澤賢記

營業中

休息中

距離官也街不到10分鐘，在花城區花城商場內一家馳名的雞蛋仔/白鴿巢蛋球仔，網絡上非常多人推薦葡撻口味的白鴿巢蛋球仔，焦糖香軟的葡撻成為雞蛋仔的內饀，新鮮熱辣好吃。比起葡撻雞蛋仔，朱古力麻薯味道更為驚豔。滿滿軟糯的麻薯內饀搭上香濃的朱古力漿，實在令人滿足。唯一美中不足的是，由於澤賢記非常馳名，輪候時間非常之長，大概需要輪候約一小時，因為建議先到澤賢記點單，再一拼到附近的薈真集花城店下單，一拼享用兩家美食。

位於街坊商場入面可能我哋1130一開門就去幫襯，個爐仲熱緊，order後店員告知要等半個鐘。三十幾蚊一底。同香港雞蛋仔最唔同嘅係蛋球同蛋球之間脆皮位置比較多，我自己係鍾意嘅。招牌葡撻味，見店員預先極咗一大盤布甸，然後切成細粒細粒遂粒放入每粒雞蛋仔內。外脆內creamy，好食。另一個軟心朱古力味，都唔錯，但葡撻味出色啲。

❧︎❧︎❧︎❧︎︎︎❧︎澳門2⃣️日1⃣️夜之旅(ฅ'ω'ฅ)❧︎❧︎❧︎❧︎❧︎۞۩ஜ۩۞۩ஜ۩۞｛第五站｝۞۩ஜ۩۞۩ஜ۩۞「澤賢記」因為澳門一開關之後就成日見到人介紹依間雞蛋仔，咁都知道依間出晒名好多人排隊，所以都預多咗時間排隊，不過唔知係咪因為當日係平日，所以就冇咩人排隊，不過是即叫即製嘅關係，大概都要等十五至二十分鐘左右先有得食黃金鹹蛋黃 $33 推薦指數🗯️：🌟🌟🌟🌟雖然佢嘅招牌味道係葡撻味，但係剛剛食完葡撻，就唔係好想食佢個葡撻味，最終選擇左佢嘅黃金鹹蛋黃味食落外脆內軟，鹹蛋黃味好濃，但又唔會過鹹，而且粒粒嘅內餡都好足料，唔會有空心嘅情況，所以都幾抵食不過建議先買咗依個先，因為即叫即做需要嘅時間比較長，在等待的時候就可以買其他嘢食🫢

復活節長假期黎澳門一日遊嘅最後一站就係黎買蛋球仔（即係香港嘅雞蛋仔）。當然試佢地店最有澳門特色嘅葡撻味，每一粒雞蛋仔入面都有葡撻餡，的確熱辣辣食果時係做到外脆內軟，葡撻餡嘅味道似係燉蛋，頭頭開始食係幾有新鮮感，不過一次過食一底都有啲膩。由於係期假，等候嘅時間比較長，店員亦話唔定要等幾耐，叫我地等完半個鐘又話要等多半個鐘，最後等左差唔多兩個鐘。人多嘅時候店員嘅安排都較為混亂，好多客人等等耐都會行埋去嘈，一嘈可能就會俾左果位客人先。如果要等咁耐就真係唔係好值得去等啦。所以落單前大家要問清楚前面仲有幾多張單等緊，唔係就可能會影響之後嘅行程。😅😅或者揀一間附近可以行吓街嘅分店食，起碼等都無咁悶😉😉

除左葡撻味仲有好多其他口味選擇👍🏽 基本上都有曬心理準備要等, 佢有6間分店, 我地去左最近官也街既花城店, 大概等一個鐘, 買完去官也街行個圈再返去攞就啱啱好, 再唔係既可以打電話落單都得✅葡撻雞蛋仔🍳(MOP 38)即叫即整熱辣辣脆卜卜, 中間擺左葡撻餡, 但係我覺得食落似布丁多啲, 不過都好食既, 如果係度齋等我又覺得唔值🫣 最好揀定間分店附近有野行既, 買完去行完返黎再攞會好啲🤭我諗如果唔係假期既話應該唔洗等咁耐既, 因為大部分等既人都係遊客😂

澳門唔知幾時又興起返雞蛋仔，而且開到成巷成市，沿路見到好多都係加入麻糬配餡好想試，但又驚會食完一底雞蛋仔就飽左唔可以繼續掃街，所以就放棄左，然後竟然係一個超級隱世(平時完全唔會去到既一個區，就係官也街再過少少既一個屋苑)發現左有葡撻味既雞蛋仔，即刻同朋友行去試下。去到店家已經有好多人排隊order同等攞雞蛋仔，係云云口味當中一定係揀葡撻味，點知去到付款店員通知要等45分鐘先有得攞，所以想試既朋友真係要預留足夠時間等候。如是者45分鐘過去，雞蛋仔超熱出爐，啲邊邊好薄脆，雞蛋仔個葡撻餡真係做到好似葡撻既流心蛋漿超好食，但小心流落手指會熱親或者辣親條脷(真人實測真係好痛)，但好味既雞蛋仔係可以蓋過苦候45分鐘既攰同辣親既痛，希望下次去到唔洗等咁 耐就好啦~溫馨小提示 : 凍左真係無咁驚豔，一定要襯熱食哂佢呀~