祥記麵家

營業中

休息中

簡簡單單的一碗麵，要有水準，其實一點不易。在香港的麵店如恆河沙數，但稱得上有水準的只三幾間。在澳門就不同，街頭巷尾的麵店也普遍有點水準，其中這裡算是名氣較大的一間。其實除了麵，這裡吃的東西不少，不過每次來，總是例牌一碟蝦籽撈，一碟白灼魚皮，一碟炸鯪魚球，再來兩支可樂，近乎指定動作。這裡的麵出色，彈牙爽身，沒有鹼水味，加點豬油撈起，更美味。就算只為這口麵而來，也值得，個人覺得，比議事亭前地的另一間名店更好。蝦籽也出色，粒粒金黃，吃起來鹹香有致。也下得慷慨，份量夠多，吃得過癮。不喜歡蝦籽的，可以試這裡的水餃，也是正宗美味；灼起的魚皮本身沒有味道，純取口感，所以要夾上大量的薑絲及蔥花，拿下了胡椒粉的醬油來蘸，才好吃。故不吃薑及蔥的，不會知道此味何來好吃；炸鯪魚球這裡有新版及傳統版，我的選擇，幾時也是傳統版。即叫即炸，上檯時總是熱辣辣的。吃起來沒有什麼，而吃這一味，我的焦點當然還只是那碟蜆芥。這裡的也不錯，如果這裡有一味蜆芥撈麵，就真的太好了；還記得早件來這裡，是沒有多少人客的，近件很多時候也座無虛席的，所以如果找下午茶時間來，會吃得舒適一點。埋單大概是40元葡幣一位左右，已吃得飽飽的了。

沿著福隆新街，好有特色的街道，跑到祥記．店內已差不多坐滿了，我們點了蝦子撈麵，炸鯪魚球，麵份量不多，但異常好味，炸鯪魚球也不會過咸．真的是唔錯唔錯．麵也十分彈牙和爽．食了澳門咁多嘢，都是平民簡簡單單的最好味，如榮記和祥記．

蟹子撈面很多人都知道,但金沙綾魚球外層脆口的米通包鮮味魚太好吃,加上略帶酒咮味的蜆介醬真是一絕配合.(但很熱氣的一定要在外面飲杯沒涼茶好)另外在這店的白灼魚皮和南乳猪手也是很棒的 .

星期日下午兩時多去, 等幾分鐘便有位了必叫招牌菜 -- 蝦子撈麵及金沙鯪魚球--金沙的香脆令炸鯪魚球生色不少, 極之完美的配搭, 若香港有得食便好了;--蝦子的確不夠多, 故覺得有點兒貴;雖然食客多, 但店主婆婆都好客氣及友善, 其他店員亦好有禮貎

澳門唯一竹昇麵,麵質可口,加上蝦子的鹽香....十分值得一試!炸鯪魚球,有ニ種,最好要酥炸,因金沙比較多粉,尤其欣賞蜆介醬,有陣陣蜆肉味,香港巳＋分找了!

兩個港人黎到澳門, 一定要mark實必食item啦!!祥記每次黎到門口時, 自己已經係其他地方食到飽晒, 所以一直都未試過。今次終於有機會喇!!叫左1. 蝦子撈麵﹕我一世女都未試過食蝦撈麵, 所以無前者比較~ 但食完之後都無乜特夠話好好食既感覺, 反而覺得好油添~ d蝦子未唔係好突出。2. 金沙鯪魚球﹕哩個就好好食喇!! 鯪魚球新鮮炸起, 出面層飯(定係米通呢?)層到卜卜脆!!正呀~ 食第2粒就試下沾下個蜆芥醬先~ 嘩! 幾惹味woi!! 第3粒就加埋蜆芥醬入面d細蜆肉先~ 嘩嘩嘩!! 簡直係wonderful呀!! d蜆肉既咸味帶到d鯪魚肉更加先呀!! 真係好好食呀~3. 細coke x2﹕枝裝汽水係好飲過罐裝!!

見到食家滔滔推介，便來試試環境唔掂，入到去嗅到一陣味，食物都OK蝦子撈麵 $18：幾好味，但份量小，每碟只有一個面，但無想像中甘好味金沙鯪魚球：外面有米通，好香脆酥炸鯪魚球：炸得好香炸雲吞：好細粒，炸得乾左D買左一樽蝦子番屋企（＄８０）

八月的第一天，是去澳門親睹美國夢幻隊澳門熱身賽的大日子，一早跟同事由新葡京行至新馬路，行了一轉大三巴及澳門博物館後，便到了祥記麵家食麵，明知蝦子面馳名，但最後偏偏忘記了點，最後點了雲吞撈麵、牛腩麵、魷魚及兩支大可樂雲吞撈麵的份量不大，有點像香港的麥奀記，但價錢絕對便宜得多，沒了蝦子的撈麵口感也不差，滑滑的跟平時吃的有點不同，雲吞一口吃剛剛好也不錯，至於魷魚，我覺得蠻惹味的，不其然愈食愈多，嘻唯一遺憾就是沒點蝦子撈及那看似美味的金沙鯪魚球.... 不打緊，再去再去!!!

蝦子麵真係好好好好味呀！不過冇諗過佢咁細碟呢雖然$15真係好抵！鯪魚球佢有幾種食法，我地就叫左金沙鯪魚球，即係有D米通係面炸，好熱 好好味！仲叫左牛腩雲吞，雲吞細細粒都好好食買左一樽蝦子番屋企，　　（＄８０）不過唔知佢有咩秘技既～　　係屋企灑上Ｄ菜度啦，都冇咁好食既～？

在鉅記買完手信，去吃上次吃過好好味的祥記…我是獨沽一味的蝦子撈麵，依然好味! 不過，我覺得好像上次吃更好味一點…男友試了雲吞撈麵，其實價錢跟我的一樣，有幾粒雲吞咬一下好似也不錯!還有我們一致都覺得勁好味的薑蔥灼魚皮，水準依然的高!美食加上冰凍可樂，人生一大樂事呢!!

食左呢個蝦子撈面同埋金沙鯪魚球, d面真係幾彈牙, 但係比較細碟, 食落發覺查實主要係因為d蝦子, d蝦子另到d面好好食, 佢係有一樽樽既蝦子賣架, 不過我好少煮野食, 所以無買, 如果唔係, 響屋企煮面落d都應該好正, 另外個金沙鯪魚球好似有d似白色果隻金沙, 熱到辣咀架, 好熱氣但係好好味

一年總有幾趟過澳門開懷大嚼, 2003年第一次光顧這所麵店, 斷斷續續幾個月來一來, 到最近今年8月的一次, 一直水準依然, 味道依舊- 好食!蝦子麵是這店的招牌食品, 麵很彈牙, 伴著蝦子及蔥油, 天衣無縫的配搭.炸鯪魚肉是另一經典, 就算你不醮蜆介, 魚球本身的香已很吸引. 而且還供應久違了的大支裝可樂!每次消費都不過三十多塊, 值回票價.

2007年11月26日，祥記麵家第七站，也是七站中最好吃的一站！從早吃到晚，有7、8成飽，而且已經差不多11點，以為只叫一個蝦子撈麵(17元)和一碟菜就回酒店休息。點知吃完了蝦子撈麵，太好吃了！很香，麵很有彈性，正呀！兩個人都意猶未盡，所以為免後悔，所以再多叫了一個蝦子撈麵，還有咖喱蘿蔔和可樂。咖喱蘿蔔(12元)很甜，味道很不錯。唯一挑剔的是芥蘭菜(8元)灼得過了點，可以改善。今天能以這樣出色的麵食，真是完美，不枉此行。

聞說呢間d蝦子麵okey,就入去叫返個蝦子麵,蒸魚皮。蝦子麵冇咩蝦子味,似豉油撈麵多d,不過都okey既;蒸魚皮,因為塊魚皮好厚,好大塊,仲要係灰色既,其實真係幾恐怖,老話小時候食過呢味野,佢話好好味,好,我又合埋隻眼試一塊,有d蔥花,又幾爽滑彈牙喎!係幾好食既!

之前食過這裏的雲吞麵，真係一試難忘，今次再到澳門，當然要再來食多碗。我們叫了酥炸鯪魚球(蜆蚧一碟)、桑寄生茶、雲吞麵和蝦籽撈麵。酥炸鯪魚球(蜆蚧一碟) - 外皮腍上一點米通，令食時更加香脆，鯪魚肉新鮮又好味；加上一點點的蜆蚧醬，就真係無話可說。桑寄生茶- 這個比較失色點，可以不試。雲吞麵- 回憶到幼時食雲吞麵的感覺，香、脆、彈牙，恰到好處；真係食完一碗還想再叫；真正用雞、豬骨和大地魚煲出來，清香無比。蝦籽撈麵- 蝦籽比想象中少，但蝦籽香濃，也值得一試。下次再到澳門，不要錯過這間食店。價錢係比香港平得多，真係又平又好食。