世記咖啡快餐

好耐無黎澳門，試下之前拎左幾年米芝蓮嘅快餐😌，星期日午餐時間唔使等位，枱與枱之間唔算迫，門口出面仲有個好似濕地公園嘅水池😂⭐️花生醬奶油西多方塊 （$32）大推‼️表面痴滿似威化餅嘅碎碎，入面西多炸多勁香口，中間花生醬做到好似流心狀態，極邪惡😈⭐️秘製洋蔥鹹牛肉厚多士+厚蛋 （$20+$10）幾足料👍🏻，炒香左嘅洋蔥碎帶點甜味，同鹹牛肉調味好夾，亦帶點口感，厚蛋半熟小小流心，蛋香有種順滑感，比平時茶餐廳嘅鹹牛肉蛋治特別啲😋，出面食唔到哩種味道雞扒雜蕃茄炒通粉 （$52)有驚喜，即炒上枱出晒煙，通粉炒得乾身唔油👍🏻，每粒通粉都掛左蕃茄汁🥫，雞扒同蛋正常發揮，係香港舊式茶餐廳嘅味道🤣凍秘製香滑奶茶（$21）有茶味，奶味都幾滑，不過香港太多選擇，變相好飲但無咩特別，份量較細🥤🔅總結：簡單直接嘅味道，澳門人唔使嚟香港都食到嘅舊式香港味道，想懷念下可以過嚟試下，係合格以上味道✅…查看更多

第一餐唔知食咩好，同行朋友提議食呢間，話世記豬扒包聽講幾好食。。。點知原來呢間分店無，咁唯有試其他。。由於店面滿座，我哋上左上層坐，不過唔知係咪少人上，d枱櫈有d塵同污糟，要抹抹先坐。。雞扒菠蘿包加厚蛋。。賣相不錯，但雞扒醃既味道麻麻地，蛋亦沒其他食評般好食👀菠蘿包就似一般麵包舖買既菠蘿包味道，個皮無特別鬆脆花生醬西多士。。佢上面既topping有d我唔食既椰絲，所以我麻麻地。。朱古力西多士就係呢餐最好食既食物了。。。樽仔奶茶。。我略嫌唔夠茶味，友人叫左樽仔咖啡，都覺得味道比較淡仲叫左牛肉軟包，雞扒菠蘿包加火腿，雞扒撈麵。。d雞扒都係被放棄既主角。。雖然呢個係我哋第一餐，不過都寧願留返個quota出去食其他…查看更多

店員親切友善，因為我們第一到店內食用早餐，不太清楚如何落單，店員友善解釋餐牌內容。食物和牆上圖片一致，食物質素有驚喜！澳門早午餐小食，咖啡和奶茶味道別樹一格都十分有特式！不妨一試～…查看更多

通常食世記都會去官也街嗰一間，但其實有一間隱世咗嘅世紀可以坐低慢慢食。呢一間喺新八百伴附近嘅世記我極度推介。去到先叫餐後入座，叫咗一個凍奶茶同埋招牌凍檸茶，奶茶唔錯，檸茶冰都係茶，所以唔會比啲冰融左整淡個味。個印尼撈麵炒蛋加雞扒都超級正，最正係個厚蛋，應該係我人生中食過最好食嘅一個蛋，個雞扒炸得非常出色，如果你覺得豬扒包正的話個雞扒都可以試吓。個三文治就不過不失，下次都可能叫更加招牌嘅嘢，腸仔同埋火腿都冇乜特別。下次過去澳門會再食。…查看更多

凍奶茶 Iced Milk Tea $21茶味🌱突出，不會過份苦澀；奶味濃厚，口感幼滑👍🏻！凍咖啡 Iced Coffee $22咖啡味頗濃厚，但略微失望在於咖啡☕️比食物失色🤣厚蛋全餐 Omelet Set$34（個蛋好好食🫣）每樣食物都包裹濃郁的牛油🧈香氣；面包烘烤鬆脆，且牛油🧈味香；火腿、腸仔煎得金黃香口；厚蛋口感滑嫩，剖開會流下蛋汁，但不會有腥味🫶🏻厚蛋包 Omelet Bun+鹹牛肉Comed Beef$30面包同樣烘烤鬆脆；厚蛋依然是全神之處😋；鹹牛肉能調味適宜、牛肉味濃郁、咀嚼時能感受洋蔥🧅丁的爽口，但不會蓋過牛肉作為主角🫰🏻。分數：？/10食物🥘：8/10環境🏞️：7/10服務👩🏻‍🍳：8/10價錢💰：9/10總體而言：南灣店交通略遠，要走上一小段路🚸，但環境比普遍的茶餐室安靜，適合閒談📢，食味質素優越👍🏻，可不斷Encore😆。…查看更多

澳門必食之一，早餐之選特登唔去官也街嗰間，因為最多人，同埋只做外賣反而呢間冇咩人之餘可以坐低食，食物款式好似多啲，環境幾舒服添▶️ 厚蛋多士 ($22)可以揀豬仔包、軟包或厚多士個蛋成本字典咁厚🥚食落好香蛋味口感上食到一層層包住咁，做到微微水汪汪juicy嗰隻🤤好正揀咗連皮厚多士🍞食落少少脆 (未去到接近燶嗰種香口，如果鍾意脆可以叫豬仔包)底面都落咗一層厚牛油先去烘烤🧈所以特別香加分位喺成份即叫即整，攞開塊多士個蛋仲出緊煙♨️▶️ 秘製香滑奶茶 ($21)呢度係用玻璃樽裝🥛雖然平日自己比較少飲奶茶，但係覺得呢個茶味幾香，唔會被奶味蓋過口感細滑，而且唔算甜👍🏻-食物果然有質素，名不虛傳，抵佢為澳門必食推介同米芝蓮得獎者見到人哋隔籬枱個茄汁意大利粉好正😍如果下次嚟都可能會試環境舒服，感覺乾淨，座位雖然唔多，但係完全唔使等位！服務都好好，上菜又快價錢合理，同香港茶記都差唔多 (要注意係如果俾港幣佢會找返澳門幣俾你)…查看更多

🇲🇴世記咖啡快餐·雞扒包$32 (+厚蛋$10) l 秘製香滑奶茶$21我哋呢個豬扒包真係勁一波三折 我哋本身第一日已經想食㗎啦 但係行咗兩間分店先發現佢星期日休息🥲唯有第二日食 點知去咗近大三巴啲嗰間分店發現嗰間係無豬 無雞既 所以就決定行黎南灣呢間分店 點知搵勻成個menu又係唔見 問店員先知原來係得外賣店先有豬扒包賣 所以依家全澳門得氹仔嗰間舖頭有🥲🥲好彩佢個厚蛋雞扒包都好好食 佢個雞扒好嫩好juicy 個厚蛋都整得好滑 不過我覺得雞扒都係冇豬扒咁脆身 食落無咁滿足 下次再黎一定要食到豬扒包！🐷另外我哋仲買咗之前都有買過嘅奶茶 佢呢個都幾好飲 茶底好香 而且唔會話太甜 我覺得有少少似蘭芳園個個感覺 好襯個豬仔包🍵·📍南灣南灣湖景大馬路744F號湖景豪庭地下E號舖…查看更多

前幾年嚟澳門都特登食佢，但唔知今次係因為太期待定係點，今次啲質素明顯下降😓 叫咗一個樽仔奶茶，同埋一個樽仔咖啡，就咁飲奶茶覺得有啲古怪，唔係以前嗰隻味🫣 但咖啡真係好香😳 不過最好飲係自制鴛鴦😂 兩條吸管一齊吸🤣 咁樣飲落真係有驚喜🤗 不過最尾奶茶都係飲唔晒😗朱古力奶油西多方塊♦️食落冇咩特別，朱古力味唔太濃，亦唔覺得特別好食🫣 可能普通西多士咁樣一粒粒整仲好食🤤同埋呢度啲員工態度麻麻地，可能因為咁樣一入門口已經扣咗啲分🫣…查看更多

由於澳門酒店太貴唔係好抵住再加上果日又係情人節，所以同朋友決定即日來回澳門食下嘢～掃下街咁就算喇～出發前已經上網睇過呢間店有好吸引嘅厚蛋豬扒包，咁我哋咪book mark 咗一定要try下啦～由於我哋喺外港碼頭果邊落船，所以就去完大山巴打下卡影下相先再去食嘢～去到世紀咖啡南灣店都已經四點幾，加上夜晚想食葡國餐，所以唔打算食太多嘢住，入到店內打算坐低先睇吓餐牌先慢慢叫嘢食啦（因為行到好攰），點知原來唔得嘅…個收銀阿姐就即刻話要落咗單，俾咗錢先可以坐低，好啦，咁咪叫咗嘢食先囉，點知原來藍灣店係無豬扒包嘅…（嗰刻已經覺得好無奈😮‍💨）咁咪唯有叫咗個雞扒包+加奶醬多食下算啦～點知個收銀阿姐就屈我哋叫咗個花生醬西多士…仲大大聲話呢個咪奶醬多囉！（根據茶餐廳嘅menu,多士同西多士完全係兩樣嘢囉🙄）果刻真係覺得個收銀阿姐有啲老屈嘅感覺…🫠唔知係咪因為西多士嘅價錢貴啲啦🤷🏻‍♀️不過好彩食物嘅味道都算唔錯，所以都冇影響到我同朋友玩樂嘅心情，不過下次幫襯嘅時候就會小心啲喇😅…查看更多

隔左好耐無寫，又見呢間嘢隔左甘耐無人寫，多手寫兩筆吧~好嘢，分享下甘囉。我今日就輕食啦，叫左杯奶茶，呢度呢，吾似香港甘，冲埋俾你嘅，自己冲，鐵壺一個，入面係茶，尼度，可以開一開壺，搞下個茶，好讓佢茶香出啲，蓋好，倒轉沙漏，好讓茶在壺內浸多一陣，沙漏完，倒茶入隔渣器，完成。（杯內已有奶，如閣下要小啲奶就要講聲）本人覺得好飲嘅，你地尼到，試試合吾合你地口味，注意下，鐵壺都好熱下。茶講完，輕食，粒粒西多，好得，拿，係甜架，不過配奶茶係真心正嘅。呢度仲有其他嘢食，飯意粉都有嘅。…查看更多

雖然係遊客必食推介，但因為疫情，都係本地人嚟食嘅多。厚蛋治，蛋厚唔駛講，中間心半熟狀態，所以好滑，再加厚多士，女士食肯定夠飽。粒粒花生多，好多人話好食，但除咗個面有威代餅碎之外，其實冇乜驚喜，只係將個花生醬厚多士碎上，所以試過就算。咖啡，普通茶記咖啡，中規中矩。…查看更多

是日過大海去澳門美食節, 美食節要在下午三時才開始, 午餐時段想找個地方食小小野「打底」, 最後決定來這裡, 世記在澳門已是非常出名的老店，招牌菜就是一味厚蛋治。店子的舖面也不算大, 店子採取半自助形式，食客要先到收銀處, 揀好心水項目後便落單及付款, 點完菜後, 餐廳會給你一個號碼牌, 當食物做好後, 會由店員跟號碼送上。必吃項目是厚蛋治，今次要了午餐肉作為配料，用厚切的麵包中間夾了厚蛋和午餐肉, 蛋煎得夠厚，也夠嫩滑，還保留大量蛋汁，午餐肉煎得表面微脆，配合厚切麵包同吃, 效果非常好。飲品方面, 點了瓦煲咖啡, 以樽裝形式送上, 飲落夠滑也夠濃。店子對正南灣湖公園, 食完後便到南灣湖公園休息一會, 再去澳門美食節。…查看更多

同男朋友過澳門慶祝佢生日，佢帶咗嚟呢間世記咖啡快餐，佢話之前嚟過，好好食要帶我嚟試吓。香腸、火腿、厚蛋、鮮油多士喺香港比較少食到鮮油嘅牛油多士，通常都係普通油多，鮮油嘅話就多數係嗌鮮油菠蘿嘅菠蘿包入面先有。呢度嘅牛油多士就夾住一塊好厚嘅牛油，鍾意食牛油嘅話實夠哂喉！招牌厚蛋就唔同香港食開出名食炒蛋嘅茶餐廳嗰種滑蛋，形狀似係個omelette咁卷住咗，但又好滑好香，值得推介！咸牛肉麵男朋友就揀咗食佢招牌嘅咸牛肉，配埋公仔麵呢啲邪惡既食物一齊食，簡直係極品！熱奶茶值得一提嘅係佢嘅熱奶茶係好得意架，佢嘅茶係用不鏽鋼小茶壺上，然後俾埋茶隔放咗喺隻熱飲杯上面，再俾多個漏斗你，要你等到個漏斗漏完先沖啲茶落隻杯度飲，make sure啲茶夠味凍奶茶呢杯凍奶茶值得一讚嘅地方係，佢係用咗牛奶樽裝住架，而且係成支雪凍無加冰，加分加分！…查看更多

世記咖啡, 一定係澳門必食推介。強烈建議一定一定一定要食。(重要既野要一定要講3次)花生奶油方塊必食，其實食材好簡單，但係熱辣辣出黎真係好好食，同香港既奶油多唔同，呢個方塊好軟熟，奶油又唔係死甜。如果唔係仲有下一餐，必定會再食。樽裝奶茶朋友喜歡飲奶茶，呢個同香港某連鎖店既冰鎮奶茶差唔多，不過呢個係33度既高溫下飲，好似特別好味，特別爽。鹹牛肉厚蛋包又一必食，厚蛋有蛋味，又滑，鹹牛肉同蛋既配搭真係不得了。佢可以選擇包或者多士。下次一定要試多士版。呢間南灣店又靜又舒服，服務又好，同旅遊區果d相比，呢間仲有得座低，人唔多可以慢慢食，真係值得推薦。我見到旺區果d外賣店真係好多人，下次大家試下呢d 比較local 既分店，你會鍾意。##### 留意，世記咖啡每個星期都有休息日，記得查清楚先好去######…查看更多