陳光記飯店

澳門人都推介既黑椒燒鵝。 香港既燒味飯食得多，澳門既反而未試過，所以一定要會一會佢。黑椒燒鵝既係陳光記既招牌必點菜式。但今日我地食既係..........黑椒燒鴨因為價錢都有好多既分別，而且我地對鵝亦無追求，所以平平地試左個黑椒燒鴨飯同黑椒燒鴨瀨粉。黑椒燒鴨飯本身唔係好鍾意食好多汁既野，心LUM唔記得左叫阿姐少D汁︿飯黎到發現汁有好香既黑椒味, 而且一D都唔咸，真係好好送飯。而黑椒既味道亦都好適中，食到停唔到口。鴨一D 唔"梅"。 份量我覺得男仔都會夠飽。而且呢個價錢真係性價比好高。黑椒燒鴨瀨黑椒鴨唔再講喇，反而想講下果D瀨粉，同香港食開果D一D 都唔同，佢係好似粗身版既米線咁，但爽口彈牙既。都好好味###其實鴨同鵝對我黎講分別不大，但價錢真係爭好遠，如果對燒味飯有要既可以試下鵝既，但如果想試下黑椒既味道，食鴨就可以###…查看更多

其實香港好似都有陳光記，我住係香港都冇試過。咁啱黎澳門玩兩手，緊係要黎食啲地道嘅葡國菜，但成11點咁早，邊有葡國餐廳開門。落船就搭咗啲發財車黎到新馬路附近搵餐廳醫下個肚仔先再去玩啦。就係咁就俾陳光記啲燒味吸引咗我行入去。好采因為閒日同埋早到所以都冇乜人。擺燒味嘅食店黎講，個環境都算係乾淨嘅，啲員工都幾好笑容，幾有禮貌嘅 。一黎到有俾杯水俾我地，加分好啦，咁食物呢我地就叫咗兩碟黑椒燒鴨飯。講真好正，好重黑椒嘅香。正呀正呀  淨係得燒鴨邊夠架，我自己就鐘意食多菜少肉。所以就叫咗碟油菜。我地以為係一碟少少菜咁，點知黎到咁大碗。附上餐牌一張，其實都幾抵食…查看更多

趁着聖誕假期去咗澳門一趟，聽人講呢間陳光記好出名，就特登搭車去食。一去到門口就排晒長龍。堂食就要排，外賣就唔使。買外賣嘅人10分鐘左右就買到。不過，我哋諗唔到去邊度食所以就排隊堂食，叫咗一個最出名嘅黑椒燒鴨飯，同一碗淨雲吞。個黑椒燒鴨飯＄38，燒鴨都幾多，飯都好大份，足夠一個成年男人食飽。最重點係佢個黑椒汁，唔係剩係得辣味，食落有啲甜甜地，好啱送飯食，值得一試。但係，佢嘅雲吞就麻麻地，個皮好厚，而且一夾就爛，味道普通啦，可以唔洗試。值得一提嘅係，鋪頭嘅員工好溫馨，有講有笑。隔離枱有個人留低左個袋，個員工就大喊，係咪送聖誕禮物俾我哋啊，唔記得拎野啦。頓時覺得間鋪頭都幾有人情味。…查看更多

"斬料、斬料、斬大嚿叉燒，油雞滷味樣樣都要，斬大嚿叉燒......."。來到陳光記，除了叉燒要一試，還有在香港嚐不到之黑椒燒鵝的獨有風味。陳光記陳設如同一般燒臘飯店，圓桌分左、中、右三行擺放著。踏入店內，一股濃濃的肉臊味瞬即傳送到鼻子裡。店舖右手邊的燒味檔掛著各式燒味，還有擺放著厚大、渾圓的大砧板，叉燒或燒鵝就隨時肉隨砧板上。左手邊就是準備湯、粉、麵、飯、油菜或其他熟食的地方。除了肉臊味，還留意到地上遺下不少紙巾及碎骨頭等，認真夠 "風味" ！！？燒臘當然是必試的項目，還有水餃、雲吞及幾款小食可供選擇。不過老公和我下午二時多才到達，錯過了午餐的黃金時間，故大部份熱門食品未能及時於午市後補充，例如我們欲試的鵝紅菜，最失落的就是連馳名的黑椒燒鵝也沽清！燒鵝是燒臘中我最喜愛的，唯有退而求其次，選擇了第二位喜愛的叉燒，一向喜歡湯麵多於米飯，於是要來了一碗叉燒湯麵。叉燒沒有染上鮮艷的紅色，但在自然的肉色中可見八分瘦、兩分肥的比例。入口豬肉香氣豐厚、質感非常鬆軟、帶有適度的脂香、嚐得到百份百優質梅頭肉的細嫩，美味之餘也倍感健康。至於麵條，只屬一般的全蛋麵，煙韌度與蛋香甚為普通。沒有燒鵝，唯有選擇擁有同一味道的黑椒燒鴨，燒鴨的風味當然不能與燒鵝相提並論，不過為一試黑椒運用在燒臘身上的效果，未嘗不是一個妥善的解決方法。未試燒鴨前，老公讓我先嚐一口米飯。沾上少許燒臘汁的米飯，仍能透出自身米香、爽口中帶軟滑，加上盈香而不油膩的燒臘汁，米飯竟意外地吸引。黑椒燒鴨鴨皮脆香，如叉燒一樣，肥瘦適中，油脂剛好帶出香氣而不覺油膩，最特別的是鴨肉中蘊藏了一股濃郁的燒烤香氣與惹味的黑椒味道夾雜其中，令燒鴨的味道透出獨特的風味。每一張桌子都刻有陳光記的標記，認住它等同獨一無二的黑椒燒鵝的認証。雖未能嚐到黑椒燒鵝的風韻，總覺有點遺憾，但幸好仍能一試黑椒與燒鴨譜出如斯美好的效果，已覺不枉此行。…查看更多

在澳門逛了一整天，未知是否天氣悶熱，兒子竟說有點頭痛，沒有胃口吃飯。記得數年前曾在這裡光顧一間燒臘飯店，那裡最有名的就是獨創黑椒燒鵝和燒鴨，決定帶兒子到那裡吃碗瀨粉。從葡京飯店步行，大概走 15-20 分鐘，首先看到在巷子裡的瑪嘉烈蛋撻店，附近就可以找到這間「陳光記飯店」。據聞這家燒味店內所有燒臘均為自家製作，其中燒鵝需經入料、上水、打氣、風乾等程序，才入爐燒約 40 分鐘，所以出爐的黑椒燒鵝，肉質香濃可口，而且每天鮮鵝來貨不多，每到晚飯前便沽清。我們到達店舖時約下午六時半左右，光顧的食客已人頭湧湧，絡繹不絕，幾乎坐無虛席。甫坐下，服務員便先附上一杯茶，原先想點這裡的招牌燒鵝，可惜早已全部售罄，唯有退而求其次，改選了黑椒燒鴨飯和瀨粉各一。黑椒燒鴨飯 ($25) -- 這碟黑椒鴨飯看上去非常簡單，沒有其它的配菜，就只有白飯跟黑椒鴨。這裡所炮製的黑椒鴨，外表看似油膩，其實口感頗為特別，燒鴨肉質肥美，入口即化，香濃可口，肉汁豐富。至於遍佈燒鴨表面的黑椒粒，吃下去口感微辛，味道全滲進鴨肉和骨裡去，簡直骨肉齊香，不像北京烤鴨般，好吃僅在鴨皮及調味醬，所以風味獨特。據店員稱，由於這裡的鴨肉味道濃郁，店內不會提供蘸醬。除此之外，燒鴨外皮也烤得夠香酥，吃起來味道跟坊間的燒臘口感截然不同，尤其是鴨肉混和着的黑椒味，令人越嚼越覺骨酥肉香，汁鮮肉嫩，但如燒鴨單吃會有點過鹹，反而用來配飯吃就剛好了。黑椒燒鴨瀨 ($25) -- 這個燒鴨瀨，燒鴨同樣出色，外皮香脆油亮，鴨肉肥瘦適中，不覺油膩，粉嫩多汁，肉味較重，而黑椒粒粒夾雜在烤鴨上，味道鹹香辛辣，十分惹味。反而值得一提的是這店所採用的瀨粉，並非慣常見的色澤呈半透明狀的瀨粉，而是選取了廣州式呈米白色的瀨粉，兩者分別在於後者所用的材料品質較佳，成本亦較高，所以做出來的瀨粉口感及柔軟度亦較出色。至於這碗瀨粉，入口柔軟順滑兼富彈性，湯底以燒鴨的骨殼煮成，骨頭上的香料和鴨油盡滲到湯內，混和着瀨粉同吃，咀嚼時綿中帶有韌性，香味惹人，口感極佳。…查看更多