葡景軒

營業中

休息中

今次我哋去澳門氹仔葡景軒呢間食lunch，呢間系官也街附近，位置都幾方便就腳。餐廳啲野食個人覺得唔錯，個門口都算幾顯眼，藍白色門面，幾都葡萄牙feel！餐廳既menu有齊中文、英文、韓文、日文，遊客入去叫嘢食都方便無問題！我地食咗幾樣嘢，綜合葡式小食拼盤、白酒蒜蓉炒蝦、葡式海鮮湯飯，仲有甜品朱古力慕斯！整體菜式份量都ok足夠，調味都幾好，𠸝唔會過咸，我哋最鐘意個葡式海鮮湯飯，因為有好多款式既海鮮，鋪滿系飯上面，湯飯又幾重海鮮香味，啲飯吸咗啲海鮮湯，有啲鮮味。