1826 餐廳

營業中

休息中

這裏的食品好味，尤其是松山骨飯同酥炸馬介休球，性價比高。環境優美，面對着澳門旅遊塔，優雅怡人。服務態度一流，雜果賓治好飲，全新鮮水果製造，非常推薦大家到此一遊。

22/7/2023同朋友山長水遠拖哂喼由香港黎澳門潮聖，諗住食個正宗葡國菜，朋友經OpenRice並確認左 訂枱19:30，我地早左幾個字到，一上到去，你地個女職員就話無收到訂位，話比人包左場，仲叫我地有咩同老闆講，就算你事後幫我call 車離開都抵消唔到我地既失望。我同一時間，亦見到有兩個都係由香港黎既人，都係咁中左招，係OpenRice 訂到，但無枱食飯。其實都幾離譜，一係你地唔好係openrice 掛機，仲有當日22/7/2023個位女員工服務態度咁差，你地點解容忍到佢趕客，又無嘗試留我地聯絡等老闆回覆，唔憂做都唔使咁串。真係唔會再黎！

朋友好鍾意食西餐，介紹我嚟呢度食下……去到都覺得幾有意思，裝修好特色，都適合一大班朋友嚟食飯，因為環境清靜，傾偈方便好鍾意食佢個沙律，啲菜好清新，而且份量啱啱好😀😀😀😀

餐廳行到入去，門口掛左好多名人照片，就知道這裏不是普通的西餐廳。可能當日落雨，餐廳不算太多人，七成滿左右，坐得好舒服，環境寧靜，約朋友傾偈一流。剛好坐在窗邊位置，影相可以有西灣湖做背景，真係好靚。比較驚喜的是甜品蛋糕，雖然細細件，蛋糕質地鬆軟， mousse唔會太甜，上面還唧左朱古力，剛剛好😋

生日飯想搵一間特別一點，環境和食物質素都好的地方慶祝，上網見有人介紹，於是就膽粗粗訂枱兼order定cheese cake 寫字作為生日蛋糕，雖然只係FBoine溝通，但感覺到服務員非常有禮貎盡責！環境一流，在西環，我們坐的士到，不過走的時候非常非常難叫車，最好揸車，我們一早已訂枱，他們留了窗口位給我們，到達時才6點，天還未黑，望出去就是澳門塔，環境非常寧靜！食物方面都是傳統葡國菜加西式，我比較欣賞馬介休球和大蜆！

今日去澳門遊樂，午膳去左 1826 食，食店在澳門文員網球會內，環境清靜，非常吸引。午餐食物種類多，價錢合宜，有不同款式的西餐。馬介休炸得脆口，馬介休又香又惹味，葡國風味，六件很美味。豬脾配香腸，香腸有兩款，德國特色，加上大蝦，份量充足。臚魚大大條，汁酸酸，好惹味，魚又夠滑，水準不懶。海鮮煲好好食，一定要加飯底，飯配上湯汁非常好味，飯我都食左幾碗。葡汁焗雜菜，夠晒香，夠晒熱。門口招牌。食店對住的風景吸引。店內環境優雅。好多大大粒朋友

位於澳門西環網球會傍邊，餐廳格調比較高級，窗外境觀一流，餐廳內環境清靜，客人大多是本地有文化教養的人 或 中產人士居多，食物唔錯，葡式西餐，價錢又唔貴，每星期一休息，需要提前幾日訂位，walk in 有時無位

門口個牌係寫住文員網球會(如果自己行過一定會以為唔入得去既==”)。上到去唔算好大唔算好寬敞，不過就覺得好清新同舒服，望晒成個西灣湖同觀光塔！戈日我地4個人試左3個甜品：烤蘋果、蛋白布甸同埋木糠蛋糕。我最鐘意個烤蘋果加左肉桂去焗，食落去覺得好香，但係又唔會好”kun”，個蘋果食入口就輕輕咁散開，而且味道唔係加糖漿戈種死甜，你見佢咁既色，但食落好清新！蘋果加肉桂係十粒星星咁match！朋友對肉桂一般般都讚佢好味！