hilda gunso的個人專頁

想飽肚又食得開心，就去咗荃灣呢間漢堡包店慢慢chill吓平時漢堡最luxury係配鵝肝，呢間就有配鴨肝，完美同炭香漢堡扒融合芝士又唔會太搶味，醃瓜同洋蔥有好香嘅烤羊味，唔會太酸食漢堡包都嫌唔夠澱粉嘅話，三重芝士南瓜pizza都好正，手工餅底質感煙韌芝味又香又拉絲，冇肉嘅pizza原來都咁正除咗正餐，呢度嘅梳乎厘pancake同樣令人興奮，咁嘅價錢有成三大塊勁厚嘅梳乎厘，仲有兩大條焦糖香蕉，性價比極高跟餐可以加小食，黑松露薯條幼切，再灑上黑松露醬，點吓蛋黃醬食幾過癮仲可以加份湯同包，包係無花果包，唔點牛油都好香點咗係另一種滋味，仲可以點蘑菇湯食，三種味道享受嘢食方面有得加菠蘿青瓜梳打，呢種組合非常新穎，配油炸嘅一餐，清新嘅感覺正好解膩跟pizza仲可以加杯Moscato，甜甜地有啲氣，送薯條都好啱…查看更多

cafe咁多人，都係去返上次去過好正嘅bar去歎個下午茶前菜係哈密瓜風乾火腿拼盤，一份有兩大塊Parma ham，鹹香豐腴，哈密瓜夠鮮爽，用Parma ham包住食，口感更正是日餐湯係蕃茄雜菜湯，有一塊薄切勁脆口嘅麵包片，就咁食都爽，浸湯食又得，湯好香濃又夠酸，夠晒醒胃原本係嗌牛面肉肉醬意粉，不過冇晒牛面肉就轉咗鴨胸肉焗飯，都相當靚仔，唔講以為係鵝肝厚切又夠嫩，飯底焗得好芝味，肉醬入晒味下午茶食all day breakfast特別有feel，佢嘅嘅portion都ok有好多沙律菜同肉，三文魚都大份，蕃茄碎好鮮，牛角包都唔錯最後胃民都係好想要甜品，就加一份迷你紐約芝士餅，質感唔會好實好膩，仲有啲果醬加添酸甜感，唔會太飽滯Happy Hour啤酒白酒有半價，大胃就試吓佢地嘅house beer，好大杯夠晒振奮，都幾易入口胃民就唔夠膽飲酒，就好小學雞咁飲果汁…查看更多

平時食嚟食去都係港式川式日式韓式，京式火鍋就比較少接觸，今次去中環體驗一下北方嘅火鍋偏向清啲，可以focus返肉嘅鮮味，呢煲傳統塞北蘑菇清湯鍋，有專人先開燈再倒湯包，好快就滾起得筷醬汁好講究，先有三款醬料上檯，有內蒙沙葱椒麻汁、昆布豉油汁同香辣醬，分別適用於點羊肉、牛肉同海鮮，調味好特別又開胃仲有一碗傳統芝麻醬，點咩嘢都係勁好食，係百搭嘅魔法可以自己加啲瑤料落去，更加豐富錫盟草飼180天羔羊肉好有排場，超長嘅碟裝住長長嘅羊肉隊，一片片好鮮紅，滾15秒就食得，又嫩又有彈性又唔羶，果然係自然放養嘅小鮮肉鮮切錫盟草飼羊梅花肉，唔係好似平時嘅豬梅花，係羊身上好稀少嘅肉量，肉以罕為貴滾30秒點醬放入口，從未食過咁鮮咁嫩嘅羊肉，仲正過牛肉如果打邊爐一定要有牛，呢盤冰鎮住嘅經典大片脆毛肚好值得試，每片大大塊，滾8-10秒口感勁爽脆，點昆布豉油汁味道幾級昇華原產地蔬菜鮮菌超級大兜，目測都有8-9種材料，有幾款菜、菌類、豆腐、響鈴等，擺盤靚又夠鮮爽，唔食菜如大胃都會自動自覺清晒雖然冇聽過老北京糖油餅，不過呢個餅真係令人一試愛上，質感似naan，但更鬆軟，甜甜地咁，齋食點醬食或者滾嚟食都正打京爐品吓茶亦都有feel，一解膩感更能享受到食材嘅原汁原味。更有feel嘅係，會有京劇live可以欣賞，京城mood當場升級…查看更多

放假約好耐冇見嘅胃民，兌現返得閒飲茶嘅承諾，飲奶茶凍檸茶都係茶啫就去西環呢間茶記聚一聚，食個下午茶又抵食又慳到家呢間嘅豬膶係招牌菜，下午餐嗌個出前一丁除咗腸仔，都有豬膶，超級爽彈，好有驚喜麵底好香麻油香，腸仔同麻香係絕配連焗豬扒飯都有得嗌，仲要好大兜，直頭可以當晚餐咁食埋飯底炒得好勻巡，豬扒夠嫩，蕃茄汁夠晒豐富，芝士都好夠好耐冇食公司三文治，一份都好夠份量，有四件三文治，件件都夾到好厚身，有蛋、蕃茄、蔬菜、火腿、芝士，感覺好新鮮，包烘得微脆嚟茶記一定唔少得西多士，邪惡又不失經典搽勻牛油同糖漿，切開有好惹味嘅花生醬，同金黃嘅麵包係完美組合下午茶餐有熱飲跟埋，呢度嘅奶茶仲得比例剛好，口感絲滑檸檬茶茶底夠濃，檸香都混合喺裡面跟A餐有紅豆冰送，好大嘅一杯，紅豆都煲得夠腍…查看更多

適逢中秋又重陽又盛，年尾零舍多屋企飯要食，呢間嘅節日套餐都好得，應酬到屋企人又不失美味，仲有條好grand嘅樓梯，俾港劇迷嘅長輩大大過吓電視劇癮打吓卡秋意開始起，主角當然係大閘蟹，套餐都有好多選擇，首先由冰鎮南非八頭鮮鮑魚打頭陣，仙氣飄飄，幽幽酒香，冰鮮彈牙之後就嚟料，兩隻約五両重嘅紫蘇蒸大閘蟹就登場，蟹公都有好多金黃嘅膏同蟹精撈埋一齊食，膏香滿口，齒頰留連食翅就成日聽，連蟹黃燴生翅點都要食一次，啖啖鮮濃金黃，啖啖有蟹有翅撈菜食都好特別，生拆蟹肉雲腿扒豆苗既有鮮香又有鹹香除咗蟹，招牌原隻脆皮皇子鴿都有喺套餐內，用刀一切外皮嗦嗦聲，肉香滿滿蟹粉小籠包勁大隻，成隻籠咁大，要小心咁食，真係啖啖肉會咇湯食蟹怕寒，套餐有甜品作結又有得驅風，夠薑汁九層糕好夠薑，口感好綿彈。黑糖薑茶更加薑，好夠辣但好暖胃另外嗌陳皮燒鵝伴陳村粉，都係呢度嘅招牌菜，有例牌嘅燒鵝放喺陳村粉上，吸盡鵝汁精華，鵝肉香噴噴又外脆內嫩，加$128意大利莫利塞（Molise）嘅Yara Rosso Molise紅酒，全Montcpulciano葡萄釀製，襯配呢味餸超夾秋夏更替，食吓蟹肉扒山水豆腐花，川香惹味不失山水柔情，滑溜無比勝瓜釀蝦滑擺盤好有意境，瓜嘅爽口同蝦嘅爽彈，加上百花打芡，雙重享受。茶水有好多茶種選擇，連龍井都有，消滯真係一流。今次餐前小食係花生，烘得啱啱好，body夠晒爽脆嚟緊冬至過年都唔使煩搵地方揀咩餐，老銅分店有限定鮑魚盛宴，下次嗌佢，位位都有鮑魚鵝掌，唔使嗌交。仲有盆菜外賣或者自取，屋企團年飯都可以加料…查看更多

元朗呢間日式丼飯好抵食，價錢夠經濟又夠晒大份先試佢地嘅招牌牛丼，加到最大碗，落單時仲問大胃要唔要加飯，真係好啱餓鬼去食牛肉即落單即燒，燒到火光熊熊，所以食落香噴噴，燒到勁香另一碗就全都要，有晒牛五花、牛舌同豚肉，同樣燒到好有鑊氣，啖啖炭燒香，肥瘦剛好，仲好有彈性，仲有溫泉蛋撈燒汁飯，大胃即刻旋風式清咗碗飯升級套餐唔使$10雞，就有碗麵豉湯、中華湯律同自由斟汽水除咗汽水，仲有檸檬茶同酸梅湯，飲完一杯又一杯，任飲唔嬲胃弟見大胃有溫泉蛋，佢又要加一粒落自己度，都係幾蚊粒仲可以加泡菜配肉食，過吓泡菜癮，加海苔試吓夾住啲飯同牛肉食，口感更特別炸蝦脆卜卜幾大條，裡面都好有蝦肉大胃見自己食咁多肉，就加入椰菜花畀自己，凍凍地咁食完原來口感更爽一見到炸蠔就忍唔住嗌，脆口得嚟蠔香都好出炸雞點醬食，肉質都好嫩炸餃子一樣都係脆身，餡料都好飽滿…查看更多

一離開月頭，大胃就化身糧尾指南，發掘到新蒲崗原來都係平民美食寶藏區呢間麵店睇落普普通通，但又好抵食喎佢地撚手菜似乎就係蝴蝶腩，係豬腩嘅一種，好似牛腩咁香口嗌豬雜麵嘅話，都有包埋蝴蝶腩，同時亦有唔同部位嘅豬雜豬膶好爽彈唔會沙，豬腸唔太肥好乾淨豬心好滑好彈牙，豬肚煲得夠腍河粉晶瑩吸味，又唔會散颼颼河粉如果算滿足，蠔仔泡飯更係大滿足咁嘅價錢，每𢳂一羹都有兩三粒蠔肉，仲要係大大粒，飯粒吸晒蠔湯嘅精華，加上芫荽同炸蒜更惹味呢間嘅大腸一啲都唔藞䕢，洗得既清潔又瘦身，唔會有好多肥膏，但留有大腸香味，用嚟炸更係肥卜卜，點醬食更加過癮又內臟又蠔咁，點都食返啲菜清一清，蠔油另上好細心，菜心份量幾多，烚到保持翠綠爽脆水吧都唔錯，檸茶份量好多，檸檬片都有多幾塊檸水都大杯，檸檬片都足料…查看更多

打風就唔好學人去睇海，其實食海鮮比睇海更開心落咗波就去太子呢間火鍋店滾一滾要食新鮮海鮮，有乜湯底好過清湯？話就話係清湯，都有唔少蕃茄、娃娃菜、粟米同豆腐等湯料，唔會寡又健康先配醬料，就等海鮮登場橫風橫雨食海鮮總係好有feel，呢間新推出深海龍躉海鮮拼盤，雖然因為打風，未有龍躉班頭腩不過都有蟶子頂上，都相當巨型，烚完啲肉都好大嚿本地龍蝦仔都唔仔呀，好大隻好多膏，啲肉勁有彈性。南非鮑魚一人半隻，都好大嚿肉，同樣好爽彈游水生蝦仲係郁郁吓，大胃都係快啲了佢殘生，新鮮烚熟即係真係超鮮味。仲有花甲，烚完即食都好鮮爽食完海鮮就食吓其他肉，一次過嗌四寶丸就唔使揀，有齊梅菜豬肉丸、鮮牛丸、手打鮮蝦丸同手打墨魚丸，手工製嘅質感好唔同，嗰種彈牙用機器都好難整到出嚟，肉香保留得好仲發揮到出嚟除咗一般粉麵，呢度仲有鍾華記生麵，開頭大胃都唔係好識淥佢原來係要一小柱咁淥兩至三秒，咁就食得，咁先食都嗰陣蛋香同爽口打住邊爐要飲竹蔗茅根，自己煲唔會太甜啱啱好，咁先下到火…查看更多

西九龍中心food court張櫈斜咁，都無阻晚市人潮因為真係好多平靚正嘅嘢食，其中呢間炸雞真係飽到你瀡唔到滑梯晚市依然有set，一個餐有成三大嚿炸雞，仲有飯同飲品好夠份量又夠平，出面好少有咁平嘅價今次試招牌芝士味，芝味濃郁，外皮好爽脆，雞炸得好乾身鎖汁，肉質好嫩另外一個餐就要蒜香醬油味，醬汁多到完完全全包圍住啲炸雞，超級香甜又唔會浸腍啲炸皮，滲入滑口雞肉超正跟餐有兩款飯可以揀，卡邦尼飯聽落好特別卡邦尼汁撈飯又幾得喎，飯底煲得唔錯，好快就食咗大半兜飯另外一款係安東雞飯，醬汁係啡啡地，似燉雞汁，送飯都幾惹味跟餐加廿幾蚊有薯條，仲要係有味嘅，粟米湯味最獨特，又真係有湯味，撈落薯條又幾夾狂熱味即係微辣BBQ味，食落香噴噴，份量仲好多，廿幾蚊好抵加平時年糕係煲熟佢嚟食，炸年糕就比較少見，跟餐加幾條試吓，試吓跟芝士炸雞撈，脆皮煙煙韌韌咁，口感都幾好咬口…查看更多

嚟緊可能有三日足不出戶，放工當然要出去滾飽佢，去旺角呢間樓上火鍋店放題，咁咪唔使去盲搶餸囉呢間主打潮汕牛肉，大胃都係第一次食咋！一嚟就連埋潮汕牛骨湯上埋個牛肉圈，有晒唔同部位嘅牛肉，有吊龍、胸口油、雪花、五花趾同匙柄，有寫要淥幾多秒淥一陣就食得，比起平時食嘅牛肉好唔同，口感有彈性同埋實淨好多食完都可以再嗌，除咗潮汕牛肉，都有其他肉可以order，例如美國牛板腱、美國肥牛、西班牙五花肉、西班牙黑豚肉等等，都好新鮮，肉香好出跟餐有海鮮拼盤送，有鮮蝦、桶蠔、鮑魚同花甲，倒晒落去淥，超鮮香爽彈，蝦肉色澤金橙，蠔肉同鮑魚都好滑出面自助區任君馳騁，醬料區可以配自己嘅醬料，都好多選擇。仲有熟食區，有紫菜響鈴、炸物同熟嘅丸食，味道都唔錯仲可以落單叫藤椒爽魚皮凍、潮汕南乳炸雞翼手工咸蛋黃炸魚皮同即炸椒鹽炸丸，即叫即整熱辣辣出面嘅配料區琳琅滿目，有啲唔常見嘅配料都有，牛骨髓、雞子、竹笙、鴨血、有餡牛丸、手工餃子等等，個款睇落好靚仔新鮮，食完都會想攞多round仲有好多款手工肉滑可以試，有蝦滑、黑松露蝦滑、蟹籽蝦滑、墨魚滑同馬蹄墨魚滑，一次過食到咁多款，又嫩又彈牙，爽到痹呢度嘅飲品區好正，除咗一般啤酒同其他飲品，有自家製嘅港式奶茶、泡茶同涼茶，非常足料仲有紅酒白酒任斟，勁好飲，唔太好紅酒嘅大胃都飲咗好多雪糕區有唔同款式本土品牌雪糕，仲有大胃好耐冇食嘅格仔餅雪糕，回憶殺呀…查看更多

月頭已糧尾嘅大胃，會選擇同同事食米線，西環一樣有平選呢間嘅米線夠晒大碗抵食，唔想揀嘅大胃就揀寫住「秘製」嘅米線，豬扒炸得好入味焦脆，仲要好大塊，韭菜餃大大粒好香滑，夠晒足料米線配清湯都好夠味，份量完勝胃民全都要，就自選米粉揀想要嘅餸，魔鬼辣就算係小辣都唔惹小，小心辣親紫菜鯪魚卷整法好新穎，又脆又嫩好特別蠔仔𢳂咗好多，好似唔使錢咁啖啖肉。竹笙唔係薄切切，而係好粗嘅一卷卷，口感爽彈蓮藕魚餅都係呢度必食，勁大塊口感勁順滑豬手微煎有色澤，煲到質感好腍好吸味跟餐可以加啲錢嗌小食，酥炸雲吞都幾大粒，咬落脆卜卜，餡料就勁綿滑，內外有對比好正，點甜酸醬仲正呢間辣嘅菜式好出色，點都加份牛𦟌歎吓，一碟份量都好多，肉片紋理好靚，筋位夠彈，吸收到辣香，食到伸晒脷胃民仲加多碟片頭墨魚鬚，但呢碟就係酸辣，有自家製嘅醃菜，辣到入味嘅片頭同墨魚鬚，好嫩滑彈口，同辣味好夾辣到咁，點都要嗌嘢飲，紅豆冰都算好解得辣大胃就要杯檸檬可樂，仲可以揀zero，解辣消暑都係好啱…查看更多

除咗油尖旺，西環都食到Momo，而且好經濟實惠，唔怪星期五咁多人嚟TGIF尼泊爾食餃都有好多方法，首先食最傳統嘅蒸餃，雞肉係最招牌咬起嚟果然會爆汁，雞肉有獨特嘅香氣，唔點醬都已經好好食連煎餃都有，就試吓豬肉餃，外皮煎得金焦厚度剛好，所以好有口感，一咬豬肉嘅香味衝皮而出點花生醬同蕃茄香辣醬食，別具風味除咗肉餃，連素餃都有喎，仲要撈埋涼拌沙律食，清清涼涼辣辣地，確實幾醒胃素餃裡面係薯蓉，質感唔會太實，而且好香口食南亞菜，puri係必食嘅代表名菜，炸波波裡面仲要有yogurt，實在令人欲罷不能唧啲湯汁落去斟滿佢，一啖咬爆佢，太衝擊太好味喇尼泊爾菜同印度菜最大嘅分別，大胃覺得尼泊爾菜冇咁濃味，連甜品都唔會太甜用Chai茶都可以整成pound cake，點奶同紅石榴粒食，超香超過癮除咗一般嘅Chai同lassi，呢度都有尼泊爾酒精飲品，有啤酒同烈酒，更有cocktail，用chai調製嘅martini，vodka做基調，放大香料茶香…查看更多

銅鑼灣呢間連鎖店可以話係火鍋放題界嘅天花板，身邊嘅胃民對佢口碑都好好今次見到有海膽海鮮鍋，隔住個menu都feel到幾鮮咁，一大煲有好多海鮮喺煲底，滾吓滾吓啲香味隨蒸氣上騰今次揀SRF肩胛肉眼套餐，有牛筋、美國豬梅肉片、巴西牛脷托、美國牛肩胛片、澳洲和牛五花趾、美國安格斯牛板腱、SRF美國極黑和牛片同羊肉片可以任食牛肉嘅雪花好平均好靚，唔使J喺社交平台啲雪景圖啦，肉質嫩彈又具肉香海鮮同其他配料都有任叫，大胃點咗鮮雞子、台北鴨血、大頭蝦同象拔蚌片，樣樣都好新鮮靚仔當中大頭蝦絕對係翻本首選，好快就烚熟，膏香肉爽熟食都有得任點，炸蟹鉗、燒乳鴿皇同醬爆糍粑真係點都要留肚食，蟹鉗勁有蟹味，糍粑勁爆漿，乳鴿性價比高，值得encore出面都有自助區，區區有美食好多肉丸、配料同蔬菜任攞，連蟹棒、帶子都有。熟食都有得出去攞，有飯有餸，仲有鹽酥雞𠻹甜品有糖水、蛋糕、糕點同埋自己唧嘅雪糕都有，唧完仲可以裝飾吓亮點係有Häagen-Dazs雪糕，最得意有Lotus焦糖味，唔會太甜幾好味飲品林林總總，多得花多眼亂，有冷泡茶、汽水、咖啡、果汁、豆漿，酒精飲品都好多款 ，好多牌子嘅啤酒，又有白酒、清酒、梅酒任斟，去滾都可以飲勝…查看更多

行喺熙來攘往嘅彌敦道，就入去呢間越南餐廳醫吓肚避吓雨，儲定能量入秋見隔離檯三個男仔些牙一大碗火車頭麵，size真係好巨大胃就同胃民兩條友挑戰吓，麵底有好多啖啖索湯，料有兩份有肥牛、牛𦟌、牛丸、牛腩、札肉等啲肉都好香口，唔會淡茂茂唧啲青檸汁，即刻變成第二種美味胃民話想食法包，就嗌咗佢地嘅招牌法包試吓，麵包烘得好脆身，包住菜蔬同札肉，乾濕度平衡到，連法包都唔會乾噌噌米紙卷係大胃想食又好耐冇食嘅美物，呢度一碟米紙卷剪成四份，每份好大卷滿滿菜蔬、米粉同蝦肉，煙韌又爆餡，點魚露好香口冇諗過連飲品都整得咁足料，牛油果沙冰真係必嗌，胃民飲咗一啖就唔想讓畀大胃，啖啖勁香牛油果之餘，面頭仲鋪咗好多牛油果肉粒除咗越式飲品，連冰鎮奶茶都有得嗌，真係用一大碗冰鎮住一杯奶茶，冰唔會融到溝淡奶茶香，保留原汁原味…查看更多

新加坡呢間老字號都開到嚟香港，唔使再買機票，喺銅鑼灣先嘗為快，食吓佢乜料點都要嗌返個雞飯餐，佢地嘅雞飯非常嫩滑建議食埋雞皮，點豉油真係好正，辣醬同薑蓉都好有風味一餐包埋油飯同湯，湯有好多白蘿蔔喺底，油飯唔會太油，粒粒分明除咗白切雞，其他小炒都唔錯，lunch set價錢幾抵，一碟咕嚕肉好大碟，炒到好乾爽掛汁，跟碗白飯，煲得唔錯跟餐可以追加唔同小食，炸豆腐其貌不揚，實情勁嫩勁有豆香墨魚丸都係，大大粒好有彈性，點沙律醬食好正韭菜餃用嚟炸都好香口，仲有啲粉絲增加口感仲可以加盅燉湯，是日餐湯係蟲草花燉豬脊骨湯，真係好多豬肉同蟲草花喺裡面，冇呃秤蝦多士炸得勁靚仔，咬落勁脆口，蝦肉十足京都排骨王都可以追加，咁就可以一次過試埋，豬肉都好嫩好彈，芡汁夠花味加嘢飲有好特別嘅選擇，烏龍茶都有香印提子味，而且唔係甜，但就勁香醇胃弟要去水腫，都有自製薏米水，blend得好勻巡好smooth…查看更多