WingSun214的個人專頁

去開尖沙咀行街，就順便帶個朋友去韓食街覓食，店員阿豬媽企係門口好親切招客，我地自自然然被帶左入去坐😂😂入到去見到韓星海報同好多聖誕裝飾，好有氣氛～～🎄喉嚨乾乾地，想飲湯滋潤下，所以我地就叫左湯飯食😌👉🏻血腸湯 $148✨阿珠媽係真。韓國人，佢放低調料醬叫我地陣間撈湯食嘅時候，我地聽到一額汗🤣🤣🤣感謝肢體語言係全球統一嘅語言😉蝦米鹹鮮，幫D血腸湯去調味，辣椒醬少辣，你可以自由調配想要嘅味道血腸煙靭有嚼口，包住粉狀嘅麵條，淡淡嘅血味，但唔會腥，好特別嘅體驗。牛骨湯入面嘅肉煮到軟爛，入口即融，好食又好飲蕎麥麵撈左血腸湯食，感覺會清新d，無咁漿口，份量都幾多😄😄👉🏻牛膝骨湯 $148 ✨湯比較黏稠，牛骨味濃，軟骨部位嘅精華滲入湯中，軟骨都被熬成啫喱狀 ，可想而知要幾多功夫同時間先做到。呢個湯撈紅米飯一流，食完感覺好似補充左好多骨膠原😂😂👉🏻煎醬牛小排餃子 $88 🥟 餃子炸皮幾脆，有牛肉味，唔會難咬，咀嚼得耐會齒頰留香，不錯同場仲有泡菜蘿蔔做小菜食添，味道香甜，唔會好辣，適合香港人口味😉…查看更多

呢間日本過江龍餐廳只係公佈將會係香港開店嘅時候，我已經bookmark左會去食！😆😆今日！終於！有時間同朋友去食啦～～佢座落於尖沙咀美麗華，地點非常方便，地鐵站行過去都好近😀一場到來首選叫嘅餐點必然係限定嘅白咖喱烏冬，佢肯定有過人之處先可以咁樣定位！👉🏻白咖喱烏冬✨紅色碗陪襯奶白色螺旋紋忌廉好sharp，咖喱烏冬掩蓋在忌廉之下，需要攪拌一下才重見天日。忌廉好軟滑有淡淡嘅奶香，攪拌均勻後，與底層烏冬完全融合，再沒有一點痕跡。福岡烏冬比讚岐烏冬粗，外層軟糯，內層煙韌，但又不會筷子一夾即斷，咖喱係經典日式甜咖哩，搭配奶甜嘅忌廉，連烏冬一齊食，口感順滑，只想不停吸食😍😍少量嘅黑椒點綴都令到烏冬更香同無咁膩👉🏻博多正宗烏冬—丸天槍烏冬✨意指炸牛蒡天婦羅烏冬，炸牛蒡好長…長…長，天婦羅衣好薄，咬落酥脆，牛蒡皮沒有完全削走，所以纖維感亦特別明顯，味道有少清甜，魚糕軟綿帶香，內餡夾雜嘅蔬菜甜味突出，湯唔好以為係普通清湯，係用左多種唔同魚所熬製，望落好清，但有種海產嘅鹹鮮味。用咁多功夫，可想而知有幾好食😋👉🏻免治雞肉棒✨雞肉連軟骨搓成棒狀，再用甜甜嘅醬汁燒好奉上，食落有雞肉嘅質感，亦不乏嚼勁。想雞肉再滑d，都可以蘸碗內嘅蛋黃一齊食，實現多重口感🙆🏻‍♀️👉🏻牛舌串✨牛舌好大舊，好濃牛味，好香，好厚肉，落埋黑椒更惹味，唔好以為大舊就好難燒得好食，完全一d都唔韌，正！👉🏻博多雲仙火腿✨又一驚喜之選～好似辣肉腸嘅模樣，但係燒到脆皮，豬肉味濃，油香四溢，但又唔會好油膩，聞落有d似豬肉乾嘅味，但完全唔乾柴😁👉🏻雜錦天婦羅（2蝦3菜）/ 明太子天婦羅✨擺盤好吸睛，中間嘅天婦羅好似開花嘅樹咁。肉眼都望到天婦羅炸得好靚，顏色金黃，炸蝦彈牙不失軟嫩，其他嘅菜天婦羅都原汁原味咁保留自身嘅風味，中間好似扇嘅天婦羅最特別，好脆口，好似麵條😂😂，明太子切得好靚，第一次食咁大舊嘅天婦羅版明太子，好濃郁嘅鹹鮮味💁🏻‍♀️💁🏻‍♀️…查看更多

行經D工業大廈就發現到呢間隱世既咖啡店🙂‍↕️睇下評論話佢地既疏乎厘好正，咁當然要試下佢啦😋👉🏻黑松露燴飯伴巴馬火腿配黑醋汁 $128✨一放低已經聞到黑松露既香味。燴飯既米芯保留適度既咬口，濕潤度拿捏得好準確，唔會過稀亦都唔會鬆散。巴馬火腿既鹹香非常恰當，配埋飯一齊食非常夾😋本身以為忌廉燴飯會好膩，但加埋黑醋汁之後中和左膩感，兩者估唔到會咁夾🙂‍↕️👉🏻明太子薯條 $78✨薯條炸得外脆內軟食落又唔會成口油，外面佈滿明太子醬，真係超級多！食極都仲有🤣食落帶少少微辣同鹹香，好濃嘅明太子味。明太子顆粒感好出同啲薯條一起食就相當惹味，薯條份量十足食極都仲有，所以最好同人share😋👉🏻法式檸檬撻 $42✨撻皮酥脆帶牛油香，不會過厚，檸檬餡質地好滑完全唔嚡口，酸得來又唔會太膩太甜，非常開胃。整體嚟講係一款富有檸檬香味又清新嘅甜品，解膩效果極佳🙂‍↕️👉🏻香濃海鹽朱古力疏乎厘班戟 $128✨一上枱見到超大同聞到好濃嘅朱古力味🤣份量十足令人驚訝，疏乎厘嘅質感非常之鬆軟，成舊都duan下duan下😋入口有蛋香味配埋隔離嘅朱古力醬同埋Oreo碎就更加好食，本身就鍾意朱古力嘅朋友值得一試。旁邊仲有原條嘅香蕉切半配上焦糖，焦糖嘅味道啱啱好，唔會有燶味，食落都非常脆口，正~👉🏻芒果菠蘿沙冰 $48✨一飲就已經入口即溶，沙冰非常之細膩，芒果同菠蘿嘅味道亦都即刻爆發出嚟。沙冰嘅比例亦都非常之好，唔會太水，好啱夏天消暑既時候飲😋👉🏻粒粒柑橘鮮橙梳打 $46✨入口鮮橙味突出。杯入面柑橘增加左口感層次，咬落去個陣時有少少微酸，飲落都唔錯🙂‍↕️…查看更多

當日係跑街馬嘅日子，陪完朋友之後就係10km終點附近覓食醫下肚，上網搵到呢間西餐廳😃第一次黎海濱匯，大堂咁似酒店嘅😂😂上到去一樓，似返商場食肆😅😅以為行錯路添餐廳好開揚，連埋出面露天嘅地方🌳，景觀非常好，令人有心曠神怡嘅feel🙆🏻‍♀️噢！呢度叫野食要講英文😂😂店員全部都係外籍人士Soup of the day南瓜湯好大碗、好濃郁、好稠，我鍾意🤣🤣🤣用匙羹潷咗一啖，湯面即刻形成波浪紋，可想而知濃稠嘅程度Salad of the day未食過呢款沙律，整體感覺好田園feel，唔記得問店員係咩沙律😂😂因為係青色，所以覺得似青醬🤔少酸嘅感覺幾開胃，唔會好膩，好多沙律菜同茄子，食完都少飽Berrylicious🫐名副其實全部都係莓，上面嘅cream好香奶味，好順滑，成個smoothie多左層次，仲有脆甜嘅麥片可以咬下添Berry Banana Medley🍌我鍾意有多少少唔同味道嘅飲品，所以呢個除左berries之外，再加埋香蕉，香蕉前奏味道較重，但之後berries嘅味道後續都會出現係口腔，整體唔會好甜，都唔錯8oz Rib Eye Steak🥩外表非常吸引，煎嘅坑紋同牛扒嘅顏色顯示廚師嘅功架，我自己比較鍾意食生d嘅，rare to medium rare我都ok，牛味都幾重，黑椒更好襯托牛扒嘅味道，唔點醬更好食想講薯條幾好食，外脆內軟，夠粗又長，我地搶住食🤣🤣Beef Baked Rice成個煎pan送上黎嘅時候好吸睛，好大兜😂😂有一刻驚食唔晒第一次食薑黃飯，味道好特別，香料味唔會濃到蓋過所有野，反而相輔相成。牛面肉煮得軟淋有膠質，茄汁嘅酸味，令到整體味道不單調反而更食欲大開，少許飯焦亦增加口感，同行友人表示有驚喜😉Tiramisu飯後甜點必不可少，呢個就偏向老少咸宜版本，咖啡味唔會好濃，cream有質感，比較厚實，奶味亦好濃郁，竟然可以令我聯想到遊客最鍾意食雪糕車賣嘅軟雪糕，童年回憶返晒黎😊海綿蛋糕都幾濕潤，配埋cream，一d都唔苦，同行友人最怕苦，都表示呢個好食😋…查看更多

之前睇YouTube已經見到有人介紹呢間😋放學8,9點唔知食咩既情況下就去左食啦。喺依家無咩夜生活既狀況下好難搵到野食醫肚，而佢開到12點簡直係恩物😋8,9點去到見到全場full哂仲要等位真係好癲，不過好快就有位lu🙂‍↕️👉🏻刺身拼盤✨有八爪魚，呑拿魚蓉，北寄北等等。刺身全部都好新鮮，好鮮甜，好實淨，唔會霉🙂‍↕️👉🏻超級海鮮盒✨有生蠔，龍蝦，鮑魚。呢個盒係入座就會送既，雖然係送但質素非常好🙂‍↕️全部海鮮都係活海鮮，非常新鮮。上枱個陣見到鮑魚仲郁緊，甚至想走佬🤣全部食落都非常新鮮彈牙爽口，鮮甜又有肉汁。生蠔新鮮，唔會打完邊爐之後變左蠔仔🙂‍↕️ 鮑魚彈牙，仲有陣天然鹹味，好鮮。波龍新鮮都算厚肉，D肉一拆就甩😋 蟹肉鮮甜，肉完全係一梳梳咁食，正~👉🏻麻辣雞煲✨雞煲有幾款可以揀，我地就揀左麻辣😋雞煲配菜有紫洋蔥，芫茜同蔥令到成個雞煲好香同增加甜味。麻辣唔會好辣，幾惹味，係feel到條利少吉。雞肉有返原本嘅質感，唔係軟淋淋，無雪藏味，都幾入味🥰👉🏻邊爐配料✨因為實在有太多，所以就唔一個個講🤣叫左豬粉腸，都洗得乾淨，唔會有💩滑牛食落都幾濃牛味，幾好食，唔會鞋好少打邊爐有龍躉食，超豪華，同埋好新鮮魚鰾都係好少見，食落口爽脆軟淋然後見到個A4豆腐紙好似幾得意就叫左，無唸過春卷皮就係豆腐紙，無想像過可以咁樣食，又幾得意😎牛胸爽自己獨有嘅味道非常濃烈，非常脆口豬腦軟滑粉嫩👉🏻生果盤✨呢個係食完火鍋之後送既，送既哈密瓜好甜😋❗️每位加$20就可以任飲飲品🥤…查看更多

一道料理，一種風味一切都在一個懶人包🍔👉🏻 豬頸肉撈檬漢堡包餐 配泰式酸辣醬$78✨ (套餐跟薯餅及汽水)豬頸肉撈檬漢堡包其實幾好食，個豬頸肉幾lum，加埋d醬幾好食，但個醬唔夠突出，唔係好特別feel到撈矇粉味，平時撈檬個醬應該係精粹，不過佢加埋d生菜同洋蔥幾鮮，都幾好食🥳麵包好脆，放耐左都唔硬，雖然話會有少少辣，但都只係微辣，可以再刺激d，個醬可以再濃d，宜家主要靠d豬頸肉，洋蔥同生菜襯個味出嚟，但整體都唔錯既👉🏻炸魚皮✨炸魚皮大大塊，唔會好碎，外賣關係我隔左一陣先食，都keep到脆口，搭配嘅蜜糖芥末醬唔會好攻鼻，個醬貌似自己調配？！好食到甚至我覺得唔夠醬🫣👉🏻黑松露帶子牛肉漢堡包餐 配黑松露醬 $104✨(套餐跟薯餅及汽水)成個包好大個，我個口唔夠大咬晒成個🤣🤣🤣所以分左幾次咬，帶子唔鞋，煮得剛剛好，完全無痴牙，仲要有好幾隻，唔係求其交功課得2隻，仲要唔細隻架，安格斯牛超厚，肉味好濃，對得住呢個價錢，黑松露醬令到個包即刻昇華做豪華級別，完全唔吝嗇，好多醬，包保你每啖都食到個醬，唔會乾，麵包係超級極級脆身，擺左幾個鐘都唔會lum亦都唔硬，真係卡蹦脆，漢堡有陣神秘香味！聞聞下發現係椒香，佢將成個包嘅材料串連埋一齊（我企係舖頭前面等，都聞到個陣香味）。老闆娘好有heart向我地講解佢嘅理念，明白都市人生活節奏嘅急速啦，但都希望佢地可以食到雷同嘅料理，將成個西餐濃縮做一個漢堡包，我真係覺得好正🙌🏻，我咬落去個下帶子嘅軟嫩，安格斯牛嘅濃香，真係令到我聯想到係西餐廳食緊飯嘅場景，大癲😂😂😂❗️另外超級推介套餐加20蚊薯餅轉雞髀，生炸雞髀好大隻，肉眼都望到佢外皮好脆，唔乾身，仲要落左蜜糖汁，絲絲嘅甜味，加埋啖啖肉，真係好想唱返首，炸雞髀我～～鍾意食～～❗️薯餅都唔差，佢地自己加工調味，除左薯仔仲多左獨特風味，唔係周街食到嘅味道…查看更多

成日經過呢間餐廳比佢入面嘅和式設計環境吸引，今日終於決定入去光顧～見到門口有推介壽喜燒啵，咁就叫呢個啦☺️☺️👉🏻壽喜燒定食 $89✨成個set黎到嘅時候，望落好豐富，飯、小食、湯、飲品，占晒成個盤，甜品同溫泉蛋都要另外上😂原來我叫左咁多野咩？！不過咁樣先有和風家庭feel架嘛😁呢排想健康d，所以叫左8種根菜雞肉豆乳濃湯，咁funny嘅，唔係好似豆乳嘅滑溜，反而係忌廉濃湯咁，好濃稠，每一啖都有唔同嘅蔬菜同雞肉，放面嘅炸牛蒡條幾香，不過我最尾先飲湯，所以凍左🥲🥲溫泉蛋放落壽喜燒鍋，等個湯底滑身d先，飲左一啖，香甜濃郁。wow 好多唔同嘅配料😍😍有芋絲、日本南瓜、紅蘿蔔、多種菇、菜、大根、全部都好入味，大根好大舊無渣好好食😉主角當然係入面嘅牛肉啦，牛肉吸晒湯同蔬菜嘅精華，甜到入心，令人忍唔住叫左出黎😅😅牛肉本身都幾粉嫩，唔係脂肪比例失衡嘅super肥牛食有湯鍋嘅料理，點可以少左飯呢，飽滿嘅日本米，少少嘅黏性，連埋牛肉，送飯一流，👉🏻小食✨叫左厚燒玉子同埋和風雞肉燴厚揚豆腐，玉子嘅賣相和味道係標準教科書會出現，厚揚豆腐厚實，唔係軟綿綿嘅豆腐，加左d蔥同雞肉調味，作為小食，非常滿足😌白桃特飲係白桃梳打，意式奶凍面有白桃本體，白桃jelly加奶凍，唔會好甜，OK成餐飯我覺得幾有家的感覺，五臟六腑俱全☺️…查看更多

咁啱喺樓下食雪糕，見到廣告牌指住樓上有餐廳，就諗緊橫掂未食飯，不如去醫下肚🙂‍↕️餐廳環境超級闊落，仲有室外位置，感覺好chill🥰再啱一邊食野一邊同朋友傾吓偈打開本menu覺得個design好有心思🤣望落好似magazine✨Menu入面好多選擇，由午餐到下午茶再到宵夜都有🙂‍↕️唔止咁，3點後仲有Happy Hour😋👉🏻煙三文魚班尼迪蛋配酸種麵包 $138✨酸種麵包烘得外脆內軟，微酸既味道同濃郁既荷蘭醬相互襯托，加埋蛋黃一齊食，好正！水波蛋一切開就慢慢流蛋黃落來，完美流心！煙三文魚食落鹹香濃郁而不膩。整體結合細膩平衡，入口層次豐富🙂‍↕️👉🏻經典卡邦尼意粉 $148✨意粉既醬汁濃稠滑順，蛋黃同芝士完美融合，非常濃郁🙂‍↕️意粉煮至 al dente，咬感彈牙。蘑菇增添鮮味層次，雖然稍微偏創新但味道都幾突出，幾好食🤣👉🏻港式雞煲炸雞翼 $78✨雞翼色澤金黃、外脆內嫩，令人食指大動😋醬汁微甜帶辣，食落都幾辣下🤣味道層次豐富，每一啖都令人欲罷不能。雞翼炸得啱啱好，鎖住肉汁唔乾柴，搭配沙律菜同蕃茄，清新解膩🙂‍↕️👉🏻Butterfly Soda $42✨蝶豆花色澤夢幻，由藍紫漸變至金橙，視覺極具層次感。底層果汁酸甜適中，融合氣泡，清爽刺激感！檸檬片提升香氣層次，高顏值又消暑，最啱用嚟打卡😋👉🏻Hojicha Latte $40✨茶味濃郁，入口順滑。奶泡細緻綿滑，同濃郁茶香完美融合。甜度低但平衡，茶韻悠長，尾段散發微微焙火香。整體香滑順口，唔膩而且好有層次🙂‍↕️…查看更多

身為馬友既我喺某一日見到有新餐廳預備開就當然即刻bookmark🤣不過之後都未有時間去試，所以拖左好耐，但好彩最近終於抽到時間啦😋睇menu見2人餐幾正就決定試試佢🙂‍↕️套餐可以揀沙律/西式餐湯/味噌湯/龍蝦湯，然後仲有前菜，主菜x2，甜品，飲品，total $398，食完真係飽到傻！🤣👉🏻西式餐湯✨西式餐湯係蕃茄湯，橙紅色既湯底令人食慾大增🙂‍↕️入口順滑，有蕃茄酸香，味道清新，酸甜平衡。👉🏻龍蝦湯✨色澤金黃，龍蝦味重，入面有2隻大蝦令到我好surprise，因為通常都無海鮮係入面，大蝦彈牙爽脆👉🏻明太子玉子燒✨玉子燒外觀金黃，厚實蓬鬆，表面灑滿明太子醬同海苔絲。食落口估唔到同旺中一間壽司店賣既一樣味🥰玉子燒軟嫩細滑，蛋香十足。明太子醬鹹香帶鮮，同玉子燒既甜味和諧交融，層次豐富。👉🏻明太子蟹肉扁意粉✨賣相吸引，忌廉醬汁超級濃味而且均勻佈滿喺每一條意粉。意粉煮得剛好，軟硬適中，入口滑順🙂‍↕️👉🏻炭燒BBQ豬肋骨配薯菜✨豬肋骨外層覆蓋住滿滿BBQ醬，帶有煙燻與焦糖甜味，味道層次鮮明。粟米爽甜多汁，為主菜帶來清新口感。薯條外脆內軟，吸收左部分醬汁，令口感更加豐富。👉🏻粟米刨冰✨好大個，岩鹽芝士奶蓋頂為粟米冰嘅味道增加左鹹鹹甜甜嘅層次感，冰唔會好甜，但因為刨冰嘅特性，所以中間嘅冰係無味嘅白色，店家因為咁，另外提供左一杯粟米醬for你增添返風味，食到中間居然係海量嘅粟米，食到底都仲有😂😂😂，真材實料，成個感覺好似粟米忌廉湯嘅變奏版👉🏻藍莓香蕉乳酪奶昔（海鹽芝士奶蓋）✨成杯奶昔望落好rich，唔會好甜，但唔會稠到飲唔到，藍莓同香蕉比例平衡，香蕉無搶左藍莓嘅味道，額外加左奶蓋，幸好，係我鍾意飲嘅芝士鹹甜奶蓋，唔會淡口👉🏻青葡萄奇異果乳酪奶昔 （海鹽芝士奶蓋）✨望落就覺得一定好足料😋飲落比較酸，唔太甜，飲落好濃奇異果味，然後慢慢有青葡萄既味道岀現，成為一個餘韻。奶蓋溝埋奶昔一齊飲，整體好和諧🙂‍↕️…查看更多

之前食The Grill Room都係食晚餐今次就來試下佢地既午餐😋Lunch Menu入面既一人餐幾吸引就決定叫呢個👉🏻4 Courses $299 per person✨廚師餐湯]今日既餐湯係蘑菇湯🍄‍🟫蘑菇湯入口順滑Creamy順滑中有少少碎菇口感，唔會太多，恰到好處菇味濃，再加黑松露油做點綴，味道豐富😌生菜望落新鮮大塊，無黑邊或者氧化咬落爽脆，食到菜既鮮甜味麵包粒口感酥脆，為整體增加口感煙肉碎食落鹹香，令味道更加有層次😋肉眼扒火候掌握準確五成熟既肉眼扒肉質粉嫩外層燒岀紋路，令人食指大動食落口肉質結實但又嫩滑，搭配埋隔離既紅酒汁食落更濃郁蔬菜略帶焦香，食落甜口，味道一流✨食落口咖啡味濃郁中間Cream好香奶味，食落好smooth整體質地滑身，蛋糕底軟身，所有野都好順口👉🏻蕃茄忌廉海鮮意大利飯 $128✨上枱已經聞到濃郁既蕃茄香味食落口好濃蕃茄味，忌廉令飯質地更順滑味道酸中帶甜，平衡整體口感飯偏向al dente風格每一啖都食到海鮮既鮮味海鮮新鮮爽口，青口肉飽滿，唔腥整體相當融合👉🏻黑松露薯條 $58✨薯條脆口，唔軟身，都幾大條食落好香薯仔味薯條上面既黑松露令薯條本身既味道更加有層次感😋…查看更多

成日經過都見到好多人排隊，所以每次都係經過就算。今日咁啱見到排隊既人唔係好多所以就決定去朝聖一下🤣除左Set好既天婦羅飯之外仲可以自己自由搭配想食嘅天婦羅🍤想食嘅嘢一次過食晒😋👉🏻自選天婦羅定食 $86✨叫左冷烏冬，珍寶蟹柳 $18，鮮帶子 $18，竹輪 $12，杏鮑菇 $8。份量唔細，食冷烏冬夠哂涼爽，食落彈牙同煙韌，好有口感，唔係惠康室溫烏冬個種🙂‍↕️湯底好濃鰹魚醬油味，加埋wasabi一齊食，少少辣，更加開胃🤤炸物既炸皮唔會太厚，仲保持到脆口，鮮帶子同杏鮑菇好食！鮮帶子食落口鮮嫩，唔會鞋，杏鮑菇咬落口爆汁，非常香嘅菇味，其他都係來貨，一定冇死🤣👉🏻自選天婦羅定食 $90✨揀左紫菜蝦膠 $12😋食落非常香脆可口，可以食到蝦膠非常彈牙，同埋仲可以食到蝦既鮮味，呢個都可以叫🙂‍↕️套餐有保埋迷你沙律同麵豉湯，咁就一定唔會唔夠飽啦😋👉🏻芝士年糕 $38✨外面金黃，食落口煙韌，外脆內軟，唔會硬。入口有少少甜，然後就食到芝士既咸香，食落口咸甜咸甜，味道非常有層次😋👉🏻南蠻炸雞 $38✨炸雞上面吱滿醬汁，一D都唔孤寒。食落口可以感受到外皮炸得好鬆脆，雞肉多汁，唔會乾柴。六舊炸雞，兩個人每人三舊就啱啱好啦😋…查看更多

朋友介紹左我去一間私竇食飯，成個環境好似酒吧，但其實係一間特色串燒店，主要係食串燒架！！反差感好趣緻～😂😂有巨大螢幕播d勁hyper嘅韓歌，聽聽下，我自己搖埋一份🤣🤣仲有地台，估計應該會有表演？？不過咁橋個日無🙂店員服務好好，比我地並排一齊坐，咁我地就可以一齊對住mon，一路食串串^_^串燒種類都唔少，仲有其他麵食，小食，不過我就叫唔到咁多咯，始終食肉比較快飽，但甜品係我無法放棄嘅一環，尤其個名好吸引人去食—A5和牛慕斯😆😆。檯面有2座鐵板，店員話係heat住串燒嘅，又幾得意wow，差d以為要自己燒😅😅食燒物咁口渴，有咩可能少左特色野飲，獼猴跳動同鴨屎香檸檬茶好大杯，杯身加埋上面嘅薄荷同乾檸檬有cocktail嘅感覺🤭🤭店員放低串燒嘅時候會講呢款係咩串嘅，確保你地知自己食緊乜。-必試手工醬汁：名副其名，必叫，店長自家調配麻辣汁（夠香，唔會好辣，食唔到辣如我，都覺得好好食！！）同夠茜汁（淡淡嘅芫茜香，同甜甜嘅味道，點咩都咁夾），孜然粉（無敵之調味）蒜蓉燒冬菇：好多蒜蓉超香，冬菇咬落有汁汁燒雞腳筋：第一次見，有嚼口，越咬越有雞香味鹽燒雞腿肉：外脆內軟麻辣雞腎：彈牙，如果覺得唔夠味，可以再點店長自家製麻辣汁蒜蓉燒珍寶生蠔（買一送一）：掌心咁大隻嘅生蠔，超多肉，塞滿晒個口，好滿足，完全唔乾冷撈汁珍寶生蠔（熟）（買一送一）：另一番風味，酸酸辣辣開胃，食多幾隻都飽🤭🤭甜品·A5和牛慕絲：真係好似和牛，直到放落口嘅前一刻，都仲唸緊和牛點做甜品，原來係草莓慕斯，好驚喜，質感都好似和牛，打卡都好正🙌🏻汁燒原隻魷魚板：大大隻，調味濃，主調係甜味，fd子食食下自己清晒😅😅😅汁燒白鱔：皮脆身，肉唔會好乾牛油燒bb蘆筍：牛油香幾夾蘆筍，keep到汁水同爽脆夠茜汁燒牛肋肉：燒得嫩口汁燒牛肋肉：牛味濃汁燒金菇肥牛卷：燒得剛剛好，金菇脆但依然食到肥牛嘅肉質鹽燒牛舌尖：有咬口，齒頰留香鹽燒雞膝軟骨：爽脆彈牙鹽燒雞蠔肉：其實我唔知係咩部位，只知佢啖啖肉同幾嫩汁燒油豆腐：燒得薄脆，卜卜聲…查看更多

朝早10點幾喺深水埗行下等朋友嘅時候就見到有間Cafe已經開左門🤣好難得咁早就見到有Cafe開門就決定入去坐下飲杯野🥰本身無諗住叫野食，但朋友話無咁早岀來就唯有自己食少少嘢醫下肚先🥸入到去見到餐廳感覺比較懷舊，原來係重建跟住裝修變咗做Cafe，仲有好多打卡位置。Cafe同Y3做crossover，將時裝融入入面，樓上樓下都放咗好多精品，同埋整體嘅風格都係露營風，夠哂打卡able✨👉🏻焦糖香蕉雜果樹頭麵包配伯爵茶意式雪糕✨諗住Cafe呢個價錢應該只係用來打下卡好細份，點知上枱好大份🤣成個擺盤都好有心思，望落相當吸引，好有層次感😋樹頭麵包外層用焦糖包裹住，明顯經過焦糖化處理，無煮燶嘅狀況出現。食落口外面少少脆，入面鬆軟，有空氣感，唔會係好實嗰種嘅麵包，唔會好易食膩。每一啖都食到啖啖蛋香，相當出色！隔離嘅配料亦都相當講究，有各式各樣嘅新鮮水果，例如無花果，藍莓，橙等等。水果配埋麵包一齊食，平衡左整體既甜膩味道。香蕉亦焦糖化，焦糖薄脆唔黐牙，香蕉香甜唔膩🥰伯爵茶意式雪糕香茶味，微苦，同整體既焦糖化成對比，雪糕食落口順滑，可以中和麵包既厚感。👉🏻黃金鳳梨冰茶 $50✨冰茶飲落舒服，唔會太甜，飲到好香菠蘿味。飲落口仲有一絲絲既菠蘿肉同原舊菠蘿。唔太甜既味道啱啱好可以中和樹頭麵包既甜度。冰冰涼涼既感覺最適合夏天個陣飲返杯用來消暑解渴😋…查看更多

我相信好多人應該都聽過或者食過呢間🤣我六七年前都食過幾次，個陣既質素係唔錯既，但自從有一次食完覺得好難食之後就冇再食過。最近見到突然有人推介佢，久別重逢，決定俾一次機會佢，睇下依家嘅質素係點🤣🍴香蒜白酒蜆肉意粉 $43其實食落係好普通屋企可以煮到既意粉，唔會食唔落口，但唔可以叫好食。重量唔重質既話係唔錯既，呢個價錢呢個份量係物超所值，米但唔可以奢望有西餐廳既味道。蒜味有，但唔重，食唔到白酒味，蜆肉唔多。意粉煙韌度足夠，唔會太生太熟。我一個人係清得哂既，但我係屬於大胃個種🤣🍴雙重芝士牛角酥 $29我覺得佢地既小食係好食過意粉。薯角份量好多，用左蜜糖去焗，食落鹹鹹甜甜，個人幾鐘意，同埋唔會係條邊好硬，整損個口個種。薯角就係大家可以想像到個個味，無特別。牛角酥鬆軟，食落唔算好香，芝士放左陣就變硬左，所以最好趁熱食。🍴原味朱古力 $29拜托大家唔好叫呢個，你會後悔。大杯係真既，無味都係真既。維他朱古力都好味過佢好多，得個大字。根本就係落左好多水去沖🥸🍴水蜜桃荔枝梳打 $29藥水味，就咁。糖漿落得唔夠，杯野比較淡味。除非你覺得自己好耐無睇過醫生無飲藥水，唔係就唔好叫。…查看更多

之前喺隔離買巴斯克蛋糕個陣已經有留意到呢間泰國餐廳🙂‍↕️見佢地有做午市就決定試一試😋聽聞廚師係一位藍帶廚師，喺Le Cordon Bleu到畢業既，亦曾經做過好多間酒店既主廚🤩我相信佢嘅廚藝非常有保障😋入到去全部都係泰國人，聽到佢哋溝通都係用泰文，女店員非常有禮貌，仲好好笑容🥰食飯都食得開心D🤣所以就叫左好多野食🤣我一個人叫咗八樣，我都覺得好癲🫢見佢地夜晚好多人，中午就反而無咩人，想試可以中午去🤣👉🏻N1 泰式炒金邊粉(蝦) $78✨金邊粉炒得啱啱好，唔會太軟太硬。每一啖食落口都好入味，酸中帶甜，非常開胃。蝦食落口新鮮彈牙，仲食到佢既鮮甜味😋喺金邊粉上面吱少少青檸汁，令味道更加有層次感。成碟金邊粉食落唔會太油膩，味道濃郁，恰到好處，份量啱啱好，加埋小食同野飲都夠哂飽肚😋👉🏻N5 冬陰功湯金邊粉 $78✨本身以為唔係好大碗，點知其實都好夠飽🙂‍↕️冬陰功湯酸辣夠味，但唔係死酸，飲一啖已經感覺到口水開始分泌😋本身以為炸物係炸腐皮，點知原來係餃子來！好似炸皮餃子咁樣，肉少少，但係肉味好出，皮就算浸左湯都好食🤤本身其實唔好冬陰功，但都覺得好食。冬陰功唔係即食，湯已經比麵索左好多，但係D麵竟然仲可以食到濃湯嘅味道👅可想而知原本有湯個陣係幾好食😋 D辣味係條脷到有餘韻，魷魚鎅開晒花所以好入味，隻大蝦係索索聲，好鮮味👉🏻A1 泰式炒通菜 $38✨食落惹味爽口，好有鑊氣。通菜既調味令到我愈食愈想食，本身自己唔鐘意食通菜，但都可以自己一個食哂😋份量適中唔多唔少，如果自己一個都可以食得哂🙂‍↕️👉🏻A2 泰式酸辣鳳爪 $20✨其實鳳爪我都係唔食既🤣但一場來到就試下。鳳爪食落口酸辣開胃，辣得來唔會嗆喉，好有泰式特有既味道，層次分明，食落涼浸浸咁，好啱夏天無咩胃口個陣去食😋鳳爪入味，骨都去得好乾淨，食落軟嫩爽口，膠質豐富，咬落嗦嗦聲，都幾好食🙂‍↕️👉🏻A4 泰式炸蝦餅 $25✨外層望落金黃酥脆。雖然係炸，但食落口唔會好油仲好脆🙂‍↕️入面既蝦肉彈牙爽口，鮮味十足，咬落好紥實，唔會鬆散。點埋泰式甜辣醬來食，就更加襯托到蝦肉既鮮味，整體味道恰到好處同好夾，食完一啖想再食多啖😋👉🏻燒雞翼（2串) $48✨正所謂，燒雞翼～我鐘意食～呢份燒雞翼非常得我心。雞翼外層燒到金黃同微焦，雞全翼大大隻，聞落好香，賣相都非常吸引。雞肉食落口鮮嫩多汁，燒既火候啱啱好，唔會乾柴，每一啖都食到有肉汁，同埋唔會好油膩。點埋隔離既醬汁食就令到成個味昇華，酸辣得來仲有少少蒜香，完全吊起左雞肉既味道，中和油香之餘仲令人覺得食指大動🥰👉🏻芒果糯米飯 $68✨一上枱已經睇得岀係大份過外面賣既芒果糯米飯🙂‍↕️食落口好香既糯米味傳岀來，口感軟熟，唔係雪到硬個種，溫度微溫，芒果就偏凍，糯米飯同芒果一齊食就好似冰火兩重天咁🤣芒果大舊，唔酸，唔會係甜到爛個種，有口感，成份野都好好食👉🏻凍芒果沙冰 $48✨芒果沙冰大杯，飲落好smooth，唔會有碎冰既口感，芒果味都幾濃，唔會覺得有溝水同加糖漿😋…查看更多