雅憩花園餐廳

營業中

休息中

我好壞，這篇食記有想過不PO出來分享因為它實在太普通，就如標題說的那樣！！之不過它人氣可真好，可能因為有上過電視吧，而且路環中它最有名的路環...一個非常遠的地方！！沒車來這邊超級不方便，誰叫我傻傻的選了住Westin晚餐也只好來這邊啦～ 也辛苦男朋友進來找我們了，餐前跟妹妹吃了葡撻...所以不太餓我們都是來亂的，明明都已經要吃晚餐了，沒事幹嘛再吃個Tea啊這次用餐忘了拍下價格！！ 抱歉抱歉西洋白酒蜆煲 光是賣相 與 剛送來時沒香氣，就已經跟船屋的比不上了這明顯遜色許多，蜆的量也少！！ 看得出來勾芡方面下得頗重瘦瘦削削的蜆肉，味淡不鮮說好的西洋白酒味道呢，都不見了！！這是什麼嘛？？？非洲辣雞辣味不香不濃，雞肉份量算多肉味是有的，但肉質很柴菠蘿船焗海鮮飯算是整晚中最正常的！！ 乾爽的飯粒有陣陣清新菠蘿香雖說是葡國餐廳，但我其實覺得它比較中式多點啦不推薦～ 下次再到這邊也一定不會回訪  

下午經過，見好多人食，有吾少係外國人，見佢地食海鮮飲啤酒，好熱鬧。多人食一定吾錯，且同朋友都得行左吾少路，就坐低食個飯休息下^_^我本身叫豉椒青口，但店員話無晒。未到晚市已經無@@轉而叫豉椒炒蜆（$75+加一），上枱時已經吾熱。雖然吾夠熱，但食得出好夠火喉。D汁／味道吾會炒得太咸，同青／紅椒一齊食，好正！（好辣）大部分的蜆都夠大隻，肉質甜。如果有飯，咸點會更好。落單時問白飯多少錢，店員答$6，我話要一碗，但打漏單，我無食到。乾燒伊面（$50+加一），吾會太多水／汁，但面又吾乾，面有彈性，而且好有面香。豉油味適中，似炒面味。如果多D其他菜（如：菇），會好睇D. 份量多，我兩個人都食到好飽。落單時話不要芽菜，店員態度泠淡地回答：無芽菜。2道菜都食得出廚師夠經驗。但店員服務普通。野飲夠大杯，而且又夠熱。如果吾叫野飲，佢提供嘅茶都吾錯，有菜味之餘，混合了花香味^_^有濕同乾紙巾提供，讚！

黎左澳門七個月, 終於第一次黎路環, 因為太隔涉了, 企左半粒鐘26巴士, 企澳門巴士特別攰的, chok過林"風" 搵到呢兩件東東就知到左.... 幾年前幫襯過一次, 果陣都仲未識欣賞葡國菜, 而家叫做識dd啦, 呢七個月黎都食過唔少, 都係平同中價多, 而今次去雅憩, 以為出晒名後好貴, 原來都係屬中價, 同船屋差唔多.... 而對食物質素我係充滿好高期望的, 咁多人咁遠特登黎食...葡汁焗雜菜, 個汁好稀近乎無味, 咁慳呀? 細嚐下都隱隱若若食得出葡汁味既, 唯有當普通烚菜食...蒜蓉包, 呢兩舊只算一個, 好多蒜蓉好香好好味, 外脆內軟熱辣辣...焗西洋腸, 硬度適中又彈牙, 咸就預左, 但唔會咸到出汁先... 好食!焗鱸魚, 仲係嫩滑, 味道一般般啦! 估唔到的是, 竟然有西洋腸!!! 早鬼知唔嗌上面果碟啦! 寫菜的又唔提我! 我鬼知咩!招牌名菜: 桑拿蝦! 我最高期望係呢味! 搵酒浸蝦彈彈下...再車落去裝有熱石既煲度, 唔駛火, 好大煙, 焗一陣食得蝦係好鮮嫩, 因為冇再特別加熱, 熱石既溫度剛剛好, 揭蓋既時間拿得很準... 可惜的是完全無酒味! 當白灼蝦咁食吧....

8號風球過後ge第2日.去咗雅憩食dinner..由於收工收得晚,去到都9點加上可能天氣唔好..明顯少客咗.但係都差唔多坐滿晒。一講起雅憩我就會諗起佢ge白烚司奄..肥美多汁~。。。但係今晚俾隻豬手影嚮晒  呢間野係好味，好似從來都無點過D咩特別難食.....但係當真無咩服務可言而又要收service charge ge restaurant. 環境就見人見智啦..個人認為還可以接受啦  如果你比較愛乾淨就要好好考慮啦。肥美多汁。我至愛必叫之選，今次戈D細隻D不過都有幾多~點佢配ge辣椒鼓酒一流，鮮味到不得了128+10% ..少到呢...講半隻我都勉強接受   上枱真係得好少..以為佢落錯單落咗半隻..就揾個waiter問下. 當我問佢..呢到係1隻定半?..佢望咗一陣..問我你叫咗一隻定半隻?上錯俾你啊?.我話我叫咗一隻定係得幾舊肉...跟住佢就話..呢到應該係一隻..半隻得好少. 為咗唔好打擾我食飯ge情緒...我無繼續同佢計較.. 不過下次絕對唔會再叫...$140我可以係其他地方食到2隻大大隻啦!!!! 重點係連你D人都分唔到 覺得被騙呢個菠蘿船海鮮焗飯就值得一讚 多料新鮮好

博殺過後到雅憩花園餐廳, 原來它就是劉華同舒淇喺游龍戲鳳到過的餐廳… 一心諗住食桑拿醉蝦, 點知侍應話未有蝦… 咁我地係早左啲嘅, 四點左右… 咁唯有order燒乳豬, 非洲雞及sangria …唔知點解每次食葡國菜都要飲sangria先感覺是完整的… 餐廳是半outdoor的, 夏天應該會有點熱, 樓面有兩條粗樹幹, 吊扇型的燈, 牆上都掛有葡國色彩的畫, 配上格仔檯布, 很有特色的… 最可惜係落大雨, 影唔到教堂前的景貌食得啦… 燒乳豬, 外皮很脆, 份量十足, 不會太咸, 但有點肥… 非洲雞, 肉沒有很’鞋’, 但濃濃的黑橄欖油味, 不是我杯茶… 由於, 雨下得很大, 用完餐, 繼續慢慢品嚐那sangria… 聽到隔離檯能夠order桑拿醉蝦, 我們當然追加… 呢間店雖然有點遠, 夜晚都好多人訂位, 席間, 他們正在忙著晚上訂檯的安排… 突然, 侍應送上一個玻璃器皿, 內有浸在酒的蝦, 蝦仍在動, 我與友人對望, 心裡都有著一樣的疑問”等它醉了就直接吃?!!”… 查問一下, 等陣會端上一個放有火山石的熱鍋, 再把醉蝦煮熟… 感覺都幾殘忍… 唯一慶幸, 他們沒有在我們的檯上做

今次到路環雅憩餐廳用膳。這間雖然是葡萄牙式餐廳，但亦揉合了中式的烹調方法，其中「桑拿醉蝦」最具代表性。此蝦首先把海蝦浸在花雕酒裡「浸醉」他們，然後放入已煮熱的鐵鍋中。端上來的醉蝦清甜爽脆，比起椒鹽和蒜蓉等製作方法不落俗套，很值得推薦，只是價錢略貴($118元)。此外，芝士焗沙丁魚(3條裝)富於芝士香味，可是失去魚的鮮味，比較可惜。其餘的食物，即薯蓉清菜湯和牛尾湯都很鮮味。最後，此食店環境幽雅寧靜，只是夏天到來時可能較炎熱。

在澳門工作嘅朋友推介, 話唔貴又好味, 只不過係遠少少!被吸引多次到訪嘅原因係佢個葡式海鮮煲飯個煲好足料足份量,有好多海鮮, 味道亦不錯! 由於份量十足, 要好多人一齊食先可以食得晒!我地一行七人, 除左海鮮煲, 我地仲叫左好多菜式:推介燒乳豬, 皮脆同埋燒豬手, 入味魚皮都係我地至愛, 醬汁冶味由於有人喜歡食魚, 伙記推介焗爐魚, 不貴, 只需$150, 抵食葡國菜當然要有白酒煮蜆, 味道也不錯但我不懂欣賞馬介休, 因為始終咸一點, 但呢個煮法有薯蓉, 容易入口我地仲叫左兩個菜, 好夠食, 平時我地都好大食, 但呢餐大家都食唔晒!

由我小時侯開始，每年掃墓後都會來這裡吃葡餐，這裡環境幾特別，但衛生就一般，食物穩定，價錢合理。濕炒牛河， 大大碟，肉片很嫩， 河粉也入味，恰白菜仔，蒸馬介休，入口不太咸，但有一種淡淡的魚香，在口中不散，椰青焗雞，好好味， ，即開椰青即去焗，感覺覺得此店用料新鮮，

晚上約埋老友，一行四人去左路環既雅憩食葡餐﹗我同食家一起五年裡面既XMAS，有三年都係去呢度食飯呀﹗唔係話佢有咩好野食，而係佢露天既環境配上教堂在旁，到處是聖誕裝飾燈籠等，極有聖誕氣氛﹗先來一JUG SANGRIA先﹗葡式白酒煮蜆，個白酒汁好好味﹗聖誕快樂，大家飲番杯﹗呢度既名菜，桑拿醉蝦，醉蝦用火山石焗乾焗熟，蝦新鮮彈牙，可惜吃落酒味一般﹗烤豬手，皮脆肉不乾身，醃得好無豬燥味，撕佢落黎送酒一流﹗馬介休球，似薯波多一點﹗麻麻地﹗呢一餐聖誕餐吃得好開心，因為有老闆親自招呼，不停請我地飲酒﹗杯杯清，我都飲左成五杯紅酒﹗唔死無用﹗另外一個老闆更在我地面前大唱靚歌﹗極高興的一個晚上，可惜的是玩得太HIGH，十點都未夠已醉左斷埋片﹗點返屋企.....我都唔係好知......﹗

今日中午去左食lunch, order左個牛尾湯，好重牛肉味，唔錯，主菜有海鮮焗飯同羊膝，個飯超多，兩個人都食唔曬，羊膝個汁幾好，不過有啲難咬，整體食物都好味，價錢公道，十分滿分我會比七分。

來這間餐廳. 是因為它座落於聖方濟各教堂旁邊.睇書介紹係好靚ga. 環境搭夠但食物呢. 都ok ge. 可能未夠餓la食唔到想食ge野. 下次未必再黎lu

今日到澳門一天遊, 其實是為了食野~ 因為我為食, 呵呵呵之前睇電影 《游龍嬉鳳》見舒琪帶劉德華在一個地方食飯, 幾經查問, 我朋友介紹我黎, 一直都未有時間, 終於今次如願以償, 不過天氣唔太好, 好彩祇係天陰陰! 呢度如果係夜晚我覺得靚好多, 日頭會感情好舊, 不過唔緊要, 我都係想感受果 d 氣氛, 我同一個朋友 2 個人, 所以order 野食都唔多- 白酒煮蜆 ($60) = 好大盤, 而且又冇沙, 又入味, 好好食牙!!- 牛尾湯 ($18) = 好好飲, 而且每碗都有 3 舊牛尾係入面, 又夠濃, 好好味!- 菠蘿海鮮焗飯 ($70) = 呢個話係招牌菜, 好多海鮮, 菠蘿又好味, 可惜係個飯太濕, 可能太多汁啦, 所以要扣分我自己覺得佢地既野食整得真係唔錯, 雖然位置偏遠, 係氹仔客運碼頭坐 taxi 都要成 $50, 如果人多食可以 order 多 d 野食, 希望下次可以搵多幾個人一齊黎食啦!

澳門美食之旅第二彈@雅憩花園餐廳澳門之旅第一站：行山，在路環某山徑環山一圈後，大家都十分肚餓，一下山就立即題去吃午飯。澳門美食之旅第二彈的地點：雅憩花園餐廳。雅憩花園餐廳為半露天，部份餐卓在店內，大部份則是露天的，在古老的建築下吃飯，其實又另一一翻風情。前菜是一盤沙律，大概這類沙律都是酸酸甜甜作開胃菜，我不喜歡青瓜蕃茄，只挑了檻欖和少許菜吃，這種沙律都是沒有沙律醬的，好似是加醋，其實味道是不錯的。豬仔飽：熱辣辣豬仔飽，外強內軟，用來沾咖哩汁真是絕配。容後再講。咖哩雞：好食到不得了。咖哩汁香濃，充滿咖哩香料味，辣度雖然偏低，但不損其美味。雞肉十分嫰滑，而且相當入味，薯仔盡吸咖哩美味，滲入薯仔的中心。咖哩汁無論用來送飯，或者以豬仔飽沾來吃都相當惹味，是是日精選。鐵板牛扒：相比咖哩，這味就有點失色，肉味都夠，但略感牛肉薄了一點，不過都是入口即溶，不會要反芻數十篇才能下肚的超韌牛扒，我只能說合格。白汁煮蜆：又是一味可推介的菜。蜆肉雖然細隻，但相當入味，汁料估計用了酒，有點酒香，蜆肉鮮甜不在話下，而且沒怎樣有砂，只有零星的咬到碎殼。更重要的是，一上上一盤，夠我們八個人吃。牛仔柳：也是相對較普通的

星期日到澳門後在酒店打電話往book枱，聽到店員喊出'雅tim餐廳'覺得非常好笑。個'憇'字應讀成'戲'、'氣'，不是什麽'tim'。最攪笑是當我告訴的士司機大佬我地想去'雅憇餐廳'，他直頭唔知我指邊間，但我一講'雅tim'佢就明，冇計！下車後沿海邊走覺得眼前景色非常寧靜優雅，及後去到餐廳所在令我們對那頓晚餐更有祈望！雅憩位處一個相當寬敞小廣塲的左邊，另一邊有另一所食肆，廣塲盡頭是一所古老小教堂。而所有建築物都以黃色及白色為主，在射燈及照明下令到整個環境非常之和諧高雅。好可惜走近後發覺左右兩間餐廳之主事人未能把他們的食堂佈置得與週邊高雅環境配合，好可能他們要走大眾化路線，望埋去係大牌檔格局。來前曾上網翻閱此餐廳之圖片，但坐落完全感覺唔到圖片所顯示的那種氣氛！好可惜！雖然對餐廳嘅setting有些意見，希望用美食補數！我們三人點咗下列食品：(1) 雜菜炒馬介休是頭一個拿來的菜，但三個人都覺得太鹹太多油，比我在其它地方食過的鹹很多。但始終是鹹魚，不能太苛求。最後唯有食晒D洋蔥、青椒、牙菜仔同D蛋。(2) 特式燒風鱔攞到嚟己經唔夠熱，好似預早燒定。最差就是燒烤時灑鹽太多，說鹹到苦絕不為過。各

第三年了，同食家第三年在這兒慶祝聖誕節，這亦是我在雅憩留下的第三個食評。記得第一年兩個人傻傻的來呢度食晚餐，紅紅的SANGRIA與聖誕花的印象仍深印在腦海﹔到上年與哩性友人又來這處，佢飲到大叫大喚﹔這年六人同來，更加熱鬧﹗年年都來雅憩，自有其原因，最主要是呢度食飯地方在教堂門外，環境已經好有節日感，親切而且充滿特色，教堂內不停傳出可愛的聖誕歌，佳節味甚濃，總之當你落車途步行入雅憩，看到到處的佈置與教堂的燈光，就可感受到那氣氛。未入座前大家一起在門外拍照留念，感受到來過兩次及未來過的友人都感覺滿意投入，我同食家就更加覺得呢度的紀念價值，每年一來是福氣啊﹗4:00PM先食完陸舟，5:00PM又隊左個葡撻，5:15PM就已入座當然未有咁大胃口，大家都叫著好飽好飽之際，又話飲一陣酒先再點菜，點知一睇餐牌，個個又嚷著叫呢樣叫0個樣，好似幾年無食野似的，大食團隊果然夠哂勁﹗葡國白酒是每年必點的，不是因為佢好飲，而係佢夠平，白酒雪得夠凍的話其實味道也不會差得到那裡，九十蚊支六個人分，碰杯同賀聖誕快樂﹗說實呢支野酸度挺高，不過大家開開心心飲杯又無咩所謂的吧﹗炭烤魷魚一客有六隻，食落乾身魷魚味重，面頭有