波爾圖

營業中

休息中

呢一餐係幫媽媽慶祝生日嘅，所以我地揀咗食葡國菜，比較特色一啲。店內雖然未有兒童餐椅，但有加高坐位嘅坐墊提供俾小朋友用。檸檬白酒蜆：有酒香及檸檬香，蜆肉香甜味美。小JM都有食少少。葡式乳豬釀飯：整體其實尚算不錯，但食落乳豬有陣「蘇」味，稍為令呢道菜扣分。特式焗軟殼蟹：【推介】四個字！香脆鬆軟～麵包焗葡國雞：【推介】呢個菜應該加埋白飯就更加GOOD! 外層麵包夠脆，雞肉爽嫩滑溜唔「鞋」口！加埋個醬汁真係不之得了。燒牛肋骨：對我而言覺我有點over-cooked，稍為有點老。味道還可以。馬介休炒椰菜：略嫌馬介休味太淡脆炸馬介休球：【推介】外皮夠晒脆口，香氣十足。內裏餡料十足。食落都有馬介休嘅香味。