永安咖啡室

營業中

休息中

來到澳門第一個早餐，我選擇了這間永安咖啡室，早上門口排了一點人龍但好快就可以入嚟。坐低看看餐牌，這裏的早餐不同香港因為這間咖啡室是沒有套餐的，全部都是散叫。我點了呢度比較出名的公仔麵，就係雞翼牛柳粒公仔麵配奶茶，店員說雞翼煎得比較耐所以要等5至10分鐘，點了之後便耐心等待大約十分鐘便送到上枱，雞翼煎得香脆亦不失肉汁，牛柳粒配合黑胡椒味道尚可，牛柳粒亦有咬口，當然最有特色是公仔麵因為他的公仔麵煮得非常之好，是比過往我食過的茶記公仔麵更加好，枱面亦有一罌咖哩醬加少少落公仔麵度更加突出記住必須要落，以茶記黎講呢個公仔麵倒數一數二，價錢都是數一數二，雞翼牛扒公仔麵成為59蚊奶茶15蚊以麵類早餐嚟計比較昂貴，但久不久食下亦都無妨。