爆打檸檬茶

營業中

休息中

每一次去到澳門都必喝爆打檸檬茶的多肉葡萄2.0 三分甜少冰主打就是小朋友一定鍾意飲的葡萄糖果味的飲料版，加入了真實的葡萄果肉，讓口感上多了一點層次，亦為葡萄糖果味飲料帶上一點真實感。真的一試難忘，每次去到澳門都要喝上一杯。今次嘗試加入脆波波，但略為有點失望。脆波波的口感似脆皮糖果，而味道上是無味的，比起之前介紹過的可不可熟成茶坊那種帶點荔枝香的脆波波，略嫌有點差距，亦沒有為飲品加分。甚至感覺上加入脆波波令葡萄果肉份量變少。這讓額外加5元的脆波波性價比極低。整體而言，40葡幣一杯飲料，事實上性價比不高,但味道上於香港的茶飲店未發掘到可以媲美的飲料。這種帶有糖果味卻不會令人感到似藥水味，假亦真是真亦假的感覺。但葡萄果肉份量與一年前相比變少，略為有點失望。但依然每一次到澳門亦會encore。好食指數：💛💛💛💛❣️抵食指數：😂😂回訪指數：💛💛💛❣️

2023年 幾乎所有既出遊禁制都取消了，於是，一有假期，一有一、兩日 day off，就會想著離開香港，近至隔離既 City，遠至一小時 (高鐵、飛機) 生活圈既 city 去走走。在暑假期間，剛好有親戚從美國回來探大家，順理成章地就安排了一個澳門一天遊。當我們去到氹仔舊城區時，發現到周圍都是人山及人海。本想排隊食下街頭小食，都最後，只排了這家近來 "潮流興" 的手搖飲品店，來一杯《爆打檸檬茶》。 所謂《爆打檸檬茶》，就是近來人氣大熱的手打檸檬茶。這一家店，看起來夠晒本地，大大隻字寫明是澳門製造，保證是店內製作而已。此外，小店又的確係幾窩心的，在排隊時，每人送一把扇，可給客人撥下涼，又有宣傳效果。個樣衰衰格格的，小朋友看見，更是開心。好不容易，終於排到這所謂的《爆打檸檬茶》。 是日杯好濃，酸度甜度都甚高既檸檬茶。檸味一定勁過維他的檸檬茶，也勁過美國式既玻璃樽檸檬茶，只是冇美國既咁甜而已。說真，檸檬味的確是十足，茶味也是夠，沒有被檸檬味蓋過。加上，是非常冰凍的一杯，大熱天時飲，絕對係爽。爽啊! 因為是夏天，因為這杯飲品夠檸味也夠凍，飲完的確有透心涼既感覺，行街行到熱辣辣，身水身汗，有這一

Using 100% perfume lemon, the store specialise in lemon tea with their own blend of tea. They have also used a specific type of ice in order to preserve the best taste.The term “yashi” might scare some away, but it is indeed a premium grade Oolong tea in Guangdong Province. Its floral aroma and rich taste stays in your mouth and throat, elevated by the little pieces of “chenpi” (dried tangerine peel).📝Menu: 🔸Yashi Higharoma Lemon Tea

招牌鴨屎香檸檬茶 / 35鴨屎香茶味比較濃郁 有淡淡嘅花香味而且回甘味比較濃 而且越飲越重 鍾意飲茶嘅朋友幾適合飲呢個店舖對每杯飲品都有佢推介嘅甜度小編根據佢推介嘅甜度叫咗少 但係覺得都係甜咗啲如果都係唔太鍾意甜嘅朋友可以根據佢推介嘅再少多一格糖整體唔錯 飲開檸檬茶/果茶嘅朋友一定要試吓——————————————————推介度: 8/10——————————————————氹仔舊城區告利雅施利華街49號地下——————————————————

😋近來好hit手打檸檬茶，去到澳門都要飲番杯。今次試咗店舖Number one多肉葡萄檸檬茶，好多果肉，幾好味。仲加抔鴨屎香檸檬茶就嘆嘆😚氹仔官也街咁多小食，又有牛雜杏仁餅葡撻甜品，又有咁多間手信店可以試食，真係會食完好鬼頸渴，整返杯檸檬茶，又真係幾爽。😋檸檬茶通街都有，但係講到好味嘅，真係首推呢杯多肉葡萄手打檸檬茶，好特別，其他舖頭沒有嘅，食落去啖啖果肉，甜度適中，真係諗起都好回味。感覺好清新好特別。

10月7日，係3號風球下，去左澳門玩，係氹仔見到有一個茶飲店，真係勁多人排隊。咁我地就行埋去睇下，原來佢係一間叫「爆打檸檬茶」既手打檸檬茶飲店黎。所以我地見咁多人買，就去幫襯下。佢地既TOP3既飲品有提子既茶飲、陳皮既茶飲、同埋有檸檬鴨屎香茶飲，而價錢我就咁睇都係$30 - $50到。而我就飲左檸檬鴨屎香茶飲，手打檸檬唔會話太酸，而且佢用左檸檬加青檸，令個層次感上升左，仲有鴨屎香茶底係非常之好飲。同埋唔係果日係唔係做活動，幫襯買茶飲就會送一把手搖扇俾你。把扇都好靚既。

澳門必試🇲🇴滿滿維他命C爆打檸檬茶本身無留意呢間店，朋友極力推介一定要試當然要試啦！試咗必喝No.1 多肉葡萄檸檬茶，果然喺從未試過嘅味道，成杯都係葡萄果肉，每一啖都有葡萄肉，好似飲緊成杯維他命C咁，感覺好健康😂最重要係有口感，飲完之後你會掛住佢嘅味道想再飲😂當日超級多人，我都無細睇其實仲有咩味道。原來仲有好多好搞笑名字嘅檸檬茶😂你想唔想試渣男渣女？🤣🤣🤣下次我要試吓貴妃荔枝檸檬茶，好似好好味咁😍爆打檸檬茶 (氹仔舊城區)氹仔舊城區告利雅施利華街49號地舖

今日想同大家介紹一下呢一間位於澳門嘅手搖飲品，相信有去過澳門嘅朋友都唔會好陌生，每次經過佢嘅店面應該都會見到有人買緊佢嘅檸檬茶，我今次都唔執輸，一於試吓佢最出名嘅檸檬茶。• 啊爆檸檬茶$26佢嘅檸檬茶係採用既茶底感覺都好Fresh，同埋唔會太苦澀。而且佢除咗用檸檬之外，都加咗青檸，所以味道非常之有層次，而且感覺好清新。我當日都唔需要排好長龍，等咗大概5分鐘就有得飲，天氣熱嘅時候真係好推薦大家飲番杯。🫡٩(˃̶͈̀௰˂̶͈́)و味道：🐱🐱🐱🐱環境：🐱🐱🐱服務：🐱🐱🐱🐱CP值：🐱🐱🐱٩(˃̶͈̀௰˂̶͈́)و

最近去咗澳門官也街掃街😂見到呢間舖頭門口勁多人排隊 我都唔執輸🤣🔥 呢間小店主打爆打檸檬茶 系澳門限定嘅茶飲店🇲🇴用上100%香水檸檬製成 再自家調配混合茶葉🍵澳門獨家味道 出邊嘅舖頭無法複製‼️經過官也街必飲‼️而且買飲品仲有扇子送 打卡都唔錯📷🥤多肉葡萄2.0呢一款係佢哋熱銷Number1🥰香濃嘅葡萄味 每一啖都勁多提子果肉🤣茶底唔會好澀 而且選用香水檸檬🍋飲落清甜解渴🙌🏻🥤陳皮鴨鍾意食陳皮嘅千祈唔好錯過 我非常推介呢一款😍查底好香 每一啖都飲到陳皮碎 勁足料 酸酸甜甜嘅口感真係好啱夏天飲 開胃又解渴😋

最近天氣超級無敵熱，一出街就熱到溶啦🥵！今日去左澳門玩，係氹仔見到個個都拎住呢杯爆打檸檬茶，所以就同朋友一齊試下消下暑💚＊＊＊＊＊🍇多肉葡萄2.0 Grape Lemon Tea MOP $40🫨梅煩惱(冇煩惱) Plum Lemon Tea MOP $35🩷粉紅鴨檸檬茶 Red Guava Lemon Tea MOP $38😎必殺技 Pink Pink Lemon Tea MOP $36🦆陳皮鴨檸檬茶Yashi Higharoma Lemon Tea MOP $36＊＊＊＊＊幾個朋友叫唔同嘅share飲好開心🥰啲檸檬茶全部都真係爆打🤣等嘅時候聽到入面瘋狂暴打檸檬嘅聲😆檸檬汁爆多同好真材實料！夏天飲真係超正🥰必殺技同粉紅茉莉都有西柚肉係入面🍊，多肉葡萄就有提子肉🍇，陳皮鴨好特別，加左陳皮碎，鴨屎香茶底都好香💚

🐸 #澳門 #氹仔 #爆打檸檬茶 🍋Pepe超可愛😍！ 今日我同幾個朋友去澳門睇「 #五堅情 #月面著陸演唱會 」🥳 經過官也街呢間賣 #手打檸檬茶 嘅 @baoda_lemontea 見到好多隻大大隻嘅 #pepe 公仔，就忍唔住入去試吓🥰🍇 多肉葡萄2.0檸檬茶 （$40）🍋 梅煩惱（冇煩惱) （$35）💗 粉紅鴨檸檬茶(茉莉） （$38）💎 必殺技 （$36）🐤 陳皮鴨檸檬茶 （$36）呢度連檸檬茶都做到出神入化咁多種！全部茶底都係自家調製，香濃而唔會苦澀，解渴真係一流，夏天飲超級爽🤪！ 檸檬非常香而又唔會酸或澀，正正正😋今次一行六人去咗澳門🇲🇴，每人都飲咗一杯，大家都好鍾意！叫咗正常糖都唔會太甜、走糖都唔會太酸澀🥳 當中多肉葡萄係好香葡萄味，仲好多葡萄肉添😋 我飲咗一啖朋友嘅，唔睇佢個名都知佢叫咗咩嚟飲（驕傲嘻嘻🤪）我叫嘅梅朋友加入咗鹹梅，味道都非常夾！📍 爆打檸檬茶氹仔告利雅施利華街49號地下(官也店) /澳門綠楊花園第三座地下AE舖(澳門店)

我又要重申一次，今次小妹嘅澳門之旅絕對係難民體驗，最少5個鐘😵！成個trip 熱到忙住補水，無乜固體食物落肚，零胃口。正因為咁，哩間手調飲品係我喺澳門飲過咁多樣野之中推薦😚👍🏻！⭐️🥤爆打檸檬茶，相信有去過澳門嘅都會識，特色係用香水檸檬調製，比一般🍋檸味更香更清新。今次小妹想多啲嘢咬外，就order✨多肉葡萄2.0 ✨($40) ，同樣用香水檸檬，但有埋🍇提子肉，滿足曬兩個願望！店舖裝潢同包裝都用咗香港人好熟悉嘅pepe蛙🐸做主題，店舖面積唔大，但等候區嘅櫈仔有個比pepe蛙封印嘅情緒垃圾筒🗑️，好得意😊其實飲過一次後而家打開食評又想番撻，唔知有無機會係香港開分店呢🫢

🌟官也街篇🍴爆打檸檬茶 (氹仔舊城區)📍氹仔舊城區告利雅施利華街49號地舖🌟多肉葡萄2.0 MOP40依杯多肉葡萄係佢其中一個招牌😋😋😋入邊應該就係葡萄和香水檸檬🌟唔知最近香水檸檬係咪好出名🤣 🤣澳門啲檸檬茶入邊都有依浸香水檸檬味🤣🤣🤣會話就係普通嘅香水檸檬茶 葡萄嘅味唔係太突出🥺🥺🥺 賣$40一杯就唔係幾抵🤣 🤣🤣不過可能因為喺官也街中心 所以一定點都劏遊客🥲🥲🥲 但係不斷都好多人買🤪🤪🤪

次次黎官也街都見到呢間飲品店好多人排隊買，今次決定去買杯試下。舖頭好細又好多人排隊，門口又無貼餐牌，只係係啲牆到見到啲人氣產品圖片，所以今次揀左人氣No 1 多肉葡萄2.0 ——$40。排隊期間係旁邊買左兜中牛雜$50食下。牛雜個碗唔大但個姨姨都裝得滿，度度都賣$50up，所以都無咩感覺平貴。個牛雜味道ok不過唔夠熱，如果同價錢，唔怕排隊，我諗大街果面果啲好食啲。食到咁上下，杯飲品就整好，第一淡飲落去其實我覺得有點似洗潔精嘅味😅，不過利申我唔算好好檸檬茶果啲，但杯野好足料好多葡萄肉。另外，每買一杯野飲都會送一把Pepe 扇。其實大家係咪為左Pepe先幫襯😂

平時都飲開檸檬茶 見澳門最近呢間好出名 綠色既店面係官也街入面特別突出 天氣咁熱 想飲啲野fresh下 就叫左杯飲下佢🍋陳皮鴨檸檬茶 $36茶底係用左鴨屎香 而檸檬茶係用香水檸檬 檸檬味特別清新 無澀味 加上佢又落左啲陳皮係入面 飲飲下又咸咸地咁 估唔到個感覺幾特別同夾 咁熱既天氣飲 真係額外fresh