榮暉咖啡美食

來得呢間老字號就緊係要食「雞湯米」啦！之前已經來過幾次，今次就帶埋朋友一齊再嘆。而我地到達個陣都已經接近九點，所以好多位唔駛等。因為無BB座椅嘅關係，我地揀咗坐卡位。今次我地四大一細分別叫咗：雞湯米、花椒羊肉湯米、天麻川芎魚頭湯飯炸雞中翼、炸蝦餅、炸雲吞以上三款湯米及湯飯其實味道唔錯，而且用料十足，之但係我地就唔係好明點解啲湯底都係甜甜地。雞湯米雞肉鮮嫩彈滑，配有蘿蔔、黑木耳、紅棗、杞子、冬菇等令湯底更鮮味，湯底雖然似藥膳，但帶點甜，所以小JM都喜歡食。花椒羊肉湯米羊肉食落有啲似牛肉，無羶味，但夠爽滑。天麻川芎魚頭湯飯足料嘅魚頭湯飯！成個魚頭上，不單止唔腥仲好嫩滑添！（係我自陀小JM以後第一次再食返魚頭！）湯底除左天麻川芎之外仲有桂圓、紅棗等，所以亦係帶甜。比平時飲開嘅天麻川芎魚頭湯有唔同，藥材味無咁重！炸雞中翼、炸蝦餅、炸雲吞呢三款炸物亦係值得一試之選。雞中翼炸完內裏肉質依然係好彈好滑，外脆內軟嘅感覺一流。蝦餅皮脆足料，蝦膠爽口仲有粟米嘅香甜。而炸雲吞就有原隻嘅蝦係入面添架！（雲吞係特登趁收爐前炸，所以特別新鮮熱辣添！）…Read More

澳門另一樣出名既野食：雞湯米，今次到賴生帶屈小姐去試下，享受下澳門既特色地道美食！為左隆重其事，賴生搵左Mr. O同Mr. Google大神2位通力合作，成功搵到呢一間《榮暉咖啡美食》（好耐之前賴生曾經比妒忌既(?!)Mr.O跣過一鑊）拖住屈小姐周圍行，周圍去，間中停低幫佢影下靚相，呢種生活好relax呀! 屈小姐面上既笑容滋潤住賴生既心靈，感覺好幸福呀！雖然行左好多路，但屈小姐毫無怨言(因為係佢時時刻刻都諗緊下站去邊度食好西) 有妳真好行行下就到榮暉啦！一間普通茶餐廳既外貌~ 不過店員服務超好！一黎就比我地坐卡位，奉上2杯熱茶，即使我地2個人share食一碗麵同一碟菜，佢都超好招呼，仲主動拎碗仔比我地好貼心！招牌雞湯米 （4.5星）- 勁大碗，有米粉，4件大雞件，冬瓜2件，紅棗，杞子同荽茜！好足料！- 湯頭好甜！有少少藥材味，配米粉食好夾，只係略微有點油 (始終係雞ma~)- 雞好好味！入味得黎肉夠彈同實！應該係新鮮雞黎架- 冬瓜好淋好入味！勁甜芥蘭 （4星）- 好大碟！值得食~屈小姐食得好開心呀！證明佢好滿意！呢餐好味得尼又平！Yeah!# 去旅行都要食下菜既~#用心爲妳挑選#只為了讓妳快樂#成功…Read More

是日是珠澳4天的最後一天，黎得澳門又點能夠5探下榮暉呀!喺橫巷中 左穿右插，終於黎到了十月初五街中不太起眼的一間玻璃門面舖位!走入店中，位置坐滿人群，明明是平日，人流依舊熙來攘往，等了一回，有人離開，坐下舒適的卡位!不用多說，原汁原味雞湯米一碗!menu清晰可見，雞湯米在第1位，並他都有幾款不錯的，下次留肚再戰!不消十分鐘，雞湯米隨即送上，材料真豐富，用上原隻隻鮮雞煲了許多小時的濃湯，再奉送許多木耳、冬瓜、杞子、紅棗、青菜等等，一碗營養爆燈又健康嘅米粉可以令你流哂口水!煮濃味野5難好味 但寫清淡派的菜式都幾巧功夫，太淡，又喪失了令人想吃的慾望，太濃又蓋上其他茶的味道。呢碗湯，味道恰到好處👍👍👍鮮得來帶甜，甜得來帶點微咸，相信集合了所以材料的精華所造出的味道!啲木耳好爽口，而冬瓜好淋好入味，與湯底的味合二為一，可以直吞不用咀嚼😉杞子同紅棗5會因為煲過喪失味道，依舊甜蜜，依舊補身雞肉才會重頭戲! 原雞斬件，所以每個部份你都有機會派到，呢碗有一些雞胸及雞腳，雞胸5算太鞋口，肉質能撕開 5會太老，可以嘅!雞腳好彈牙，不過有少少實左啲，應該分開時間烹煮!米粉索哂雞肉嘅精華，令平平無奇又淡而無味嘅粉都鮮滑溜口! 越食越開心，又香甜 又帶點白米味~2個人滿滿足足後離開，繼續覓食~…Read More

睇咗食評都介紹雞湯米話正, 即管去試吓。但其實仲有好多唔同款式湯米, 例如: 縲肉米, 川弓魚頭米等等.... ,都有差不多兩頁嘅款式選擇!我哋兩個人坐底叫咗雞湯米, 豬扒豬仔包同凍檸茶。先嚟雞湯米, d料真係好夠份量, 雞肉有好濃雞味, 一定唔係雪藏雞, 再配埋d杞子, 木耳, 冬瓜, 草茹嘅藥材湯底, 連湯都可以飲埋!豬扒豬仔包 - 係用硬豬仔包好香脆, 豬扒仲有兩塊! 雖然無加任何配料( 如: 茄汁, 菜, 洋葱)係就係淡咗少少, 但都ok嘅!凍檸茶 - 就係要自己加糖水嗰種,:( 都係"港式茶餐廳"嘅凍檸茶好飲好多!…Read More

十月八日 (星期五)老公仔快要返新工接受新挑戰前,來澳門輕鬆一下今次澳門之行想一試以前未吃過的...來到十月初五街這裡名店臨立,我們從旅遊書中挑選了其中的兩間一試究竟第一站是榮暉看一看食評,就知這裡的招牌菜是雞湯米老公仔是愛吃雞之人,自然不會放過香濃鮮雞配清湯底雞肉嫩滑,但略嫌多骨(也可以說是少肉)總算是不過不失之作我的煎雞扒套餐反而有驚喜雞扒煎得香脆而沒有一點濃是有一點點油膩的,但仍算可以接受配上腸仔和哄底的多士,很早餐feel的套餐呢吃罷埋單,即往另一站進發~…Read More

丫蘇介紹~~就黎食下 ~* 雞湯米 . 味道唔錯 , 不過有D杞子係度~我個人就唔係幾中意* 芝士咸牛肉多 :) 呢個好好味丫 ~!!! 烘得岩岩好 ~ 好脆 , 正丫 * TUNA魚多士 , 本身應該好好味..但係佢入面加左小小花生醬 , 成件事好奇怪.... :(* 重有可以試下佢D豆漿 ~ 幾有豆味 ;)…Read More

之前聽朋友講, "榮暉"的雞湯米好正, 叫我們過澳門必定要去試一試。在"阿蘇"的節目亦介紹過這餐廳。雖然當天天氣不是太好, 而且我的身體有少許不適, 但既然一場來到, 一定要去試一試。這裡的環境的而且確是一間茶餐廳的格局, 餐牌內亦有茶餐廳的食品供選擇, 侍應的招待亦是一般茶餐廳的招待, 價錢方面, 同樣是茶餐廳的價格(以出品的質素來說, 這個價錢真是超值!)。我們叫了一碗雞湯米和一碗川芎白芷魚頭湯米, 一看已知兩碗湯米的用料充足, 包括冬瓜、杞子、紅棗、莞茜、木耳等, 一點也不欺場。雞湯米湯底用料足, 味道香濃, 的確不俗。但再試川芎白芷魚頭湯米, 發覺雖然好像沒有雞湯米那種濃濃的雞湯味, 但藥材的味道加上魚頭的清香, 卻是另一種的滋味。我個人則比較喜歡川芎白芷魚頭湯米, 除了湯底好喝外, 魚頭的份量也不少, 喜愛吃魚頭的人士一定不可以錯過這個:)!…Read More

去到澳門第一站就係醫肚，同事帶我哋去食雞湯米出名嘅店，由於我唔太肚餓，所以我點了豬扒包，其他人就每人一碗雞湯米，再加上一碟炸雲吞、炸蝦丸、炸鯪魚球、每人一杯飲品。雞湯米大家話唔錯，藥材湯底，大大碗，只賣MOP20，都十分抵食，炸丸方面，有杏仁一起炸，同事話杏仁搶晒味道，蝦味唔突出，魚丸反而好啲，炸物中就以炸雲吞比較有水準。而我所點的豬扒包，薄薄豬扒妨如肉片，唔突出，一般，而之個豬仔包我認為不錯，脆口。店舖都幾多人，雖然多位，可能星期日，滿滿的，但較迫，侍應都有禮。…Read More