影片
電話號碼
+853 66551343
付款方式
以上資料只供參考, 請與餐廳確認詳情
今次我哋嚟到澳門媽閣廟🧧附近嘅一間高質炸雞餐廳🐥。舖頭新裝修，位置就喺贏到粥卜卜蜆♨️、海灣餐廳🌊附近，可以由輕軌媽閣站🚇去到。呢度仲有特色自家製七款炸雞調味醬同調味粉😋。舖頭結合咗炸雞、啤酒、飛鏢元素😆。.🐔轟炸雞腿扒($35)外層超級酥脆💥，不過裏面仍然係超嫩、超多汁💦，而且熱辣辣夠晒香口🔥。配埋舖頭嘅羅望子醬🇹🇭，甜甜酸酸、帶少少辣味🌶️嘅泰式風味調味好夾。.🐥雞全翼($18)、雞中翼($35/5隻)雞全翼嘅形狀超級靚😍，而且食落厚肉，同樣係好有肉汁💦，而且肉質嫩滑🫦，真係好滿足。配埋辣粉夠晒刺激🌶️，食得辣嘅朋友可以挑戰！雞中翼同樣都好厚肉🤤，配埋海苔芥末粉夠惹味🍙，海苔味再濃啲會更加正。.🍗就咁生炸雞髀($35)炸出嚟嘅顏色光澤好靚😆，外皮夠酥脆，食落香口💥，裏面同樣炸得啱啱好，肉質唔會乾身🤩。好啱攞住大啖大啖咁食，好有feel✌🏻。.🎏涼拌魚皮($38)除咗唔同款嘅炸雞啱晒配啤酒🍺，呢度仲有四川涼拌小食🌶️。魚皮嘅口感好出色，食落有膠質、好彈牙爽口🐟，配埋惹味辣油、香料調味，配酒好爽🙌🏻。仲可以揀其他涼拌菜式🤤，因應小食嘅食材，酸度、辣度都有啲唔同，不過全部都夠晒入味😝。.🍔H20轟炸雞漢堡($48)以轟炸機命名嘅漢堡，真係夠晒爆脆🛩️！新鮮熱辣，又多汁又脆嘅炸雞扒💦，好夾配埋清爽嘅蔬菜。呢個漢堡夠晒滿足。
繼續閱讀
您可能會有興趣的...