安德魯餅店

營業中

休息中

這間安德魯餅店， 在澳門威尼斯人度假村內開了一間分店， 因為 諗住搵宵夜食， 除咗其他大餐廳外，就只有這個有麵包買， 行到過去年葡撻都冇得賣， 一定好好賣， 無緣，所以下次一定要是。 見到佢有些芝士包只係賣十蚊， 其他包只是賣六元，七元， 好抵食。 買咗嚟試下，待應還說可以加隻蛋落去，比較好食， 我就未能可以加隻蛋， 但就咁食已經好好味個包又平又大。 這間店舖有cafe，有座位，有咖啡， 可以坐低嘆下， 因時間關係我們只是外賣。

上年去完葡萄牙里斯本那間百年葡撻店，即係唔係話外國的月光一定特別圓，但那樣新鮮香脆滴油不沾，真係會令我懷疑我人生前半段在香港和澳門食過的葡撻係咪真係叫葡撻。身為澳門人(雖然兩歲已來了香港)，但聽在澳門氹仔住了七年的媽媽說，她年輕時澳門根本不流行葡撻，就連豬扒包都是工人們無錢食飯用來項肚的下價之物，當然現在已唔係呢支歌仔。單單是葡國人吃葡撻必加的糖霜和肉桂粉，就沒有見過。差不多十年前因為澳門第一次派維穩費，特別拿兩歲的出生證去換張身分證以換錢，當時幫襯過瑪嘉烈的本店，與KFC的瑪嘉烈葡撻一樣，都是偏油的。安德魯反而未試過，於是在睇show前在威尼斯人內的分店試試。有堂食坐的地方，但座位不算多。葡撻堂食也是用外賣盒裝。開放式cafe廚房內有小焗爐，但應該只是為葡撻保溫，那狹小的空間應不夠讓餅廚由生到熟做一個葡撻。因此葡撻溫度欠奉，或許在本店有好點。比瑪嘉瑪優勝些許只時餅皮沒那麼油。

呢間葡撻出名都唔洗多介紹喇, 不過我地今次冇入到路環食, 因為去路環對於我地黎講真係太遠喇, 同埋最主要原因係入到去冇其他嘢可以做, 唔想為咗個葡撻山長水遠咁入去! 所以呢, 今次去咗威尼斯人酒店🚣個間分店! 佢個名氣吸引咗好多唔同國籍嘅人黎食, 所以呢間分店都要排長龍🐲架, 前面個個都買半打以上😱。可能係酒店嘅關係, 方便買手信返去派掛?! 排咗10分鐘終於到手喇, 個葡撻好香蛋味, 個皮都好鬆化, 而且攞上手仲暖暖地, 唔錯唔錯。不過如果有時間都係推介大家入路環食, 因為話哂真係新鮮出爐, 始終新鮮啲嘛！

今次全家坐艇去澳門，本想在第二日早上，到路環觀光。可是行程有變，豆丁之父改為食自助午餐。噢！没有時間入路環，卻又很想去有名的葡撻店～安德魯葡撻！由巴黎人繞道到威尼斯人分店，一嚐名物～葡撻。來到才發現～超～多～人。餐廳座位都滿滿的！付款也要排長龍！　還以為平日，客人數量會減少。唯有外賣三件。葡撻終於到手了！全家稍移玉步至大運河邊，倚欄享用。手感：由於不是剛出爐的葡撻，未算是熱辣辣，但仍有餘溫。嗅覺：因為不算勁熱，香氣散發有限。要放近鼻子才感到葡撻的甜味。口感及味道：酥脆底皮，包著滑滑的燉奶。甜味適中，依然嚐到底皮的麵粉味。消滅了葡撻後，包裝紙袋大部份都變色，葡撻多油囉！

本身是一個香港人。多數去澳門是兩天一夜。主要是逛逛街，掃街，拍照。這次跟一個從來沒有去過澳門的朋友去。住在金沙城。所以去威尼人都可以走過去澳門美食主要想到葡撻。這間是比較有名。又好食的主打當然是葡撻。之後brownies也是我愛不過是甜甜的。如果怕甜就不要試第一次試芝士蛋糕。也不錯。原味是最正常，也能試到芝士味。這款沒有焗過，只是凍餅。葡撻一如既往好味。新鮮出爐，我坐在位上一個小時不夠都一直有數十人的隊在排。我們的位置坐在貢多拉河旁。常有船經過在唱歌及打招呼。如果你喜歡打卡。推介

同老婆快閃澳門一日遊, 係舊城區食完晚餐已經9點幾, 但一場黎到澳門又點可以唔食埋葡撻先走呢😆不過由於時間已經唔早, 好多餅店已經關門, 好彩上網搵到呢間位於威尼斯人嘅安德魯餅店仲營業, 更好彩嘅係去到剛好買到新鮮出爐嘅葡撻😍呢間位於3樓嘅餅店連Cafe面積唔大, 枱亦唔多, 基本上每一枱都有買葡撻, 當葡撻出爐時大部份客人都擁上攞點了的葡撻, 由於我買了半打, 要等店員分派了散點的才包裝盒裝給我😖新增出爐嘅葡撻, $10個, 非常值得👍

又發作啦又發作啦！屈小姐又話要去見小四啦賴生唯有再帶佢去澳門見佢啦 - 《安德魯》既葡撻（其實賴生都好想食）雖然我地唔係澳門人，但點解屈小姐都會迷上呢個小四既呢？好簡單⋯因為係澳門都鼓吹《瑪X烈》同《安德魯》2間葡撻既對決！不過，第1次由賴生同屈小姐親身試過之後，高下立見！論蛋漿同撻皮都係《安德魯》贏九條街！食過咁多次安德魯既葡撻，我地發現左要食到澳門最好食既葡撻，必須符合以下條件：第一： 地點 - 要去威尼斯人舖頭外面果個銷售counter 解釋：除左上述地點，基本上其他地方既保溫能力較差，例如總店佢但求應付繁忙既人龍，所有葡撻會預先入袋⋯紙袋未能透氣，焗晒D油出黎，撻皮因而會淋左，黏死晒，而威尼斯人舖頭既員工亦因爲做到滑晒啞，即使有新鮮出爐既葡撻，你要求佢比果d你⋯佢都係照舊堅持《先入先出》既售賣手法，比個唔新鮮既你第二：運氣 - 遇上真正出爐既時間！（新鮮出爐唔需要解釋啦～）第三：禮貌 - 客人係人，員工都係人！解釋： 你要求人地比新鮮出爐既你，係你有求於人，依照員工守則，人地係要《先入先出》嫁，所以客氣D比D禮貌，同埋睇準時機冇乜人埋去先問人啦，人多既時候員工都好難做假如你完成

每次來到澳洲第1站必定會來安德魯餅店，因為唔食佢唔安樂，唔食就等於無來過澳門。由於我哋貪要食盡澳門美食，所以每人只買1件葡撻。1向唔食酥皮的我也隠唔住佢的香味誘惑，同埋唔會太油，重點係個饀好有蛋味，聞到已經好想食，甜度又剛剛好，真係令人回味無窮😋😋我同朋友們每人都買咗半打返香港🤗🤗如果要我推介澳門邊間葡撻好嘅話~我1定大推安德魯餅店，最重要嘅係店員欣勤招待同埋服務態度好好，唔會話因為煩忙而黑面🖒🖒

🌸🌸🌸🌸🌸🌸🌸🌸🌸🌸🌸包點味道屬正常 不是特好吃🤔玫瑰花茶好好飲，行到攰左 叫翻壺茶 坐喺店內休息下是件樂事😸 間店都幾多人，位置有限喔Thanks for watching❤️❤️

安德魯葡撻位於威尼斯人酒店商場內，都要問一輪路至搵到，我都花左段時間至搵到⋯⋯由於當晚係食完晚飯去買外賣，當甜品而已⋯⋯所以冇買其他飲品搭配，只係一人食一件過下口癮。而家（2017年2月）賣$10一件，一拎上手覺得唔係太熱辣辣，可能不是剛剛出爐的關係啦，但都可以一吃呢！始終葡撻都係安德魯好味，果種蛋汁加噥噥地的口感，同埋脆脆的撻皮，冇第二度可以媲美呢！（溫馨提示：官也街分店只賣$9一件葡撻jar)

岩岩食完皇X印度餐廳，實在係太太太太正啦！但旅程尼到尾聲，賴生同屈小姐都覺得無理由唔食多次我地朝思暮想既澳門名物爲呢個旅作完滿作結架～同時，今日下晏唔夠熱既安德魯已經滿足唔到屈小姐（連賴生都滿足唔到😂😂），所以安德魯感應器屈小姐又自動帶左賴生去威尼斯人入面既安德魯葡撻分店！最神奇既係⋯明明上次搵左勁耐都搵唔到，今次屈小姐（安德魯感應器版）居然唔駛3分鐘連地圖都唔駛睇就到左！當然一去到，梗係有一條人龍啦！但居然係呢個時候，有盤新鮮焗起既葡撻出爐，拎左去隔離個外賣銷售點！（屈小姐真係好好彩呀！居然夾到埋葡撻出爐時間）⋯呢個時候，賴生梗係9秒7拖左屈小姐去銷售點果邊啦⋯⋯話得9秒7，當然拎第一啦安德魯葡撻 （熱辣辣出爐版）爆5星- 撻皮冇得輸，食到一層一層，又有牛油香！又唔會太油！香脆層次分明！係得呢間分店做得到！- 超超超超香！蛋味十足，帶少少甜味，而甜味又唔會遮到蛋味，仲令蛋味昇華！- 太香啦！令人忍唔住要即刻襯熱食！#超強大既安德魯感應器#滿足哂啦❤️#要新鮮出爐熱辣辣食先好食#分店比總店好，最好食既葡撻係呢度#回憶中的美好#Yeah！終於比人讚影相靚左#正式被列入澳門版小四#不要去羨慕

來到澳門，不能不吃的是葡撻，之前在大三巴附近吃過瑪嘉烈，這次妹妹指定要食安德魯。既然我們入住的威尼斯人酒店就有多間，就試試吧。其中一間在大運河旁，中午時間有一條小人龍，但不算等太久。買了兩個葡撻，每個$10，價錢當然算貴，但做遊客生意也是無可厚非。一上手已經失望，因為以安德魯的受歡迎度，理應貨如輪轉，葡撻都能保持新鮮出爐，但這個葡撻未吃已經涼了一大半。葡撻的酥皮普遍較厚，涼掉後味道更加麻麻，而蛋漿部分少，味道欠蛋香，整體味道有點殘不忍睹。只有我一人覺得它不如KFC的葡撻嗎？

半年冇黎過澳門啦.... 之前係澳門返工.....差唔多每2個星期都會揸車入去路環買一次葡撻食! 不過今次黎已經冇左架車, 入路環咁遠...好彩威記呢到都有間分店  方面我地呢d遊客威記呢到既葡撻比原店既貴小小....(話唒酒店入面掛) 雖然$10一件葡撻真係有點貴, 但黎到澳門為左食, 又點會計咁多呢今次買左半打返HK, 再加1年即食, 即食真係差好遠架 ! 個皮仲係脆脆的, 蛋又香又滑!甜味岩岩好~!!!! 其實呢到既chocolate brownie 都好好味 ! 買返屋企叮一叮, 加個雪糕係上面, 簡直係極品!

这儿的葡塔真的非常好吃。 唯有店面的座位有限,我们只好外带。 刚买的葡塔外皮酥脆,内陷则和上面的焦糖配合的天衣无缝。 完全不会有甜腻的感觉。 温馨提示 : 若是吃不完,可以带回酒店放进冰箱里,第二天早上才吃,又是另一种味道。

安德魯葡撻果然名不虛傳！雖然名不虛傳，但我都係第一次食⋯葡撻啲蛋好香，好滑，重點係佢個甜度啱啱好，食多兩隻都唔易漏！撻皮香酥，薄薄嘅皮一層又一層，師傅功夫真係做得好好！ 朱古力撻就反而遜色左啲，朱古力味唔濃，而且比較乾身，口感較差。玫瑰花茶，味道太淡⋯可能要浸耐多少少時間玫瑰味先會較出，唔太啱趕時間嘅人。