泰谷

營業中

休息中

來到店內已經坐滿，服務員引領了我坐樓上雅坐。服務及食品都很到位。食了半隻炸雞，好好味。皮脆肉滑！生虾新鮮！菠蘿炒飯也值得推介。最後還要了3色糯米飯加芒果，特別出色！

今日又嚟咗泰谷食個開心lunch，今次點咗海鮮冬陰功湯濛，真係好好味，辣度都算適中，一開始食冇乜嘢，但後來越食越辣，有點後勁😂😂😂特別想講服務員的態度，真係好好，好有禮貌另外點咗泰式奶茶，特別一提，今次我試咗少甜，比正常甜更好飲，值得一試再試！

上次已經食過呢間的午市套餐，覺得好抵食，今日天寒地凍，想食啲熱辣辣嘅嘢，於是又再嚟食佢嘅海鮮喇沙湯麵😋😋點知一坐低店員就有驚喜，原來餐廳參加緊一個唔知咩比賽，幫手投票就可以送一個小食，本身冇乜所謂，店員態度又真係非常好，所以就幫手投下一票，點知送的是青木瓜沙律，而且仲係正常份量，單點要差不多$70 ，真係超值😅

Cp值超高泰國菜！價錢唔算貴，款式選擇多， 裝修有東南亞風格，有藤椅同大型植物 ，打卡一流！ 本身諗住好似其他泰國菜一樣味道取勝就可以，點知排盤都非常之靚！個咖哩海鮮椰青炒飯竟然原個椰青上，菠蘿炒飯亦都用菠蘿上，淨係見到個擺盤已經好正！

喺屋企樓下附近有間泰國菜，風景設計同裝修都非常泰風，打卡一流！最初以為會好貴， 點知見到個午餐非常抵食，仲包一杯泰式奶茶或泰式奶綠 ！我叫咗一個豬頸肉青咖哩飯， 唔算太辣，椰香味非常重， 豬頸肉烤得脆邊，值得一試！ 一個套餐都只係 68蚊 cp值爆燈！

經過呢間餐廳，見到門口餐牌發現原來午餐非常抵食，於是入去試吓。坐低睇清楚餐牌，原來呢個價錢仲包一杯泰式飲品，有泰式奶紅茶/泰式奶綠茶，真係非常驚喜！ ！食泰國菜一定要試吓咖喱，於是點左咖喱雞扒飯，雞扒炸得非常好味，外皮酥脆，內裏還有肉汁，點埋香濃咖喱汁一齊食，真係非常享受！ ！咖喱汁個人覺得味道有一點鹹，但夾埋白飯，味道其實剛剛好！白飯質感略嫌偏硬，如果軟少少，會更好味！有趣的是旁邊拌有一小撮沙律，裏面有勁多新鮮菠蘿粒，很清新🥰🥰🥰餐飲都好特別，如果揀熱奶茶，有個茶壺仔俾你自己把奶茶倒落茶杯，打卡一流😍😍😍😍😍整體感覺良好，值得推薦！！

呢間餐廳行過見到好多次，通常都好多人，今日下午2:00過嚟之後有啲空位，先可以入嚟坐吓。環境超靚，真係有啲泰國風！可能係因為啲竹藤嘅裝飾同埋櫈！再講下啲餐具，都係好靚，嗌咗個熱奶茶，配埋一個超靚嘅杯同壺，自己倒落去，儀式感就是這樣來了🤭