L'Altro (氹仔舊城區)

嚟到澳門🇲🇴，梗係要感受吓旅行放假嘅休閒vibe！今次我哋嚟到氹仔官也街附近📍，揀咗一間正宗意大利餐廳👅。店員服務周到親切，而且係由外國人主廚主理👨🏻‍🍳。環境坐得闊落舒適，加上舖頭嘅裝修、用嘅餐具🍽️，成個感覺都好有歐洲小店嘅feel。
.
🍷Mocktail
呢個係一款士多啤梨味嘅無酒精飲品。士多啤梨味嘅果香甜香味🍓，配埋梳打嘅氣泡清爽感覺，甜香清爽。最後有一種仿酒精嘅回甘🫧，啱晒喺舖頭慢慢坐、同朋友傾住計、享受菜式。
.
🥖蒜蓉包
係傳統南歐式嘅麵包，焗香咗♨️，配埋蒜蓉牛油，好啱feel😝！可以點埋自家橄欖油咁樣食，帶有少少鹹味👅，啱晒傾住計、開定胃等食嘢。
.
🌊蒜蓉辣椒檸檬香蜆湯
裏面加咗檸檬皮，令到湯底鮮味得嚟又有清爽嘅味道😋。蜆肉份量超級多，每隻都好飽滿，勁鮮嫩，一啖食落去飲埋湯汁裏便滿滿嘅海洋鮮味，超級幸福😍！配埋日式雞蛋同埋蒜蓉辣椒嘅香味🧄，飲落更加香。
.
🦞法國藍龍蝦香草意大利麵
賣相真係超級豪華！大大隻龍蝦😆，而且肉質都真心大嚿又彈牙，勁正呀💕。意粉嘅醬汁超級香濃，食到濃郁嘅龍蝦精華味道，就好似濃縮版嘅龍蝦湯咁樣🔥，仲有香草調味，配埋口感啱啱好嘅扁意粉🍝，好好食。
.
🥩澳洲牛腩配奶油土豆泥及地中海沙拉
油香味邪惡得嚟又好好食，肉嘅味道亦都好濃。而且肉質真心靚🤩，煮到微粉紅嘅生熟度，口感軟腍多汁💦。配埋粗鹽同埋特色芥末醬🧂，味道好香。而且呢度係薯蓉煮得超級順滑，配埋奶香味🥛，少少香草吊味，好食。呢份主食仲配埋清爽嘅地中海沙律🥗。
.
🍮主廚招牌提拉米蘇配草莓及橙酒
甜品喺呢度主廚嘅主打，大人嚟食可以選擇加橙酒🍊，食落首先會有柑橘嘅香味，然後再帶出Tiramisu嘅奶香🍼。裏面嘅蛋香、奶油香、咖啡香味平衡得好好☕️，入口感覺超級濃郁，配埋吸收咗酒香味嘅餅乾條🍾，超級滿足。加上有酸甜果香嘅士多啤梨，令到食完都唔會覺得太膩✌🏻。