梓記牛什

趁聖誕假期過大海食食食！聽朋友講營地街市三樓熟食市場有間叫『梓記牛什』超正！上次10月過去時想去食...但上去到18:30竟然已經收咗舖！所以呢次中午一落船就即刻過去食！雖然去到人超多...幸好等咗10分鐘就等到枱。因為諗住之後再去食其他嘢，所以我哋只係點咗一碟淨牛什(MOP50)、同一碗咖哩雞翼米粉(MOP23)！一碟牛什有幾件牛肚、牛筋同牛腩...份量吾太多...但真係好好味...煮得好入味好林！咖哩雞翼就比較一般！…查看更多

雖然知道百老匯美食街加盟了梓記牛什留在路氹酒店區就可以食晒所有美食😏不過個人都是喜歡去老店夠地道風味🙈就在議事亭前地附近位於營地街市綜合大樓三樓的熟食中心像香港的熟食中心一樣有不少澳門隱世美食😋七十多年老字號新鮮牛什專家—梓記牛什在綜合大樓開業已有50多年歷史 是澳門馳名牛雜店其中之一連蔡瀾、蹈蹈、阿蘇的美食節目都有介紹過可見其牛什烹調有返咁上下功夫😎店家賣的全牛什 各式各樣的牛內臟都有😳牛蒡、牛肺、牛腸、 牛肚、牛脆骨、牛筋、牛粉腸等都一應俱全我和朋友點了一碗淨牛什走腸（$50）二人share食老闆還問我要唔要蘿蔔 當然好啦！😏店內有3種調味料提供：黃芥辣、蒜蓉辣椒醬和辣椒油 可自由添加老闆見我不斷拍照還介紹說：「食牛什配芥辣及辣椒醬就最岩key！😏」本來唔鐘意食芥辣的我 食落又覺得的確添加了幾分惹味！😋以價錢來說其實都算合理！平時在香港食淨牛什都是差不多價錢🤑不過份量略嫌太少😟但勝在用料新鮮 而且清洗得頗乾淨 牛什沒有多餘的內臟味 件件都炆煮得入味又保持原有的牛味🐄 湯底也散發陣陣牛什濃香味據聞牛什這麼入味都是因為梓記湯底是以牛骨、牛蹄來熬製 所以湯底十分清甜☺️牛筋腩烹調得出色 筋位軟腍黏口 肉質炆得軟腍 可惜只有一件😟完全唔夠喉😫牛膀帶一陣膶香的味道 牛肺富有質感和嚼勁如果喜歡食內臟的朋友必試呀！🙈堅正！…查看更多

我地坐低前，先喺市政行個圈。俾我呢個牛魔王見到有牛什食，重要啲五香味好濃，我一定要試喇姐姐手起剪落，企喺度等都聞到好香淨牛什 - 有牛肺、牛膀、牛腸、牛皮、牛肚、金錢肚，其實我大部份都食過晒，除咗牛皮，我等期間有個姨姨行去再買牛什，佢開聲話個牛皮好好食，我就好期待，一食，無我想像嘅韌……而係膠質非常重，真係好特別，其他牛什，全部都滷得好入味，正…查看更多

八號風球蓮花走咗，第日有要事要去澳門攪，完成後滿心歡喜去試呢間我一宜想食到嘅牛雜，仲要係平日冇人排隊，嗱嗱聲買番碟牛雜先。不過見到個份量超細，只有一隻咖啡杯咁上下size嘅碟盛住，成好似$48，好貴吓。諗住好食冇所謂啦，第一舊牛根硬到呢⋯⋯，而且成碟牛雜都好咸，超失望！後加一碗鴨血反而仲比牛雜好，加咗一匙佢哋自製辣椒油，都幾好。…查看更多

和朋友過來行下食下，一落船立刻過來食野。因為佢睇電視多介紹話好食，就來試下。店子在街市綜合大樓3樓，有好多不同的小店。旁邊好多位可以自由坐，私先安頓好朋友就立刻去買野！我相信此店是大樓的王牌，早上也十分多人排隊食牛什。電視的影響真不能睇小。佢其實係車仔麵店一樣，有其他食物加麵果d,不過今次已經安排了好多行程(食野),所以重點食名物就算。牛什有分大小，我點了$30多塊的一碟牛什。我因為不食牛，只淺嚐了一點。食了不同位置也有一個共通點(林)，不過是否咁好味呢？我覺得同香港平常的差不多喇，可能是我不懂欣賞。到鴨紅了，我也是第一次食的。它的口感真是十分十分之滑，好似豆腐花一樣！不過就固體好多。如果要講味道它是沒什麼味道，只是去食他的口感。真實最好食是這個河粉，粉滑味濃火候足。不過是其他店帶過就算。…查看更多

來到營地街市搵食,這裡有出名的咖啡同牛雜。淨牛雜28元,牛雜麵就14元。本來諗住食牛雜麵,不過男友見淨牛雜唔係好大碟,就點左一碟。不過我就覺得28元來說就好細碟。都幾乾淨,無乜異味,有d唔知咩黎,有點靭,其他都好冧。男朋友,平時唔多食內臟,都試食左一部份,佢話聞落都幾香,味到唔錯,接受到。平時都會點少少芥辣,但係我地都覺得佢既芥辣好難食,好在我地只係加係傍邊。…查看更多