譚家魚翅

營業中

休息中

一連四日復活節公眾假期選擇頭兩日過澳門玩! 頭一日氹仔官也街已經迫得水洩不通！想去新馬路嗰邊食翅但又怕嗰邊仲多人...食嘢有排等位人...而且怕人多又難搭車！所以下午茶時段見氹仔呢間譚家有位吾洗等就諗住是是但但入去食！入到去見到有張四人卡位有一個女伙記扒咗响到瞓覺...當我哋想坐入去佢同我哋講呢張卡位吾坐得...我哋問點解！跟著佢就話因為佢要小睡叫我哋自己行上角樓睇吓有無位！當時我真係打個突...什麼樣的服務態度啊? 返工時間瞓覺本身已經係問題...仲要好似我哋咗住佢瞓覺...想趕客咁就超過份！無論啲食物有幾好食...間舖頭有幾出名! 但咁既態度真係吾洗再嚟！

I liked to be here whenever I go to Macau. This is my must-have restaurant. I ordered the cheapest shark fin every time, as what I love is the soup. Even it was the cheapest, shark fin looks not breaks, shinny and jelly. Soups was thick and full of collagen. It tasted like bone soup but very tasty and sticky.

小妹出生於80後，自少在澳門出世長大，一直在澳門讀書直至畢業，大學畢業後在香港定居工作，已經有5年沒有回故鄉，今次適逢生日有三天假期，一於返故鄉澳門賭、食、玩😝小妹天生愛成，但是小妹食嘢有兩個宗旨:1 不吃貴只吃好味2 天生全個家族對味精敏感，所以不吃重味精的東西今次去澳門食了很多澳門人才會去的特色食店，與旅遊天書介紹的有別，很想靠OpenRice這個平台為大家分享一些平價又有特色的食品，好！我們出發了 🚀到了澳門官也街搵食，由於我已經知道官也街的食物質素，與朋友來來回回行了多次都找不到好的地方吃過午餐，卒之便選了一間近年冒起得很快的魚翅專門店。他的門外鋪陳了很多美食的相便是吸引我入去光顧的原因，坐低了便點了3個魚翅，魚翅上枱了使用石鍋上的，用匙羹一搞，發現魚翅很少而且粉很厚，喝一口還覺得加添了很多味精。如果曾經到添發排隊吃過魚翅的話，你一定會覺得譚家魚翅是不知所謂，即使沒去過添發，也會覺得他不好食。其實早知道官也街的所有餐廳都是以廣告費而出名，我不只覺得到了這間魚翅專門店的決定是錯，直情覺得到官也街吃午餐的決定是錯，如果想在澳門食魚翅的話，最好也是去添發排隊了。

難得過大海就黎食個魚翅先，有散叫有套餐，當揀完一輪都揀唔掂既時候，索性叫個套餐，咩都有得試下叫左呢個套餐食由於已經食左豬扒包同要留肚食葡撻，叫左呢個一人餐兩份食，侍應都好醒咁自動拎兩隻碗過黎譚家黃燜鮑翅有3,4舊翅仔，熱辣辣，套餐有白飯，即時黎個魚翅撈飯8 頭吉品鮮鮑勁淺色 明顯係罐頭鮑 (我都明呢個價點會有乾鮑)翅湯蠔皇時蔬其實即係白灼娃娃菜 椰汁燉燕盞（凍）呢個明顯係甜品，雖然我冇講明最後先上，但佢係同魚翅第一道餸一齊黎，會唔會早左小小呢

全澳門服務最差嘅一間食店，態度超級惡劣，餐牌上平嘅嘢一係話冇一係話要你等45分鐘，等你一定要叫賣嘢。我地叫一個$688嘅四人餐，位姐姐就話要等45分鐘，態度勁差，想你唔好叫咁，實際上只係等咗十分鐘內就有得食。呢間嘢真係免費我都唔會再黎，永久blacklist!

服務態度極差，以後不會再光顧！來過澳門咁多次，從來無見過一間服務態度咁差的餐廳！這是我一生中見過最差、最低劣服務的餐廳！就算免費，我以後也不會再光顧！真不明白為什麼這間餐廳會上榜！

近年黎澳門都冇再食翅，一來講得唔係特別好食，二來又覺得我仲有大把選擇，冇乜需要去食翅。四月呢轉同朋友一齊黎，佢地就話想過黎食下翅，所以一落船第一餐都過左黎譚家。舊時食過幾次，味道都算唔錯，尤其佢用個石鍋熱住食係爽啲嘅。店內主要以陸客為主，人地好捨得架，點幾百蚊窩翅，見到有兩公婆埋單成千蚊，豪字就係咁寫。點同我地淨係捨得食啲幾十蚊嘅，入面有幾多真翅就自己知啦。價錢同以前都差唔多，最平嘅55蚊就有兩両中勾翅。本來想點個炒麵食下，但店員話已經冇做炒麵。花膠海參中勾翅 $68/2.5両一人五人，都係點呢款，所以就唔特別逐窩影相喇。我就唔係專家，唔敢評論啲翅咩質素，靚唔靚。純粹覺得熱辣辣幾好食（早幾年食過福隆新街嘅翅__，真係好難食）湯底加左金華火腿，飲落稍鹹，窩翅都夠稠身。翅湯菜心 $28菜心老左少少，梗位都係渣。不過湯浸，唔油。我同男朋友黎澳門就唔會搵翅食了，因為真係冇乜特別。

每次來澳門，例牌會來食窩翅。其實唔係話超級超級好食，但總係心思思會嚟食，而且幾十蚊就有交易，性價比幾高的！我哋一行9人，坐咗上樓上的一張大台。呢度服務係超級差嘅，一坐低已經催你快啲落單，個落單阿姐好無耐性。我哋成枱人都係食中勾翅，平平地；唯一嘅分別就係一啲有埋花膠海蔘，一啲無。成枱都係翅嘅畫面幾咁震撼呢個係no.9石窩中勾翅呢個係no.8花膠海參中勾翅兩款翅個湯底味道其實好相似, 湯頭頗為鮮甜濃味，而且都幾足料，都有成3-4片翅如果願意忍受不太友善的服務態度，呢度的窩仔翅的確是值得試下的

環保思想大行其道，大家都知道吃魚翅是不環保的。但來到澳門，味蕾喚起了心中的魔鬼驅使我們到了譚家魚翅午餐。譚家魚翅以不同種類、大小的魚翅鍋作招徠，另有蔘茸海味選擇。是次我們點了原隻金鈎翅（4兩）及白飯。魚翅以熱石鍋奉上，才令濃濃的膠質湯底不會糊掉。 湯底偏濃味甚至有點咸，所以建議加白飯變成魚翅撈飯，飽肚又好味！4兩的魚翅份量適中，建議不要眼闊肚窄，因鄰座的情侶各自點了一個大鍋，最終各剩下半鍋離去！有沒有下次？ 魔鬼說有，但天使說不應該⋯

每次去到澳門，都忍唔住要同香港嘅服務業比較一番真係有比較，先感受到香港嘅服務人員係幾咁好去過澳門嘅人一定知道，啲的士司機極度難捉摸，無論你搭長途、短途總會有說話比個乘客聽！而家都唔知我俾生意佢，定佢比生意我譚家魚翅嘅侍應姐姐就秉承澳門的士司機嘅待客之道一入到門口，你唔使旨意揀位坐，坐邊係由佢哋話事之後落order佢哋又唔耐煩,嫌d客人叫得慢成個食嘢過程，除咗食物OK之外，其實餐廳環境同侍應服務態度真係冇嘢值得推介總之客人消費但又要睇返侍應面色真係慘慘慘

譚家魚翅於澳門都有不少分店，今次來了近官也街的店試下。星期日約中午12時到來，雖然門外並無人在等位，但店內已是坐無虛席。幸好有人剛結賬離開，不用等便可入座，其他來晚了的客人則要排隊等待了。以翅為主的食品選擇很多，有價值不菲的天狗翅，也有較便宜的鐵窩翅。此次選擇了有花膠的石窩翅及再加白飯一碗，一上桌已感受石窩的熱。雖然只是數十元價錢，但氹翅數量都不算太少，大約有3小排，而湯底濃郁不太咸，花膠則如預期的少。然而，整體上翅、湯及配上白飯，味道也是不錯的。

叫了個"牙揀翅" $98好熱好滾....5分鐘都仲熱絕對無阨稱..每一匙都是翅個湯喺用雞褒出味....然後再用翅煲出濃濃嘅膠質...口感好rich加叫一個芥攔都喺用一樣嘅雞湯去"淥"所以"拾"菜水就是雞湯一滴不留值得推介！

呢一日，我并不是太肚餓，不過很想吃些特別的食物，行行下街，看到魚翅，其實魚翅本身沒甚麼味道，翅身的金色，很吸引，未吃便已經感受到吃魚翅是一種身份象徵! 門口不大，一進去，裝修像一般茶餐廳，沒甚麼分別。侍應小姐，帶我上到二樓，我叫了兩款不同的魚翅,一款是小碗的排翅$98 及另一款是小碗的天九翅$398，為了當面PK一下。大概等十分鍾後，兩碗魚翅送上，單看湯底和外表，完全是相同，那碗才是天九翅呀?  侍應小姐，話我知，身長、粗肥、一條條分開的,便是天九翅。果然天九翅的湯底味道較為濃，好好味，吃清克，推薦給大家去試下啦。

澳門朋友請食飯本身完全無打算食呢間，但既然當地人都去，就應該真係好食，真係估唔到的一餐炸子雞香口，翅口感一流，又大碗，又多料，其實食完碗翅都已經飽了......另外椒鹽賴尿蝦惹味，有機會真係要再去試

其實去澳門唔一定要去食魚翅，不過阿媽個朋友係都要食😑所以去左官也街呢間譚家魚翅 食。我對呢間野完全冇好感，之前冇食過呢間，只食新馬路果間，係個阿姨堅持食呢間😕樓上個阿姐應該炒左佢，佢枱枱客都鬧，又黑面 (無論咩國籍都鬧，阿媽估佢賭場輸錢搵我地呢啲食客出氣) 問佢有咩食佢就講哂粗口咁叫我地睇餐牌，再問佢話得鮑參翅肚食，個阿姨又問多次個阿姐，當然又係鬧鬧鬧，我從來未係澳門食野會咁。問佢有冇雞果道餸叫，佢呼呼喝喝我地話冇😒仲有佢洗啲碗好污糟，有殘餘物係度😧講番魚翅，個湯完全唔得，淡茂茂，完全冇金華火腿香味，而且芽菜比平時多成倍，我知物價上漲，但都唔可以咁唔老實，收價錢貴貴，唔好食都算，仲要枱枱客都要受呢個阿姐氣，貼錢買難受就係呢個意思，我會叫所有去澳門朋友唔好幫襯官也街呢間譚家魚翅，我好少咁blacklist間鋪。