影片
營業時間
今日營業
12:00 - 15:00
17:30 - 22:00
星期一至日
12:00 - 15:00
17:30 - 22:00
以上資料只供參考, 請與餐廳確認詳情
有關獎賞計劃
優惠
相關文章
同朋友慶祝生日就當然要搵個環境舒服又坐得耐嘅地方慢慢邊食邊傾。上openrice碌左好耐，最後就決定去樓上鋪嘅意大利餐廳。餐廳雖然唔算大，但寬闊嘅環境都令人好舒服，而整體上都感覺好chill，啱晒同朋友慢慢傾計。我地叫左兩個lunch set，再加配餐湯、沙律同甜品每個set都包一杯飲品，咁我就來一杯凍檸茶，生日壽星就升級飲返杯清甜解渴嘅荔枝蘋果特飲。加配嘅凱撒沙律有新鮮沙律菜配上芝士碎、煙肉同脆卜卜嘅的麵包粒，口感好爽脆。南瓜湯同樣出色，入口超濃香南瓜味又夠creamy，口感豐富。我嘅主菜係 香煎盲曹伴香草醬普羅旺斯燉菜，煎至外層香脆，魚肉嫩滑，入口即化而且一啲腥味都冇。而佢嘅燉菜軟腍香濃，加埋個蕃茄醬汁嚟搭配真係恰到好處。壽星嘅主菜係燒豬梅頭扒拼薯條，梅頭扒咬落非常軟腍又juicy，味道唔會太濃但就已經好夠味。外層燒得剛剛好，微微嘅燶邊食落加多一份香口。薯條應該係即炸，因為夠熱同埋口感外脆內軟，唔錯。最後就嚟一份是日甜點tiramisu，估唔到份量都幾足，而佢嘅味道又香又滑，餅底做得濕潤，咖啡味道都適中。
繼續閱讀
Bookmark咗哩間手工制義大利粉餐廳好耐，今日去銅鑼灣shopping，一定要試試。餐廳以粉色為主，裝修得好靚。晚市都幾旺下，7點鐘已經好full。布拉塔芝士蜜桃車厘茄沙律，布拉塔芝士好得意，好似個波波咁。切開芝士球，同下層沙律撈埋一齊食用。布拉塔芝士外皮厚身，內裡流心，奶味濃厚綿密。再搭配埋酸甜車厘茄，食落好清爽。香烤千層芝士茄子，用千層面嘅做法來焗烤茄子同芝士。茄子焗烤後依然好juice，芝士鹹香讓茄子味道更加豐富。如果中意食酸D，可以再點埋周圍茄醬，同茄子好夾😊。忌廉牛油蒜香雜菌，用牛油烹飪雜菌，菌菇食落奶香味十足，又帶有少少酒香同蒜香回味。會搭配埋兩件自家制麵包，麵包酥脆點埋醬汁一齊食，好好味。香煎北海道帶子三文魚籽龍蝦汁扁義大利粉，用刺身級北海道帶子製作。帶子肉質厚實，煎到表皮微焦，內裡半熟，入口鮮甜嫩滑。意粉屬於软身果款，每一啖意粉都裹曬龍蝦汁，奶香濃郁龍蝦味濃。最特別係加入三文魚籽，增加咗爆珠口感，食到停唔落口。
繼續閱讀
❣️Mano (銅鑼灣)🔍銅鑼灣駱克道459-461號The L. Square 5樓-----收工約咗家姐去銅鑼灣逛街，之後黎呢間餐廳食Dinner。餐廳位置幾方便，地鐵站過黎5分鐘左右。七點幾嚟到已經有唔少人，好彩有提早訂位。落單叫咗Burrata Salad、Eggplant Millefoglie、Broccolini同Seared Scallop Tagliatelle，兩個人share，份量啱啱好。單據比大家參考下：🧀Burrata Salad沙律用咗burrata cheese、車厘茄同筍，配埋火箭菜。芝士夠新鮮，味道濃郁，配埋車厘茄酸酸甜甜，幾開胃。🍆Eggplant Millefoglie千層茄子配上芝士同番茄醬，熱辣辣上枱。茄子夠軟熟，食落好Juicy。芝士增加口感，但味唔會太重太飽膩，不錯。🥦Broccolini西蘭花苗用咗牛油同蒜炒，好爽口，且蒜香味突出。清新簡單，做配菜幾好。🍝Seared Scallop Tagliatelle主菜係帶子意粉，帶子煎得恰到好處，唔會過熟。意粉頗有咬口，食得出手工感，以三文魚籽龍蝦汁提鮮一下，非常不錯
繼續閱讀
哇！今日同大家介紹下呢間「Mano」嘅美食先～佢哋嘅菜式真係好有特色，啱晒同朋友聚餐慢慢嘆！首先必點嘅係「Fried Gnocchi」，外脆內軟，咬落去好有口感，仲帶住濃濃嘅芝士香，真係一試難忘～跟住仲有「Fish Fingers Potatoes」，魚肉鮮嫩又唔腥，配上香脆薯角，簡直係絕配！肉食控一定要試吓「BBQ Pork Blade」，燒烤醬香濃得嚟又唔會蓋過豬肉本身嘅鮮味，肉質仲好juicy㗎～至於「10oz Rib Eye Steak」就更誇張，煎得恰到好處，切開仲見到粉嫩肉色，牛味超濃，食肉獸絕對會愛上！飲品方面，「Cocktail Of The Day」每日精選特調，清新又解膩；而「Iced Mocha」就濃郁順滑，咖啡同朱古力平衡得剛剛好～總括來講，Mano嘅食物高質又有心思，環境又舒服，快啲約埋三五知己去試吓啦！
繼續閱讀
同同事去食個晚餐、想食下意粉、就去了一間食意粉出名的餐廳食個晚飯。🍽️🍽️🍽️🍝🍝🍝🍽️🍽️🍽️🥄👅 Spaghetti Carbonara 💲168👅🥢黑胡椒和豬頰肉、重點是用熱意粉拌生蛋和芝士做成滑溜不加忌廉的醬汁，口感濃郁又不油膩。🥄👅 Smoked Short Ribs💲338👅🥢肉質嫩滑多汁，煙燻香氣逼人，肥瘦比例剛好，吃起來既有嚼勁又不乾柴。👍低溫慢烤（約135℃烤3.5小時）是關鍵，能鎖住肉汁，外皮刷上燒烤醬後再高溫短烤出脆皮，口感更上一層樓。🥄👅 Virgin Sangria💲58👅🥢果汁和氣泡水混合，用橙、檸檬、蘋果、莓果冰鎮後喝特別過癮，入口果香鮮甜又帶點氣泡感。🥄👅 Strawberry Fashion 💲58👅🥢新鮮士多啤梨和自製士多啤梨糖漿，甜度柔和，帶有士多啤梨的清新果香，再加新鮮士多啤梨搗碎，感覺酸酸甜甜、十日開胃。
繼續閱讀