餐廳環境偏向典雅路線
白色枱布＋暖燈
成個氣氛好舒服，
令人坐低就開始期待食物
🐟 馬介休球
馬介休球一上枱已經聞到香氣
炸到金黃色
外皮薄脆
中間馬介休帶少少鹹香
咬落去好鬆軟
配埋佢哋嘅蒜香蛋黃醬
味道更加突出
好邪惡但好好食！
🐟 葡式烤沙丁魚
沙丁魚烤到金黃
皮脆得嚟又唔乾
切開入面仲帶少少油脂
食嘅時候再擠少少檸檬汁
鹹香即刻提升兩級
魚味濃但唔腥
真係幾正宗
旁邊烤薯仔外脆內粉
配埋甜椒醬真係 perfect！
🥘 葡式海鮮飯
呢個海鮮飯真係視覺同味覺雙重享受
大大隻蝦、青口、魷魚圈鋪到成盤都係
完全冇偷工減料
飯食落微微稠身
帶點番茄甜味＋海鮮鮮味
蝦肉爽、魷魚唔嚡
啖啖都好滿足
🥦 綜合蔬菜
花椰菜、西蘭花、甘筍、豆角
全部蒸到啱啱好
仲保留到蔬菜鮮甜味
葡富軒嘅菜式用料足
價錢唔貴
成餐飯食得開心又滿足
