葡國美食天地

營業中

休息中

五月二日，到澳門玩樂，見識到新馬路的人山人海，避開人潮便過氹仔搵食，雖然冇預訂，但排隊 walk in 也成，一於在此開餐。二口子食量不大，故此只點了馬介休球、燒羊扒、燒𩶘魚及一杯生啤便算了。馬介休球雖然叫做球，但呈長條形，和其他的餐廳所供應的球形不同，但是一吃下，正啊，味道調教得不錯，也吃到了碎了的馬介休，加上熱度未減，好吃！羊扒有4件，加上配菜，份量十足。本來要五成熟，可以上碟一看，燒得太熟了，除了在最厚處的內部尚有少少粉紅外，其餘全熟。還幸味道不差，羊騷味很少，肉質細嫩，蘸了隨上的薄荷，配合得宜，替過熟的羊爭回不少分數。燒魚是平實的烤熟，加上了點點海鹽及檸檬汁，魚烤得啱啱好，魚熟而皮不會太燶，鮮魚味道充盈，Good!食飽飲罷，滿意而回，全餐連加一要$475，算是物有所值了。

假日到澳門HEA遊, 話明HEA遊自然就晏出發了!落船黎到店前已2點半, 未留意到店3點落場就衝左入去, 店員未有阻止, 只在我坐低後提一下廚房是2點45分LAST CALL, 才驚醒原來人家3點要落場, 紅都面哂, 不過坐低左照食啦!又因為晚上有豐富buffet dinner, 於是保守地只點了大部食家都讚好既馬介休球和海鮮飯, 因趕住收工價錢都無咩睇了。呢度係無水提供的, 要自己叫, 於是叫支貴水黎飲(好似係$38), 但又好配d野食, 都值得。先來個豬仔包既餐包 個包無論係點小心食都會食到成枱都係碎, 幾硬下, 配湯食應該好正!再來係馬介休球, 一碟3粒, 就咁睇外表無咩特別, 一咬入面熱到出哂煙! 薯蓉唔會太多, 食到絲絲既馬介休, 好味!而海鮮飯意外地份量大, 紅色大兜令成個感覺更有異國風味。橄欖擺放到好似個樣咁xdd可能個廚就黎收工心情好~哈哈飯入面有大量青口, 蝦, 魷魚等海鮮, 2個人食完飽哂!不過仲可以去峰大飲杯咖啡~睇黎要試多幾個菜要搵多幾個fd黎先得lu~~