ROYAL INN

約咗朋友嚟食飯見到呢間餐廳真係好有特色💙 歐陸式嘅宮廷風中間仲有個大噴水池真係好氣派⛲️水晶燈配上電視播住黑白嘅經典電影Breakfast at Tiffany's 真係有種華麗又優雅既感覺🖤 食物同樣好有水準約會黎打卡絕對一流📷⭐️ Kale Caesar Salad 🥗 經典嘅凱撒沙律加上羽衣甘藍更加健康🥬 調味好清新又開胃同時唔會有草青味💚⭐️ Lobster Bisque 🦞龍蝦湯入口好Creamy🧡 滿滿嘅龍蝦鮮味濃郁好有法式既感覺🇫🇷⭐️ Jumbo King Prawn Handmade Pappardelle 🦐大蝦份量豐富燒得啱啱好保持住肉質嘅鮮甜🌊 手工做嘅闊麵果然特別有口感掛汁能力一流好有驚喜🍝⭐️ Grilled Iberico Pork Rack 🥩黑毛豬鞍嘅火候控制得好🐷一切落去保持軟嫩嘅口感🤩 配上肉桂蘋果醬嘅點綴襯托返肉香🍎 配菜既Mashed Potato非常幼滑帶牛油香🥔⭐️ Basque Cheesecake 🍰看似簡單嘅巴斯克芝士蛋糕🇪🇸同時做到焦香嘅感覺同埋中間細膩嘅口感🧁甜度恰到好處係好優雅既感覺…查看更多

今次約咗一個好耐冇見嘅朋友喺銅鑼灣食飯，朋友就揀咗皇室堡呢間餐廳，喺門口已經見到一個充滿花朵點綴既噴水池，入面嘅佈置同埋水晶燈好有歐式風格，仲有可愛既熊仔陪伴，真係好可愛啊～SET DINNER B FOR 2 $788羽衣甘藍凱撒沙律首先前菜係羽衣甘藍凱撒沙律，加入大量嘅沙律菜同埋麵包粒， 醬汁包裹喺每塊沙律菜上面，口感爽脆招牌龍蝦濃湯餐湯揀選咗龍蝦湯，龍蝦湯質地好濃稠，味道鮮甜，而配湯嘅麵包烘得香脆，點龍蝦湯食就啱啱好燒珍寶大蝦蝦汁手工闊面Pasta就揀咗大蝦蝦汁手工闊麵，完整大蝦一開二，蝦肉爽口結實，手工闊面掛滿醬汁， 入口煙韌彈牙，加埋車厘茄等其他配料，味道都幾開胃燒西班牙黑毛豬鞍架伴肉桂蘋果醬主菜就叫咗西班牙黑毛豬鞍架，原隻黑毛豬鞍架上枱，仲有薯蓉、蔬菜等配料，出乎意料地豬鞍肉質尚算軟淋易切， 配上肉桂蘋果醬入口酸甜清爽，正好中和豬鞍嘅油膩感巴斯克芝士蛋糕甜品就係食巴斯克芝士蛋糕，芝士蛋糕味道濃厚唔算太甜， 作為最後甜品再適合不過SET DRINK X 2…查看更多

無下次！唔會再來！叫左個義大利飯&蜜糖豬扒，豬肉質嫩，味道唔錯！龍蝦湯&蘑菇湯，蘑菇湯味濃，龍蝦湯味道一般般；食曬全部，坐左起碼40分鐘，焗田螺都未到，明明漏左無整都唔認。樓面員工：（未去廚房check）一口就話整緊架啦！之後先去check，話：田螺係你係用餐既時候，先開始整架！要整15分鐘！（主菜都食曬好耐，唔知以為，我叫左甜品要後上呀）結果：問完， 真系等左15分鐘！！根本由頭到尾，係漏左無整！服務好唔掂！…查看更多

之前食過都可以接受，但係呢次服務真係好唔得，未入座就見到啲餐廳同事喺度鬧啲新同事，我就企喺度等佢哋鬧，之後都忍唔住問佢哋可唔可以俾咗個位我先，佢哋帶住咁多怨氣返工真係唔方會有服務，咁都睇得出啲管理層製造咗好多怨氣俾佢哋。我攞個位坐都要睇佢哋面色真係食嘢都背脊骨落。真係要中伏試過先知間舖頭咩問題，唔值得再去！仲sell 人join member，要俾錢join會員，啲條款仲要諸多限制，真係唔好中伏！間餐廳落左本去裝修，但係之後就唔使理啲服務質素？客人嘅感受真係好重要囉！真係食到好嬲！…查看更多

絕無下次！食物，服務九流！ 諗住放假，去食個下午茶。叫咗佢個茶.點套餐。等咗大半個鐘，都冇嘢出嚟！吹佢！佢就話整緊,紅棗桂花糕蒸緊。好啦！咁等多陣。出到嚟嗰舊糕係凍嘅！咁點解要搞大半個鐘啊？成嚿擦子膠咁，我食一啖就放棄了。其他食物都唔掂，除咗杯茶正常啲! 俾$108食咁樣質素嘅食物，真係唔值囉！我好少會去俾評語，但係呢間嘢真係差到極點！不吐不快！一個愉快的假期，就被這個不知所謂的下午茶添上瑕疵。😡😡😡…查看更多