yywu22的個人專頁

今日去開中環，突然想食餐好嘅🥹！最近有YouTuber 介紹呢一間中環酒店嘅西餐廳，見到半價優惠，所以立刻試吓！😸間餐廳喺中環石板街樓梯附近，自己都幾方便😽！去到餐廳服務員有禮地帶位，雖然間餐廳唔算好大，但係環境同座位都頗舒適🫶🏼！呢度最好就係可以12點坐到3點，所以我地可以慢慢食慢慢傾，而家香港都唔係好多地方咁😼。Menu 包括一個6種不同既前菜👍🏼，當中有個小前菜，係侍應即場開魚子醬serve ，好有儀式感😽。主食我地分別揀咗一個燒雞（要另外加$98），同埋油封鴨腿！侍應亦都好細心介紹餐牌，提及三黃雞係比較大隻！驚我地食唔哂。我地同時加左Freeflow Prosecco 🥂！真係可以邊食邊飲🥂。至於食物質素，燒雞無佢講咁大隻，但肉質都算嫩滑，但食食吓先發現原來有意大利飯墊底，難怪侍應話呢一個煮食係咁多份主食當中最大份😅🤭！ 另外一份係油封鴨腿，本人都幾鍾意食慢煮既嘢，鴨腿保持到嫩滑仲有口感😛，都幾難得🤟！如果第日想再食好啲獎勵自己，我會再嚟😅！不過都要有半價先可以😽…查看更多

復活節冇咩地方去，突然諗起好耐冇嚟，所以遠遠都再嚟食☺️！今日晏晝未到1點，平時周末都唔係好需要排隊，竟然今日嚟到嘅時候都要等咗一陣🥹。等位期間四圍望吓，見到容龍今年都繼續榮獲米芝蓮榮譽，真係犀利😃！今次嚟到唔敢叫咁多嘢，只係叫左四寶雞扎、鮑汁炆鳳爪、珍珠糯米雞、蜜汁叉燒腸粉、沙律明蝦角、鮮奶莎翁球😍😍！啲食物沒有一般酒樓上點心咁快，應該係因爲即整，所以啲食物上檯時好熱辣😙。第一個點心就係沙律明蝦球😍，放上枱時已聞到香味，一咬落去好鬼熱🤣🤣，但炸得好脆口，而且蝦肉亦係大大粒，亦都很真材實料正😃！而另外鮑汁鳳爪我覺得味道不錯，雞腳都好腍，但鮑汁略微不太濃。四寶雞扎是我的最愛😻，兩件目測好像夠大件，入面既魚肚幾厚大又幾入味😚，但雞肉就不算大😅。而其餘三樣點心就覺得一般。最後同場加映，椰汁燉蛋白🤣🤣，真係好香椰子香味🥰，燉奶又唔係好甜，兩個人叫一盅食吓都好滿足😋！呢度泊車可以就咁泊係喺樓下，唔使停車費，都方便駕駛人士遠道而來。可能而家生意難做，以前冇嘅優惠，今次酒家派優惠券$50😄！ 另外，我見有啲食客自己帶海鮮嚟加工，原來旗有八折手工費優惠🥹，而家做食肆真係要各出奇謀吸客😅！今日二人食咗四百幾蚊。以係呢個樓底好高嘅酒樓空間嚟講，都買少見少，而且佢嘅檯與檯之間都係好寬闊，間中嚟嘆茶食吓點心都好㗎。…查看更多

今日放工去九龍城搵食，行咗幾個圈，見到呢間小店，外表裝修簡單，但見到餐牌同食物相片都幾OK，所以入去試試。😊入到去職員服務好有禮貌招呼，坐落嚟睇到餐牌見到價錢都很平民，亦眼見隔籬枱的份量亦正常。我地分別叫咗辣嘅冷麵、紫蘇油蕎麥麵，再加碟拼盤餃子。價錢完全唔貴，食物賣相及質素可媲美連鎖韓式餐廳🙂。首先嚟到嘅係紫蘇油蕎麥麵， $58嚟講呢碗麵都算幾夠份量，食落去蕎麥味很重👍🏼。之後嚟嘅拼盤餃子有4款，分別不同餡料（但我不太確定入面餡料是什麼😅），憑味覺覺得大概係泡菜餃子、豬肉餃子同另一隻肉味好濃既，應該係牛肉餃子😅。呢度既餃子沒有好重味精，好有小店煮食味道🥹，我喜歡😊！另外，我碗辣冷麵附有一片肉同半邊蛋，麵很幼細，味道亦不錯，主要一提係，如果唔係好食到辣都唔好食辣冷麵，因為我覺得真心辣😛！ 或者加上我食埋佢啲泡菜伴碟🫨，辣在口🤭！由於今日食唔到咁多，下次我哋會打算食佢炸雞，因為價錢真係好抵$99有半半炸雞。同事，仲有其他人蔘雞等招牌韓式料理🤭！…查看更多

今日晏晝喺油麻地旺角附近，想搵間坐得舒服又唔多人既餐廳，未到一點嘅時候周街已經好多人，路過譽發廣場就試吓想去呢間樓上韓國餐廳。第一驚喜：出𨋢迎接客人既係真Oppa 😆😆（而基本上後期見到嘅職員全部都係韓國人🥹）；第二驚喜：座位寬闊，我哋雖然兩個人，但係佢當排我哋坐四人枱窗口位😝；第三驚喜：選擇很多，就算午餐都有好多選擇眼花撩亂第四驚喜：份量好大，味道真有韓式感覺我哋兩個人order咗午市套餐： 泡菜伴冷麵， LA 牛肋骨喺午餐Menu度見到啲食物照片，竟然真實眼前出現。而且味道真係好「韓」，眼見住Oppa行嚟行去，眼前食物又咁正，以為自己去左韓國旅行😎。啲午餐熱辣辣端出嚟，而且有些圖中的配菜都真係有架😛，最後我哋食唔晒添😙！我叫咗個泡菜拌冷麵，原來都真係幾辣唔食得辣嘅都唔好揀啦，都唔係Hea你嘅☺️。如果二百零蚊兩個人嘅消費又坐得舒服嘅午餐，我覺得都值得。下次我會試吓夜晚嚟食。…查看更多

之前去食過創興廣場嗰一間，覺得食物質素比想像中好，今日天氣凍凍地，所以順道嚟呢間分店試吓😙可能今日訂左5:30 ，所以入座率未算高。喺OpenRice預訂5:30就要7:30前離座就有八折。我哋今日叫咗最貴嗰個餐人埋單八百幾蚊，已經八折咗。整體嚟講，服務人員很有禮貌，亦都很細心介紹套餐的分別。肉質亦都感覺很很不錯，飲品亦都好多選擇，尤其最驚喜的是熱麥精，雖則不是樽裝。整體食物選擇多，除牛肉、豬肉、雞肉還有很多海鮮選擇亦都有其餘肉丸，但唯一覺得那些丸沒有什麼口感，不像一般火鍋店的丸類有正常size，可能是手打啩😅。但牛肉嘅肉質很不錯，最後都encore咗幾碟頸脊同牛肉。值得一讚的是套餐已包括很多湯底選擇，如果要雙拼先加$48。今次我哋揀咗花膠雞湯底，那個湯底花膠很足料，雞肉亦都很嫩滑，湯亦都很好飲，甜甜的真的不錯☺️。同時食到最後，佢嘅甜品有成10幾款味道揀，真的比起一般的放題火鍋店多，今次我揀咗movenpick 嘅薄荷朱古力。👍🏼後來俾錢時，才發現原來可以喺童軍總會泊車有優惠，今次笨咗，如果下次嚟食一定泊去個邊可以有優惠😝。…查看更多

路過一次，感覺很好，第二次再路過忍不住就進去買咖啡坐下來喝。店雖很小，但很relax 並無急速感覺，舒服。店主有禮介紹咖啡的分別，讓我知道所點的咖啡是什麼味道🥹！咖啡比一般連鎖店的較多特別味道，我雖不是太懂品嚐咖啡，但真心喜歡這些小店咖啡，舒適，下次經過會再買。…查看更多

平時對於日式放題都無咩期望🤓，就係無期望就令人有驚喜😃👍🏼！呢間日式放題平日放工時經過見到成日都排隊🤓，今次同事生日就近近地揀咗呢間食生日飯👍🏼🎉。我哋揀咗星期一夜晚，6點準時到，店內已坐了一半客人😃😃。事不宜遲同事已經叫咗好多熱食：包括牛舌等燒烤物！當然少不了要叫啲刺身，同埋叫咗一打生蠔🦪🤓，估唔到上菜非常之快，勁有香港人速度😂！當生蠔上到枱嘅時候，我哋全台忍唔住哇哇聲😂🎉！生蠔非常大隻食落口亦都係好新鮮👍🏼！絕對驚喜驚喜。encore 左3次😆😆！其餘重點講吓，佢有任飲嘅清酒、啤酒有日本Sappore, Whisky , 梅酒同埋其他有牌子嘅飲品，絕不稀場😎！真係喺一般日式放題咁嘅價錢好難見到。😍除咗生蠔新鮮之外其他刺身款式亦都好多，同時燒烤嘅食品質素亦都唔錯尤其是佢個烤蝦，size 唔細又有蝦膏，我哋都有encore。✌🏼詳細食咩唔特別講啦🤓，因為我哋實在叫得太多嘢食！😹如果想試日式放題，呢間絕對可以一試，食過可能都會想再encore🗣️🗣️。其餘都講吓佢嘅服務，上菜快，服務員態度OK。我地5個人座位都尚算唔迫，唯一係廁所要去上返2樓商場。但係呢啲都冇所謂。🤟…查看更多

途經路過見到呢間設計風格特別既咖啡店，座位尚算寬闊，亦可自行入座，感覺很好😊！下午茶時間人流都不算太爆🤓，客人需要到counter order 付款，食物送餐速度流暢👍🏼。見到多數人都推介「竹炭咖啡」、竹炭糯米窩夫😍，以及鐵觀音咖啡，窩夫送到嚟嘅時候圓圓熱辣樣子很討好，即時打卡，味道都很不錯，當中亦都有雪條😋，雪條味道就一般。但整體好滿意，尤其是個窩夫半碟的雙莓竟然是甜重甜過士多啤梨😛。呢間店我覺得如果下次一定會再encore餐廳服務亦都很有禮貌動作快速整體感覺良好…查看更多

今日晏晝去旺角，3:00多想食下午茶，臨時想起呢間餐廳，上到去只有1/3客人，即時安排到卡位坐✌🏼！不過坐落冇幾耐職員已經話限時90分鐘🙄。點解香港好似任何餐廳同任何時間都慣性同客人講要限時呢？😹即時食慾及興奮即時減低。幸好，食物真係可以補救返😊。我地叫左半半炸雞🍗： 「黃金香蒜炸雞」🍗 、「蜜味乳酪粉炸雞」，每隻味都有4件，有比有翼有胸😏！ 仲有伴菜蕃薯條又係另一佳品🤩雞肉炸得出嚟內裏有肉汁，真係幾嫩滑吓！😍，雖則唔係大大件，但兩個人食加埋其他食物都好夠飽🤓 兩隻味，自己覺得「黃金蒜香雞」最好食，因為嗰個醬汁真係好正😍，反而個乳酪粉就有啲假，但係整體都係讚嘅另外，嗰個八爪魚煎餅又真係意料之外好食，啲八爪魚粒唔會好似一般出面啲咁好鬼死硬，同埋大大嚿咬唔開🙂‍↕️，佢細細粒好咬之餘，味道口感同薄餅好夾👍🏼，加埋杯啤酒🍻，真係爽呀🥳！ 呢個3-4:00 時間，客人唔多真係幾舒服，下次嚟開旺角再食過✌🏼…查看更多

今日去開西環，路過一間之前有報道話好好食嘅點心茶餐廳，咁就二話不說見到入邊有位即刻入去坐。😊侍應俾到餐牌之後，餐牌入邊嘅選擇好多😝，見到隔籬座都係好多人都係食西多士，而且西多士嘅餡料種類有幾幾款睇到都開心🥳！最後叫咗炸蝦西多士、醬炒蘿蔔糕、糯米包，蛋黃馬拉糕。！我自己覺得都係最好食都係蝦西多士，佢嘅蝦膠實在好厚好多，口感豐滿又唔油，一整好就端出嚟，熱辣辣🥰！份量都好足食咗好滿足。可能本身食得太飽啦，其他點心食落去就都有正常酒樓水準，以一間茶餐廳嚟講已經好唔錯。今日晏晝4:00嚟到座位都唔算滿，尚算坐得舒服。如果有機會再嚟西環，我都會再嚟食。🥳…查看更多

星期五晚諗住同啲朋友去間餐廳有酒飲吓，又食吓啲串燒咁樣，話哂又話要支持一下本地酒吧餐廳，同時都好耐無去尖沙咀諾士佛臺，所以係OpenRice 見到呢間樓上吧餐廳，就試吓！朋友幫手訂枱，之後就講返話120分鐘限時😒🙄！同時，所推廣既優惠要晚上八點前享用，否則冇嗰個所謂七折優惠。真係未食已經令我好唔想去呢間餐廳囉，基本上，一講限時真係令人哋非常之反感，不過朋友book咗我就算啦照去。同時，擺明我book 7:30我又如何可以八點前享用得晒個優惠呢？以下經驗真係不吐不快，已經唔係講啲嘢好唔好食。當日我地8點先入場，以為好多人，其實只有一半人🙂‍↕️， 以為逐啲叫嘢食慢慢飲，點知叫左： 一碟意粉🍝、黑松露薄餅同泰式炸蝦餅，除左意粉半小時後上檯後，另外兩樣係一個鐘頭都無影無蹤😩😩。9:15好肚餓。之後咪同一個男侍應講麻煩佢追追啲嘢食，佢竟然完全冇去廚房跟過張單，就即時話而家餐廳好繁忙，廚房喺樓下，所以要等耐少少😒！最後碟蝦餅15分鐘之後嚟到，最惡劣嘅係唔熱嘅😡！ 之後我哋食完碟蝦餅都再等多15分鐘，個薄餅完全冇蹤影，所以我哋直接埋單走人。 我明白喺呢啲飲酒嘅餐廳，食物質素唔可以要求太高，但無咩客情況下，要等超過一個鐘嘢食，服務都唔使講啦，嘢食到都係凍嘅😫，做食客應該要接受嘅咩？！😡算吧啦呢間餐廳😤…查看更多

今日周末路過見到好多人排隊，先醒起附近有一間米芝蓮點心店，既然好耐冇食，咁今日就即興去排一排去食。可能係米芝蓮推介嘅關係，深水埗呢一間分店街頭就已經聚集左中外人士喺度排隊。我哋攞咗籌之後，大概一個鐘頭多啲再返轉頭就剛剛過咗一兩張檯，在佢都俾返我哋。好快就有返位啦。我喺疫情時後來過之前較為殘舊既裝修，對比而家我今日嚟到見到佢應該係之後再翻新，店內裝修已經好光猛潔淨，不過略嫌座位與座位之間比較狹窄，行出行入都需要則側身。今日我哋點左以下點心：陳皮牛肉球（一般傳統牛肉球味，但唔會蒸到太淋、黃沙豬膶腸（尚可，皮薄）百花釀油條配香蜜蟹膏（賣相好，剛炸完出嚟，熱辣辣夠脆，帶甜甜地啲汁又脆，好好食😋）、豉汁蒸鳳爪（一般）、鮑汁油皮燒賣（👎🏽，真係可以唔食）。最後好在呢樣點心幫到攞分😼，就係晶瑩鮮蝦餃🤞🏼。蝦餃size 正常，但真係幾晶瑩因為啲皮都幾薄😗 ，啲蝦都幾大粒，沒有太多其他豬肉在內🤓。今次點心雖然唔係完全部都係好好食，但係亦咁嘅價錢都有兩三樣都有正常水準或以上，咁我都覺得呢間食店都值得再去食嘅。🙌🏼🙌🏼…查看更多

今日難得過嚟大埔做嘢，一早喺OpenRice訂咗呢間大埔西餐廳，原因佢有好特別嘅牛扒餐，本身唔係大埔人，都係有朋友介紹先嚟試吓。今次過到嚟呢頭食西餐先發現，原來呢直街呢頭有好多餐廳 😊。由於一早訂位同時仲買咗兩個套餐共$767，所以一到咗就同服務生再確認套餐內的幾道菜各自的款式, 咁就就等候美味的晚餐。餐廳座位尚算闊落, 環境幽靜，大部份都是情侶一雙一對環境氣氛都頗浪漫。🥰兩個套餐都係4個course 既set dinner , 一個特價$298；另外一個就$470, 都係預先喺OpenRice預先俾咗錢嘅套餐。嚟到再揀前菜, 主菜, 甜品及飲品。套餐嘅前菜都係沙律啦，咁我叫咗水牛芝士車厘茄沙律，份量同味道尚可，我地同樣都加咗$38叫個龍蝦濃湯，服務生上個湯嘅時候已經聞到濃濃嘅龍蝦湯味，真係好香😝, 龍蝦味好濃郁，份量剛好飲完都唔會覺太漏😊！兩個套餐主菜叫左" 黑松露鵝肝威靈頓牛柳" 同 "英式傳統布袋牛柳" (要加$38), 聽朋友講這兩個都是, 所以要試。個人本身都怕鵝肝威靈頓牛柳會太滯, 而且驚耐左個威靈頓酥皮會淋左, 唔好食。點知我食左自己大半舊布袋牛柳後, 再試舊, 哇! 真係令我對呢樣牛柳款式改觀, 除酥皮仍是鬆化外, 入面牛柳仍是嫩滑, 唔會煎到熟哂, 肉質同味道我覺得比起布袋牛柳好食D。 講吓布袋牛柳, 原來入面係有隻好大既蠔, 切開時, 仍有蠔汁流出, 香味四溢, 但牛柳肉質較普通, 食到一半真的有D 漏, 可能份量也頗大。除主菜外, 薯條都好好食, 炸出來又熱又稔, 不似一般的西餐伴碟咁hea~~ 之後甜品叫左比利時朱古力心太軟, 同正常餐飲, 整體食物質素同服務都滿意。如果日後有機會再去大埔, 都會再嚟食…查看更多

今日一行五人一齊去食午餐自助火鍋，我地12:45去食，因為午餐時間只有1個鐘，我地今日要速食台式火鍋😅 ，5個人揀幾個唔同嘅餐一齊share嚟食。由於一早訂咗位，所以一入到去我哋已經各自分別去攞熟食小食😆😆，而且醬汁都好多每個人大家都好興奮。佢嗰度啲小食比起一般其他台式任食打邊爐較特別，而且味道質素都很高質，真係食得好開心✌🏼✌🏼。我哋一人一鍋，服務員好快就因應住我哋所揀嘅鍋底就擺好之後，所揀嘅套餐亦都好快上枱。肉質大致上都唔錯，亦有正常水準。但係重點一讚就係佢出邊任食嘅食材，例如墨魚丸、牛丸等，原來有些不是一般的丸子，其中有一隻牛丸入邊竟然係留心蛋黃，真係好好食✌🏼✌🏼⋯⋯ 另外佢亦有一啲小食，可以喺我哋未淥熟肉片之前已經可以食，例如一啲炸物，熱食如台式腸！因為時間嘅關係，所以食飽咗熱食同肉之後，都要轉攻甜品，最特別有一隻獨立包裝嘅湯圓😊 ，呢樣亦係我哋認為另一樣正嘢🤩🤩！本身係冰嘅，然後就放落湯度跟住淥兩三分鐘，就可以撈起嚟食。味道又唔算太甜，而且又夠軟腍🥰。由於時間關係，我哋連雪糕都食唔切，已經要走喇。希望下一次可以再嚟encore食佢另外夜晚嘅套餐。😇😇…查看更多

今日天氣陰陰寒寒，行商場最好。星期日下午，商場人流就多，但餐廳反而係下午茶時間無咩人，比起以前一定要排隊的情況差很多😳。人少對我來說當然係好啦😊入座即時點左一份三文魚凱撒沙律，呢份亦都係我較為驚喜嘅。因為一向味道較為單調，但係估不到味道很好，而且份量亦都不少🤪。有趣的是，份沙律可以加錢另外叫燒肉，所以呢兩件燒肉再給予另外的驚喜，肉質同埋塊皮都好好食😋。另外，我亦點咗一份焦糖香蕉全日早餐，其實我都係因為佢嘅焦糖香蕉，所以點咗佢。啊⋯⋯ 很一般😅。而加左杯咖啡，都是正常水準😌。整體今日下午茶嚟講，如今日人不多環境尚算舒適，如果平時行得攰攰地，唔追求味覺滿足，又唔介意價錢嘅話，都算是一個很方便的選擇。😁…查看更多