影片
更多
2013-08-04
909 瀏覽
打風先去澳門…見到旅遊書話呢度既馬介休球好好味，一定要試…結果我們一行三人，冒雨去食。看到餐牌才發覺三年間，這個球從45跳到56一碟…無計…因為佢先冒雨嚟…一定要食。 結果就叫咗一碟，另加一碟咖哩牛腩飯和免治蛋飯。三個人食…其實唔算好飽…另外，點菜個位姐姐，可能覺得我哋點得少…佢問嚟問去，我哋就係都無點汽水、湯和包…語氣真係麻麻…不過，後來老闆經過，送馬介休球嚟，仲好主動咁送上一瓶酸辣椒。他非常健談！這才令我對這間餐廳有點改觀。老闆真的是非常好客！講番食物，馬介休球，魚得少少，薯茸就夠多啦…其實唔係好食到魚…不過，對於一個唔愛魚既我嚟講，我覺得，都炸得好好食。可能係啲魚都變埋茸…咁我就唔清楚啦…不過，個球係好幾好食。只可惜，我略覺得貴…差唔多要十元一個球喎！牛腩飯，個咖哩都幾辣，如果食唔到辣…可能就要跳過啦。不過，啲牛腩都好入味同埋冧。味道唔錯。至於個蛋飯，佢連茄汁上，都幾野味。可以一試，但不太特別。我哋後來因為真係唔夠飽…所以叫左兩個葡國餐包，個包係熱辣辣上枱既！外脆入軟，口感都幾好。不得不提個瓶酸辣椒，如果你係一個食得辣既人，一定要試下！好好味！好辣，但係同時又有陣酸味，我攞咗
結果就叫咗一碟，另加一碟咖哩牛腩飯和免治蛋飯。三個人食…其實唔算好飽…
另外，點菜個位姐姐，可能覺得我哋點得少…佢問嚟問去，我哋就係都無點汽水、湯和包…語氣真係麻麻…
不過，後來老闆經過，送馬介休球嚟，仲好主動咁送上一瓶酸辣椒。他非常健談！這才令我對這間餐廳有點改觀。老闆真的是非常好客！
講番食物，馬介休球，魚得少少，薯茸就夠多啦…其實唔係好食到魚…不過，對於一個唔愛魚既我嚟講，我覺得，都炸得好好食。可能係啲魚都變埋茸…咁我就唔清楚啦…不過，個球係好幾好食。只可惜，我略覺得貴…差唔多要十元一個球喎！
牛腩飯，個咖哩都幾辣，如果食唔到辣…可能就要跳過啦。不過，啲牛腩都好入味同埋冧。味道唔錯。至於個蛋飯，佢連茄汁上，都幾野味。可以一試，但不太特別。
我哋後來因為真係唔夠飽…所以叫左兩個葡國餐包，個包係熱辣辣上枱既！外脆入軟，口感都幾好。
不得不提個瓶酸辣椒，如果你係一個食得辣既人，一定要試下！好好味！好辣，但係同時又有陣酸味，我攞咗嚟拌飯！^_^張貼
