。整體嚟講，綠茶餐廳真係值得一試，環境好，食物有驚喜，下次一定會再嚟！…Read More

呢間韓式cafe環境真係幾舒服，地方寬敞，裝修簡約又有主題色橙色，感覺好有活力，打卡一流。今次叫咗半半炸雞，分別係蜂蜜味同粟米味。蜂蜜味炸雞外皮香脆，甜甜地又唔會膩，雞肉嫩滑，真係一食停唔到口。粟米味就好特別，帶住淡淡粟米香，配埋炸雞一齊食，幾有驚喜。芝士辣味排骨鍋排骨鍋一上枱已經聞到香辣味，排骨夠入味，辣度啱啱好，唔會太嗆。芝士溶晒包住排骨，拉絲效果一流，芝士控一定要試。飯團搓成波波，加埋芝士一齊食，鹹香又有層次，食完好滿足。玫瑰醬八爪魚豬五花意粉 意粉掛滿韓式醬汁，味道特別，八爪魚同豬五花肉都幾彈牙，唔會太油膩，幾有新意。甜品賣相好吸引，窩夫外脆內軟，帶住淡淡牛油香，配上新鮮蜜瓜粒，清甜多汁。甜而不膩，真係有初戀嘅感覺！呢間cafe無論環境定食物都好有水準，服務又有禮，下次一定會再嚟試下其他菜式。…Read More

之前我去過荃灣嗰間，今次就嚟試下沙田分店嘅午市套餐。餐廳環境幾舒服，裝修有法式小酒館嘅感覺，坐得都幾自在。午市套餐可以加錢揀頭盤同甜品，我哋就試咗法式香草蛋沙律同法國生牛肉他他。蛋沙律用咗新鮮香草，蛋味香濃，配埋少少沙律菜，清新開胃。生牛肉他他切得幼細，調味適中，唔會太鹹，食落口感滑溜，配埋脆多士一齊食，好有層次。主菜方面，我揀咗三文魚蕎麥薄餅，入面有三文魚肉、意大利青瓜、忌廉芝士醬同火箭菜。薄餅外皮煎得香脆，三文魚新鮮，配搭青瓜同芝士醬，味道好夾，唔會膩。朋友嗌咗香橙油封鴨腿，鴨腿外皮脆卜卜，肉質嫩滑，帶有淡淡香橙味，配埋西蘭花苗同燒薯粒，感覺豐富又有飽足感。甜品方面，我哋揀咗榛子朱古力醬煎香蕉可麗餅。可麗餅薄身煙韌，朱古力醬香濃，香蕉沾上脆皮焦糖，甜度啱啱好，作為飯後甜品一流。總括嚟講，呢間小酒館嘅法式菜式水準穩定，價錢合理，午市套餐選擇多，份量足夠。無論同朋友聚餐定想試下傳統法國菜，都值得一試。…Read More

呢間素食餐廳係朋友推介，開喺花店入面，環境好舒服，坐低已經聞到花香，氣氛好chill。今次我哋揀咗特上套餐，包括前菜、主菜、甜品同飲品。前菜有磨菇湯同蔬菜春卷。磨菇湯菇味濃郁，質感幼滑，飲落去好暖胃。春卷外皮脆卜卜，餡料新鮮，唔油膩。香芒沙律用咗羽衣甘藍同新鮮芒果，醬汁酸甜開胃。乾鍋菜花有驚喜，辣味同麻香好突出，好入味，食到停唔到口。主菜的肉醬大啡菇配菠菜批都好正，大啡菇多汁，肉醬味道同真肉好似，菠菜批唔會太膩。忌廉芝士牛肝菌扁意粉忌廉香滑，牛肝菌味濃，意粉煙韌。甜品我揀咗抹茶雪糕同凍椰奶西米露。抹茶雪糕茶味濃郁，唔會太甜；椰奶西米露椰香突出，西米煙韌。飲品方面，西瓜沙冰同菠蘿荔枝沙冰都好清新解渴，啱晒夏天。總結嚟講，呢間餐廳環境舒服，食物有水準，素食都可以好有層次同驚喜。無論係素食者定普通食客，都值得一試！…Read More

呢間日式小店係朋友極力推薦之下去試，真係冇令我失望。雖然裝修簡約，但環境乾淨舒服，服務員都好有禮貌。最驚喜係食物質素，完全唔輸比啲貴價日式餐廳，價錢仲要親民得多，午市套餐真係超值。我哋叫咗特上壽司定食，壽司新鮮度一流，魚生切得厚身，入口即溶。中拖羅同大拖羅油脂分布均勻，味道鮮甜，三文魚都好滑。魷魚好彈牙，完全冇腥味。手卷都包得好靚，紫菜脆卜卜，餡料足料。軍艦壽司方面，蔥花拖羅同三文魚籽都好新鮮，脆卜卜。刺身定食都好抵食，三文魚、甜蝦、帶子同拖羅都好新鮮，切得厚身，食落好高質。加多二十蚊仲可以揀小食，我哋試咗唐揚墨魚咀同魷魚圈，外脆內嫩，唔會太油膩，配埋超大杯柚子梳打，清新解膩。呢間小店無論食物質素、價錢定服務都好有驚喜，絕對值得再嚟。下次會想試埋佢其他丼飯同定食。…Read More

早幾日同屋企人去咗馬灣新開嘅景點，順便搵間餐廳chill下。餐廳就喺沙灘側邊，對住藍天白雲，環境真係好舒服，坐喺度食嘢望住個海，感覺好寫意。最正係餐廳隔離有個專屬playground，小朋友可以玩滑梯、搖搖馬，家長都可以安心食飯。我哋叫咗$588嘅二人套餐，份量都幾足夠。頭盤有磨菇湯，菇味好濃郁，飲落滑滑地幾香。跟住有烤雞肉凱撒沙律，份量大，雞肉唔會太乾，配埋新鮮生菜同芝士碎，好開胃。小食拼盤有炸雞翼、洋蔥圈、魷魚圈同海鮮春卷。炸雞翼外脆內嫩，洋蔥圈同魷魚圈都唔會太油膩，海鮮春卷都幾有驚喜，餡料足。主菜係烤菠蘿牛臀蓋扒（10oz），牛扒烤得啱啱好，肉質嫩滑，配埋烤菠蘿的清甜味，好高質。甜品方面，有芒果熱情果慕斯蛋糕同雜莓荔枝慕斯蛋糕，賣相好精緻，味道都唔錯，啱晒夏天食。飲品叫咗凍檸茶同fruit punch，凍檸茶夠香夠凍，fruit punch都幾清新。臨走仲有coupon送，原來北角都有分店，值得光顧。…Read More

千海水產海鮮火鍋放題我已經第二次嚟啦！上次第一次試已經覺得好正，今次再嚟都一樣咁期待。自己出去任撈海鮮，真係好有趣，仲可以食到最新鮮嘅海鮮。用QR code落單，點咗火鍋湯底之後就即刻出去撈海鮮！海鮮種類依然好多，有花蟹、鮑魚、東風螺、基圍蝦、唔同種類嘅貝類，全部都好生猛！撈完之後有職員幫手清洗，真係好貼心，之後就可以落鍋啦！花蟹依然好鮮甜，肉都幾多，職員清洗完仲會幫你開邊，食起嚟好方便。鮑魚同基圍蝦都好彈牙，肉質好鮮美，可以任食真係好幸福。貝類都唔輸蝕，全部都開口，鮮味十足。除咗海鮮之外，仲可以任食M5和牛，入口即溶！燒榴槤都好正，榴槤控一定要試！仲有燒羊架、燒乳鴿、小龍蝦，仲有好多火鍋配菜任你揀！甜品、飲品同雪糕都唔少得，種類多到數唔晒，haagen-dazs雪糕任食，真係回本！第二次嚟都一樣咁滿足，朋友介紹得真係冇錯，呢度真係又好玩又好食！…Read More

呢間餐廳主打台式火鍋，座位夠寬敞，光線充足，坐得舒服，唔會覺得逼夾。而且食材選擇多元化，有唔少台灣特色嘅配料，令人好有新鮮感。小食方面，黃金地瓜條真係好吸引，外脆內軟，甜度啱啱好，食完想再encore。我地試咗日本壽喜燒Sukiyaki同野菌鍋拼埋一齊，味道層次豐富。台灣麻辣牛肉涮涮鍋都唔錯，小辣程度啱啱好，麻香味突出，唔會太辣，牛肉吸晒湯底精華。肉類選擇有極級Prime Grade安格斯牛頸脊同西班牙伊比利亞黑毛豬，全部都可以任食，肉質鮮嫩，油花分布靚。海鮮方面，沙白完全冇沙，蝦都新鮮彈牙。手工黑松露魚滑同麻辣牛手打墨魚丸都幾有驚喜，墨魚仔都好彈牙。飲品方面，推介佢哋自家制冬瓜茶，清甜解渴。最後仲有雪糕甜筒做結尾，滿足晒甜品控。餐廳食材新鮮，選擇多，環境舒適，服務都唔錯，值得一試！…Read More

餐廳環境以木系和大自然園景為主，綠意盎然，氣氛舒適，座位寬敞，令人用餐時特別放鬆。午市時段人氣極高，要排隊等位，但環境同食物都值得等。「漢堡扒全日早餐」用料高質，漢堡扒肉厚多汁，芝心脆皮腸鹹香脆口，煙三文魚油脂豐富，多士鬆軟，整體非常滿意。甜品「泰式梳乎芒果糯米飯」，梳孚孚厘蛋香鬆軟，配上鮮甜芒果和椰香糯米飯，層次豐富，打卡一流。椰香冬蔭功海鮮意粉醬汁creamy微辣，海鮮新鮮彈牙，加上香葉，香茅等，泰式風味突出。飲品推介糯米芒芒椰奶沙冰清新解渴，黃金比例泰茶（凍）茶香濃郁，配忌廉順滑。…Read More