唐吉柯德

營業中

休息中

呢間匯聚葡萄牙菜同西班牙菜於一身既餐廳真係第一次見，咁特別當然要一試😎試左以下菜式，全部都好有水準葡國海鮮飯湯底鮮味濃郁，海鮮好足料，有滿滿蜆肉，仲有青口同大蝦，而且好新鮮。米飯吸收左海鮮湯底既精華，每一口都感受到豐富的海味。炸沙丁魚沙丁魚炸得金黃酥脆，內裏魚肉保持到鮮嫩的口感，搭配特製蔥蒜醬汁，令人一啖接一啖，食唔停口。西班牙海鮮墨汁天使面墨魚汁味道濃郁，風味獨特，用魷魚搭配相得益彰，每一啖都感受到濃厚的海洋風情。天使面煮得軟硬適中，有咬口，而且掛汁能力好。仲加入左蕃茄仔，令整道菜更加豐富。巧克力蛋糕蛋糕體濕潤鬆軟，巧克力味濃郁，甜而不膩，配上細膩的奶油層，同巧克力淋醬，係視覺同味覺一大享受！整體而言，係好特別既用餐體驗，將西班牙菜同葡萄牙菜相互融合，同時品嚐到兩個國家既地道美食，推介！