南海的個人專頁

呢日同母親大人去北角日本餐廳食飯🥢,因為佢嘅菜式都好特別~先出場嘅係一個好似魚骨嘅前菜🦴~原來用咗鯖魚拆骨打成蓉炒香再焗成威化🥨,帶啲鹹香~中間仲有吞拿魚蓉加黃蘿蔔青瓜🥒~然後有個沙律🥗,用咗Burrata cheese加上熟成赤醋🧀~仲有醃漬過嘅車厘茄,木魚碎同櫻花蝦🦐~而個茶碗蒸都好特別~個蛋漿加入咗紫海膽,面頭係椰菜花mousse~仲有甜甜嘅北海道馬糞海膽鋪面😋~主食都好特別,例如個燒秋刀魚卷🐟,有兩款醬可以點~個深色嘅肝醬初初食覺得比較苦😐,但後來又甘甘地~同個秋刀魚好夾~而個春卷係包住咗鵪鶉髀🐦,再塗上雞肝醬加炒好嘅白菌🍄~略帶木燻過嘅香味🪵~但我就要食返啲澱粉質先夠飽~呢度用自家製意大利粉🍝,再用鮑魚肝炒成醬~面頭仲有煮到腍滑嘅蝦夷鮑魚🦪~另外仲有個大小toro卷同埋一個好香甜嘅羊肚菌雞湯🥣~甜品係個雪糕,唔太甜,再配上橙同新鮮炒榛子🍊,香氣撲鼻~…查看更多

呢日去咗尖沙咀一間喺地庫嘅日式餐廳食🥢~因為佢哋有指定清酒免費任飲,啱晒我呢啲需要酒精嘅人🤭~午餐有90分鐘,晚餐有成120分鐘,同埋一班frd嚟夠晒開心👯‍♀️👯‍♀️~晚餐仲有廚師發辦十六壽品優惠原價＄1380/位,而家二人同行,一人免費🤩!我呢日食嘅係午餐壽司定食,328蚊一位~有齊前菜,8件壽司🍣,茶碗蒸烏冬同埋甜品~睇住師傅喺你面前製作壽司,再仲紹每款魚,真係好正👏~我食咗真鯛,池魚,間八,帶子🦪~個人比較喜歡鯖魚,因為魚肉味比較香濃🐟~而燒銀鱈魚魚油味又好足🔥,配埋烏魚子粉再更香~最尾一個亦係其他客都好喜愛嘅右口魚~原來除咗口魚仲有右口魚😯,右口魚較大條又較多油份~一向都鍾意食左口魚裙邊嘅我,今次真係食咗返唔到轉頭🙈~另外個茶碗蒸都好足料~除咗蒸到滑一滑嘅蛋🥚,仲有魚子同蟹肉喺面🦀~料多到每啖都有,滿口都係鮮甜香味~而佢哋個魚湯烏冬都好出色🍜,隔離熟客忍唔住話我知用左好多魚熬好正㗎😂~個湯睇落好奶白色,完全唔會有腥味,但有好濃郁魚味👍,幾飽都飲埋個湯佢🤰~最後仲可以揀甜品或者咖啡,我要咗甜品,係開心果雪糕🍨~一食已經好有開心果香氣,仲有粒粒開心果碎😋~職員見我咁鍾意,仲不停話可以添,但我真係好飽啦🤪~因為啲職員真係好熱情,成日都怕你唔飽💯~有靚嘢又整少少等你試下,難怪養咗一班熟客~聽佢哋講夜晚氣氛會更好🎊,當然有清酒任飲係加分位啦🍶~同朋友慶生或者特別日子嚟呢度都好適合🎂~因為有個天燈牆可以俾你寫上祝福語🧧,人多慶祝仲可訂個包廂添~…查看更多

呢日同母親大人嚟到海港城食燒肉🔥~睇中呢間店燒肉時有滿滿嘅儀式咁🎍,而且啲肉類幾靚~呢個山野菇菌和牛燒肉盛上檯時好似一本書咁📖~職員會喺你面前用火將佢個面燒開~見到裏面靚靚嘅和牛同時令菇菌🌟~職員仲會幫你燒好啲肉同菇~包括雞油菇,珊瑚菇等特別嘅菇類🍄,撓埋雙手就可以享受美食~另外呢個和牛牛肝菌壽喜燒都好好味,因為個和牛油脂豐富🐮~唔使煮得太熟,等佢吸收咗甜甜嘅壽喜燒汁後🫕~連埋個牛肝菌,仲有鮮雞蛋同白飯一齊食🥚~甜甜香香,非常推薦!另外仲叫咗個彥陽和牛沙葱燒~呢個和牛燒得焦香一啲😋,配埋沙葱一齊食~不過啲沙葱有啲渣,但牛肉就好香好好味👍~Klook 95折優惠碼: HELENC5KLOOK平時我都好鍾意點人參雞湯🐔~呢度嘅羊肚菌參雞湯用上咗烏雞,而且煮到雞骨都好綿好化🦴~人參味唔算好重,會有唔少嘅羊肚菌同埋紅棗等藥材🫘~啱晒呢啲秋風起嘅時間補一補🌬~最後再食埋蟹粉石頭鍋飯🍚~呢個用蟹粉撈嘅版本真係勁香勁鮮🤩~佢嘅鍋底仲有少少飯焦,夾埋啲蟹粉食真係回味無窮~呢間店空間闊落,而且職員服務都好好👍~無論同屋企人定朋友嚟食都好適合~…查看更多

前陣子因為股市大好,賺咗唔少🤑,話要帶母親大人去食靚韓牛燒肉🔥~所以嚟咗呢間有韓牛認證嘅餐廳,仲會有專人服侍你燒靚靚啲牛肉添👩‍🍳~我哋先點咗個醬油蟹🦀,蟹膏好多,而且非常鮮甜😋~本來以為得蟹,所以另外點咗白飯🍚,但上檯發現原來下層有個紫菜飯🫢~但醬油蟹夠大隻,叫多一碗白飯不為過~我覺得呢個韓牛新鮮肉眼最值得點🐮,因為真係同喺韓國食嘅韓牛一樣咁正~有濃濃嘅肉香外,仲有啲油脂🤩,但又唔會太肥太膩~而且侍應幫你煎靚靚,唔怕煎到過咗火喉💯~另外點咗呢個調味特選牛肋骨肉都好好食🍖~同樣侍應會嚟幫你燒,已經預先調好味🧂~我哋另外加錢買咗蔬菜籃,配埋菜係好味好多🥬~而我食韓國嘢最鍾意食水冷麵🍜~Klook 95折優惠碼 : HELENC5KLOOK呢度啲職員好熱情,幫你燒完肉又忍唔住幫你裝埋麵~因為好多都係韓國人,會怕你唔識整🫶,仲會教埋你加醋或者芥末~雖然呢度價格比其他韓燒店貴🤏~但佢啲韓牛真係好靚,完全對得住個價錢~仲有人幫你燒埋,開開心心等食就ok🥰~…查看更多

一向都好鍾意食永年,因為佢哋啲車仔麵餸好入味🍜~而家北區都開咗分店,仲要喺活化古蹟聯和墟市場入面🛒~設計好有復古味,仲有架車仔麵車仔添!食完麵仲可去參觀同參加活動📸~嘢食方面,每次母親大人都答是但🤷‍♀️~呢度最好嘅就係可以叫個大碗麵俾佢,咩都唔使諗💯~入面有齊晒佢主要最好食嘅餸~例如大腸,豬紅🐷,翼尖等等,仲可以揀要麻辣味定咖喱辣味🌶~我就鍾意自己點餸,因為自己點嘅餸份量會大啲😋~我最愛係豬紅同蘿蔔🥕,每次都一定點~今次仲加咗雞翼同埋蟹籽丸🍡,個面滿滿都係餸~如果跟麵點其他菜會有平啲🥬~但因為腐乳通菜無,所以就單點👌~啲醬真係落得好豪爽,如果怕太鹹仲可以叫少醬~今日忽然好想食炸魚皮🐟,所以另外點咗一碟~佢份量都幾多😍,而且非常脆卜卜~用嚟點落啲湯度食真係一流👍~跟餐仲可以用優惠價點飲品,我最愛嘅抹茶紅豆冰加15蚊就有🍵~又係每次必點,抹茶底濃,紅豆又大粒又粉🫘~母親大人就比較喜歡奶茶底🫖~因為個茶好濃郁,係港式奶茶哥種偏苦澀嘅口味,但同抹茶一樣咁好飲~食飽飽仲可以喺個墟度睇下展覽(aka涼下冷氣)~而家入面有好多lego展覽,有大大座彩虹邨🏢,真係好靚好啱打卡~有喜歡lego嘅小朋友一定要去睇下~Klook 95折優惠碼: HELENC5KLOOK…查看更多

呢區向來都無乜好食甜品舖🥲~而家嘆甜品進駐,有好味嘅窩夫食啦😍!佢哋而家新出咗啲芒果芋圓甜品🥭,我哋揀咗呢款芒芋之戀配愛玉底~佢哋啲芒果好甜😋,啲芋圓細細粒好有咬口~佢哋最出名都係窩夫🧇~呢一款榛子朱古力石板街窩夫有濃濃嘅朱古力🍫,仲有啲焦糖爆谷🍿~個窩夫外層香脆,入面仲好香蛋味🥚~雪糕可以自己任揀口味,例如有云呢拿,朱古力或者綠茶🍨。呢間甜品店仲有啲小食可以揀,我就最推介呢一個BBQ蜜糖雞翼🐔~雞翼炸得好香脆,配埋蜜糖味好正🍯~佢另外有幾款拼盤🍱,係啲唔同嘅炸物配搭~而我呢一個就有鹽酥雞同埋花枝丸🍡,啲丸丸入面仲有食到粒粒花枝肉添~佢哋呢一度仲有好多特別嘅飲品,呢杯Oreo曲奇奶昔唔算太甜🍪~而我就揀咗特濃朱古力碎冰🍹,佢真係非常之濃香嘅朱古力味~因為呢區真係唔多甜品店,而且嘆甜品嘅質素好好👍~所以成晚不斷有客人喺外面排緊隊,一檯接一檯👯‍♀️👯‍♀️~嚟開呢區想食甜品,記得嚟試下~…查看更多

大圍圍方都幾多食肆,呢日去咗食中餐🥢~呢度環境比較闊落,而且裝修得好靚,略帶輕奢風格💫~佢嘅限量精選有好幾款海鮮🦞,我哋揀咗呢個金蒜粉絲蒸元貝~兩粒元貝都好大粒又厚肉🦪,配埋面頭好香嘅蒜蓉好惹味🧄~粉絲本身吸得唔夠味,要加埋啲豉油一齊食先最好👍~然後點咗個涼拌前菜撈起象拔蚌配窩筍,佢有少少麻辣嘅感覺🌶~但因為係涼菜,所以又唔會覺得太辣~反而覺得好適合夏天⛱️~象拔蚌彈牙而且唔會韌,仲有爽脆嘅窩筍~另外點咗一個鮮露筍淮山木耳,淮山好新鮮爽口😋~唔會炒得過火變腍,係我喜歡嘅質地~而且無過多調味🧂,可以食到呢啲菜蔬原本嘅鮮甜味道~最後主食叫咗個瑤柱蛋白海鮮炒飯🍛~面頭嘅瑤柱絲好多,飯入面都有啲粒粒海鮮🦐~我個人覺得最特別係佢啲蛋白炒到一個波波咁🍳,口感好得意~整體個炒飯都好乾爽,配合唔同配料好好味💯~呢間中菜味道好,服務亦好好,侍應生不時會過嚟睇下要唔要加水🫖~嚟緊中秋節,如果唔知去邊度食都可以考慮下🌕~…查看更多

呢日收工去咗北角,估唔到夜晚呢邊咁靜🤫~我哋揀咗一間好有台灣風情嘅小店,因為佢哋竟然有賣刈包😍😍!見到其他檯都有點呢個玉米濃湯🫕~細細一碗到底有咩魔力?我本身都好喜歡飲粟米湯,所以點個試下📝~佢有粟米嘅香甜味,真係好濃郁,滿口粟米香味🌽~我自己好期待嘅係刈包~因為裏面有肥肥嘅豬腩肉🤩,夾住喺軟熟嘅包面裏面🍔~香港真係唔太多地方有刈包~而且佢哋做得唔肥膩,醬汁味道又濃,加埋酸菜更加清爽🌱~Klook 95折優惠碼: HELENC5KLOOK食台灣嘢一定要點牛肉刀削麵🍜~佢呢個價錢,咁多塊牛肉🐮,真係好抵~個湯係有少少帶辣🌶,而且佢入口唔覺得辣~但辣喺你喉嚨頂,感覺好過癮🤪~牛肉好煮得好軟又入味,而且刀削麵底都好彈牙,成件事好夾👍~因為佢哋無鹽酥雞便當🥲,所以我哋揀咗排骨酥便當🍖~但見到佢嘅炸髀都好正好大隻🍗~排骨酥炸得好脆,炸粉好薄~仲配咗好多西蘭花🥦,比起出面食嘅真係健康好多~另外佢哋都有好多唔同嘅滷味選擇~全部都好抵食,10-12蚊就有一份🤑~本身怕無菜食,所以我哋叫咗西蘭花,靈芝菇同豆乾🍄~估唔到上檯咁大碟,滷味味道幾香但唔算濃~呢間小店真係好有台灣風味~除咗有好靚嘅手繪壁畫🖌,仲有小朋友幫手畫嘅熱氣球🎈~喺度點主食仲有得任添飲台式奶茶🧋,冬瓜茶同埋冷泡茶~我哋試咗冬瓜茶唔太甜,而今日嘅泡茶係四季春好清香🫖~佢哋仲有啲台灣嘅包裝飲品,真係令人好想即刻飛轉台灣✈️!…查看更多

呢一日同母親大人嚟食放題🥢,因為呢一間有得任食燒榴槤~而且佢嘅刺身選擇都好多🐟,仲有唔同嘅壽司或者熱食實在係非常吸引~首先我哋叫咗好多刺身,包括有帶子🦪,三文魚,希靈魚同象拔蚌~再揀咗啲鍾意食嘅再encore~又叫咗一啲嘅壽司🍣,包括炙燒左口魚裙邊~仲有三文魚子同埋海膽手卷😋~佢啲壽司嘅飯唔算好大舊,所以唔會好飽~熟食我哋就最鍾意西京燒銀鱈魚,蒸鮑魚同埋芝麻雞翼🐔~甜品除咗外面有得自己夾細細件嘅~仲有得點榴槤泡芙🥯,同埋燒榴槤🔥~隔離檯叫定食,但出面有唔少小食都可以任食,下次可以嚟試下👍~…查看更多

呢個星期一下子變成咗冬天☃️,又係時候開始打邊爐啦🫕!呢日嚟到旺角朗豪坊食任食邊爐,因為呢度有牛舌任食😋!我同母親大人一人叫咗一款鍋底👍~我自己就叫咗壽喜燒,佢就叫咗豚骨黑蒜油🧄,上檯黑蒜油味好香濃~呢度除咗牛舌,牛肉🐮,豬肉🐷,雞髀肉🐔可以任叫之外~出面仲有任拎嘅蔬菜同埋麵食🥬~我最開心就係佢有西洋菜,母親大人就話佢啲南瓜同粟米都好甜🌽~佢嘅牛肉睇落都好新鮮好靚🤤~豬肉唔鞋口,而啲雞髀肉好爽口彈牙💯~我嘅目標就係食牛舌😍,簡單淥一淥就已經好好食~記得唔好淥太耐🙅‍♀️,會變韌㗎~呢度仲有汽水同埋解茶任斟任飲🥤~而且佢仲有軟雪糕可以自己擠🍦~但因為實在太飽,我連雪糕都食唔落啦🫠...呢個價可以一人一鍋任飲仲任食牛舌同其他肉類蔬菜,真係好抵🤑~…查看更多

之前見到好多人打卡呢一間餐廳📸,圖書館佈置好古典好靚📚~佢呢度可以揀幾個course嘅午餐🍽,我哋就揀咗兩個前菜~首先有呢個八爪魚冷盤Spanish Octopus Terrine🐙~八爪魚要做得好食唔容易~因為佢一定要先將八爪魚嘅爪狠狠打到變軟👊~然後再加埋調味,整體非常唔錯~另外揀咗一個蟹肉他他🦀~佢除咗面頭嘅蟹肉之外,下面仲有一層好似啫喱嘅,味道好好😋~再配埋非常鹹鮮嘅三文魚子🐟,全部嘢都好夾~令我哋揀咗兩款湯一個係hummus同埋雅枝竹嘅湯🫕~個湯非常之厚身味道濃郁~配埋佢哋嘅餐包🥖,外脆內軟~仲可以搽兩款唔同嘅牛油🧈,有海鹽味同埋九層塔蕃茄味🍅~另一款就係龍蝦湯🦞~佢面頭有一層酥皮,而且個龍蝦湯入面仲有粒粒龍蝦肉添😍~我個人建議飲咗第一款湯先~因為龍蝦湯味道太濃郁,會蓋過另一款湯嘅味道~Klook 95折優惠碼: HELENC5KLOOK主食方面我哋揀咗一款魚同埋一款牛肉~呢個魚嘅主食好精緻~有一條沾滿咗炸粉嘅脆炸魚柳🍴,食起嚟脆卜卜,魚肉又嫩滑~旁邊仲會有兩個魚肉卷🌯,魚肉味香濃~佢嘅牛肉煎得非常之靚🐮,外面帶啲焦香而入面仲係粉嫩嘅粉紅色🔪~佢哋仲俾咗三款唔同嘅芥末我哋去試配搭~我哋就最鍾意有酒味嘅Dijon mustard🍷~食完主食當然唔少得要叫埋甜品啦🤩!呢一款以秋天為主題🍁,用栗子做食材嘅甜品~無論外型定味道都非常之吸引~有唔少朋友嚟慶生,就係用佢嚟做生日蛋糕🎂~喺咁靚嘅環境入面,望住維港景色,食個晏都更relax😌~…查看更多

呢日剪完頭髮又喺荃灣搵食💇‍♀️,嚟到呢間食麻辣同酸辣米線嘅小店😋~不過唔好以為佢哋只有粉麵同串燒食🍢~佢哋係間中日式餐廳🍱,連pizza都有㗎🍕~唔想諗嘢就可以叫呢碗大大碗雲南米線~有豬紅,有魚蛋,墨魚🍡,好多款材料~我覺得佢呢個湯底比較甜,少少bb辣幾惹味👍~雖然我怕辣,但又鍾意食麻辣燙,所以唯有叫bb辣🙈~自己選餸都係38蚊起,勁多款餸可以選擇~我就揀咗豬紅同埋雞翼尖🐔,仲有墨魚丸~呢個蒜香焗生蠔有好多蒜蓉🧄,非常惹味~而且粒蠔都幾好大粒🦪,食落啖啖肉~呢個串燒白鱔非常推薦🔥~因為佢燒到層皮卜卜脆,肉質幾彈牙~我點咗少少辣味🌶,有孜然香味又有少少辣,味道好出~最尾仲叫咗一個涼拌墨魚頭🦑~食落有少少麻辣,但因為係涼拌,所以又好清爽💯~而且墨魚好彈牙~呢間餐廳啲嘢食價錢實惠🤑,份量充足,而且款式仲好多~職員親切服務好,所以好多街坊回頭客~…查看更多

我要趁捉緊夏天嘅尾巴食刨冰🍧!呢間店除咗芋圓出名,而家仲有黑糖刨冰,仲可能加其他配料~更正嘅係,佢哋而家有騸牯牛系列🐮,一間食晒正餐同甜品~想食到騸牯牛嘅鮮嫩,建議呢個堂灼騸牯鮮肥牛牛丸湯麵🫕~店員會喺你面前用熱湯淥熟啲肥牛🫖~有啲似越式生牛肉咁,僅僅熟口感更軟滑~另外仲有呢個香煎騸牯牛柳粒煎蛋飯~現場煎嘅時候香味四溢🔥,食落口帶啲焦香味,仲有牛肉香~配埋流心煎蛋🍳,可以話係高配版嘅黯然銷魂飯~嚟到我最愛嘅甜品😍!佢嘅刨冰勁大份!而且入面有好多料,有勁多芋圓同珍珠🧋,仲有啲花豆🫘~另外再叫咗個巨無霸芋圓2號~一粒芋圓等如正常size 4倍以上,真係震憾眼球👀~佢嘅芋頭都煮得好綿,再配埋啲水晶條,真係啱晒girls talk之夜🗣~呢間店門面有啲細,比較難搵,但入面都闊落,坐得舒服~…查看更多

好耐無食過雞煲🐔,嚟呢間好有舊香港味嘅餐廳食雞煲再打邊爐🫕!佢哋有好多款雞煲揀~我就揀咗呢款日本廣島蠔雞煲🦪,啲蠔大大粒好鮮味~佢個雞煲炒得好香,怕辣嘅我叫咗bb辣🌶,少少辣味更惹味~佢哋啲牛肉拼盤好吸引🐮~啲肉非常新鮮,而且有一定厚度🤏,食落口唔會一陣風咁🌬~除咗牛舌,我個人最鍾意個牛𦟌,有咬口又有肉香👍~另外個雜菜拼盤都好靚🥬~用個好有香港味道嘅mug裝住,非常夠玩味🤩~而且份量多又新鮮,兩個人食唔晒~佢哋杯陳年鹹檸七都好正🍋~用漱口mug嚟裝,真係香港味到底~我哋仲叫咗少少火鍋料🍡~食完雞煲加啲湯打邊爐好夠味,不過油咗少少~但雞煲味道真係無得彈😋,同成班朋友嚟飲啤酒食雞煲啱晒~…查看更多

最近工作上唔係好開心🙃,想放工之後飲返杯🍹~所以嚟咗尖沙咀呢酒吧林立嘅地方~呢間店有好多款式嘅串燒,仲有得唱k🎤~呢度啲串燒都幾抵🍢,10蚊15蚊都有交易👌~其中呢一個汁燒油豆腐好好食~外面脆卜卜,加埋少少醬汁好夠味😋~另外仲可以叫香燒翠玉瓜🥒,秋葵,都係10蚊一串~燒得唔乾,仲有好多汁💦~另外鹽燒雞腿肉都唔錯🐔~肉質鮮嫩,唔會好乾柴,不過細串咗啲🤏~而我最鍾意食嘅就係燒雞翼🤩~層皮燒到卜卜脆,仲加咗少少鹽調味🧂,簡簡單單就好好食~另一個食串燒必食嘅就係原條燒茄子🍆~佢嘅燒茄子燒得唔係好夠冧,但係蒜蓉好足好惹味🧄~而原隻燒魷魚喺串燒店就比較少見🦑,所以我即刻叫咗~佢燒得唔會太韌,而且加埋啲醬汁甜甜哋,又有燒焦香味🔥~我個人覺得最抵就係呢個蒜蓉燒珍寶生蠔🦪~因為佢而家買一送一,即係話58蚊就有兩隻🥰~而且真係好大隻好厚肉,好抵食,必點💯!呢間店喺一條小街入面,所以比較少人嚟👯‍♀️~但係食物質素唔錯,仲有唔少酒類同無酒精cocktail🍸~我今晚飲哥杯Asahi Sour (lychee)用咗新鮮果肉,甜甜哋好正👍~而且仲可以唱k,又可以包房,大家可以嚟試下~…查看更多