三元粥品專家

營業中

休息中

這天的早餐, 選了吃粥, 就在三元. 環境當然是一般, 但要吃環境的, 也不會來這裡. 已過了本地人吃早餐, 來的時候, 人不太多.這裡只有粥吃. 價位來說, 不算便宜的, 最少也要$17一碗. 就要這裡最出名的兩種丸粥: 著名豬肉丸粥同埋巧手牛肉丸粥.著名豬肉丸粥: 8分, 手打的肉丸係這裡的名物, 豬肉丸吃落口有鮮味, 大大粒, 不俗. 但粥底就只係一般, 水汪汪的.巧手牛肉丸粥: 8分, 至於牛丸, 也一樣的精彩. 兩個人將丸分吃, 就變成一人一碗金銀丸粥.或許人家很愛吃酒店的西式早餐, 但小弟就喜歡這家地道小店.著名豬肉丸粥 $17 + 巧手牛肉丸粥. $17 = $34

我是澳門人, 現在的三元粥品其實已經不是原先的了, 以前是由一位老伯經營, 樓面, 打肉丸滾粥和切魚片的都全部係男人, 幾年前轉手給現在那位女仕經營, 質素只能達到以前的7成左右, 以前的牛丸和豬肉丸比現在的更大, 更圓, 更彈牙, 更有豬牛肉的鮮味, 肉丸太散了, 現在的粥底太杰了 , 有時似糊仔, 有時佢地預先煮定D肉丸, 所以有時D肉丸會"鞋", 如果你地食到以前的三元粥, 包你地話冇得頂, 唔信你地可以問下附近的老街坊。

上星期五進行左澳門2日1夜之旅...此行目的主要食同睇show三元粥品係是日第3餐 -- 霄夜睇旅遊書介紹之後上黎openrice睇過食評再加上近酒店...所以決定黎呢度食霄夜同bf兩個叫左2碗粥....豬肉丸粥+蛋....好多粒丸...同大粒....搞碗粥時差d整瀉不過出名的豬肉丸無乜特別話好食...之後食左一粒牛肉丸發覺好食好多...好有牛味...haha....不過可能夜o既關係...油炸鬼賣晒....

初初知道佢只係開早市同晚市，心諗唔通佢真係唔憂做?!食完之後，心服口服！我同朋友兩個一個叫左豬肉丸粥，一個叫左牛肉丸粥，自制雙併~因為爆場，我地坐左響一入門口第一張，雖然同個爐都有幾個身位，但係都覺得幾熱，真係佩服阿姐佢一邊對住幾個爐，一邊叮叮噹噹咁用個"更"打肉丸，阿姐！佩服!!!豬肉丸粥：都唔係好似d旅遊書咁講得咁大粒jei，比起平時既肉丸粥大粒左些少，咬落去不得了！真係彈牙又多汁～！一d都唔鞋口，正！！粥底又綿又鮮甜，因為佢一pen粥落左好多粒肉丸一齊滾，幾碗一齊煲，所以特別鮮甜牛肉丸粥：又係彈牙又多汁～不過比起豬肉丸，呢個就鞋左些少，同埋個粥底唔夠豬肉丸o個個鮮甜，朋友話：都係同一煲jei～　嘻嘻！諗落又係喎，之但係我真係食到唔同丫嘛！豬肉丸粥真係好味d哩！品嚐美食之際，見到有個哥仔勁催單，阿姐都同佢講左幾次話佢個碗要九粒牛肉一齊滾，要全熟先可以比佢，一定唔可以急，講完之後阿哥仔都係勁催，個阿姐話:你等唔到就唔好食啦！ 阿姐勁型！

再來回味肉丸粥，仍然味鮮，肉丸大粒且多，加了蛋更添香味，加蛋的肉丸粥售十九元。兩次來都不是繁忙時段，可悠悠閒閒的吃碗粥，很好。

第3次去三元,but係第一次吃佢d粥..點解?好簡單lo,因為之前電視效應,好多遊客去,排晒隊,所以一直都無試...哈哈,今次終於俾我試到lo,叫左碗金銀丸粥+egg...19大元碗粥就咁睇,無咩特別,吃左1啖粥,普通貨色,如果只論粥底,的確不值推介..不過,三元的買點就在於佢的肉丸,真係好好吃,比其他店的多肉汁,入味,5係一舨打邊爐的死實實ge豬肉丸牛肉丸lo..值得一試gaPs:其實只egg可加可不加,對味道無咩大作用呢

這次澳門搵食之旅來到最後一站，係時候食粥品清理一下腸胃，走到了福隆新街附近的三元粥品，甫到涉先到廁所解決生理需要，路過廚房時巧遇阿姐正在手打肉丸，聲聲鏗鏘有力，情況有如電影 <食神> 雙刀火雞般，幸口水沒有連帶流出，但已令我印象極為深刻。既然手打肉丸吸引，當然來碗金銀丸粥，金銀分別為豬肉丸及牛肉丸，果然彈牙非常，沒有令我失望，其中牛肉丸跟香港平時食開的有點分別，肉質絕不會硬梆梆的，而且淡淡的散發牛味，夠晒特別。食靚粥當然要跟油炸鬼，雖然不算新鮮，但尚算外脆內軟，與金銀丸相映成趣。後加的紫薑皮蛋，又是一道醒胃小菜，小弟對紫薑沒大好感，但皮蛋則相當受落，味道也值得一試的。埋單時老闆娘話好食既就介紹下，唔好食就唔好講喇．．．難道搵食能手身份敗露了嗎

我總以為，自己是從某免費日報的專欄作家梁家權先生處知道這間粥店，直到今日翻看來澳以前買的旅遊書，才知不然。點了一碗細金銀丸粥。金銀丸即豬肉丸拼牛肉丸，細即表示沒有加蛋──我是不想給蛋擾亂味蕾，嚐不出粥底的味道。非繁忙時間，雖然粥是逐碗煮，但很快就來，共有丸六粒，比起其他生滾粥店，也不算很太碗。粥都算綿，起碼似沒有加工過，但可以更好；豬肉丸口感略實，鮮味不太夠，似一早搓／唧（？）定，肉汁似有還無，無論鮮、味和嚼頭比不上我平日去開的在黑沙環的那兩間粥店（見另文）；反而牛肉丸就有驚喜，因亦很少粥店會供應，尚有牛味及有嚼口，但欠鮮味，平心而論也不算很突出。油條有點過氣，不過飽肚。開在這地段都只賣十六元，便宜。靚姐都算問必答。以粥店論算整潔。味道無敵？留給大家評定。順路都會來食，否則不會捨近（又好）而圖遠。

過年行大運, 去澳門行一轉, 今次旅程想試些未吃過的東西, 晨早訂了早船, 咩都唔食就黎試早餐 - 熟食中心, 可惜沒有營業, 於是在附近找了它 - 三元!我們到時剛好排第一個等位, 看了看, 裡面好迫, 只供應粥, 幾個嬸嬸侍應忙到寫得野時又要抹枱, 不過, 佢地好有個性, 做野有次序, 佢會一步一步黎...然後先會幫你落單, 抹枱! 我們一人叫了一碗粥, 肉丸粥 - 肉丸五粒, 不大不少, 肉味唔濃, 粥底唔夠綿, 魚片肉丸粥 - 我見啲魚片係放在碗底生灼的, 可惜粥唔夠熱, 眼見老公食既魚片仲紅紅地...會唔會有蟲嫁? 油條只用來送粥, 不談也罷, 不知是否假日, 吃不到食評中的水準, 有望下次再品嚐吧!

難得到澳門一日遊，咁梗係要食盡當地美食！睇返阿蘇去遊澳門嗰時講過呢間三元粥店，仲要大讚，咁我又梗係去試下啦。夜晚九點幾去到都有幾枱客。坐低唔使諗，即刻叫咗牛丸及朱肉丸粥各一碗﹗個伙計會問你加唔加蛋，我冇加，我朋友就加咗一隻﹗蛋係生打落碗粥度，粥到時一撥，仲可以見到未變色既透明蛋白﹗粥煲得好綿，試咗啖粥，果然夠香夠杰﹗粥底好靚，而肉丸既份量亦好多﹗兩款肉丸都係新鮮肉制成既，豬肉丸用半肥瘦豬肉所打成，仲依然可以食到一小點既肥膏喺當中，尚算彈牙﹗牛肉丸亦同樣新鮮彈牙，亦比豬肉丸少好多脂肪，但人嚟講就比較喜歡牛肉丸﹗其實我個人認為呢間粥店之所以好評如潮，都係因為香港人食得太多合成食物，好少可以喺粥店食到新鮮炮製既肉丸而已！老實講，呢間肉丸既味道只係不過不失，因為我喺另一個地方食過比佢更好既肉丸(都係指粥店)！

一月上旬澳門之旅旅遊書內看到黃金粥，金黃色澤確是吸引，但拍得麻麻而Caption沒說什麼，真是耐人尋味；深宵時份抱著求真的心態來一試，好歹也要找出答案。寒冷天下不少客人專程來吃粥，明檔師傅在拔肉丸做生滾粥，又看看四周，碗碗都是金色的粥，看樣子不是玉米粥，靚姐說雞蛋粥，窩蛋飯吃得多，窩蛋粥也是首見，就要了碗肉丸粥。期間靚姐不是落單，就是將一桶桶的粥運到明檔，四個煲同時間滾著，稍等一會有得吃，粥滾好後打了隻雞蛋，粥底夠熱蛋白很快變成蛋花，快手撈勻來吃，白粥煲得開花，不算綿，在滑蛋作用下，吃起來滑了一點味道也豐富多一點，肉丸鬆腍吃起來新鮮紮實，不錯。吃了碗暖笠笠的金黃粥，走前不忙影下些照片，印象最深的是三．五元二兩的九江孖蒸，很有濠江風味的平民粥店。

睇完阿蘇推介，星期日o黎到澳門既第一餐選擇食肉丸粥，因為佢早市做7:00-11:00am，遲左就要到夜晚7:00先再開o架啦。因為怕太飽影響之後既美食之旅，3個人淨係叫左豬肉丸粥、牛肉丸粥 同埋油條~豬肉丸粥: 好味，裡面有肉汁ga牛肉丸粥: 好好味，個人鐘意牛肉丸粥多d!!油條: 好軟，唔脆，唔知係咪因為有個阿姐係幫手cut定放晒起度既關係呢不過d肉丸粥真係掂wor，要試下!!

食肉丸粥, 我推介三元, 真正無人能及. 新鮮肉丸, 咬落肉汁四溢, 一個字講哂, 正!不過唔好貪心, 唸住食及第粥多D嘢食, 其他雜嘢一般.鮮牛肉粥都OK, 記緊要加隻蛋, 味道夾到不得了如果淨食粥太寡, 加條炸麵或加碟魚片都GOOD

呢度雖然店仔細細，但打從我第一次食過之後，我已經不能自拔la~~每次黎澳門，無論幾趕幾唔順路都好，我必定會黎整番碗"大金銀丸粥" ("大" 即係有蛋打係個粥度)...真係冇得頂咁好食~~d肉丸好彈，好有鮮味，d粥加埋隻蛋又香又滑，真係冇得頂架~~~下次去澳門都必定會再去!!!

粉腸肉丸粥 ($17) 十點幾去到,雖然是星期一,但仍然是坐滿客人,肉丸咬落有肉汁,不會像凍肉店的豬肉丸般很重味精及死實實,粉腸尚可以,只是有時會有一、兩舊食落口有苦味!但係個粥底就真係麻麻地,粥底應該不是白米煲爛而成,而是磨碎白米煲成,食到中途碗粥已水汪汪肉丸就一流,粥底就……