Goat Bakers

營業中

休息中

去澳門其中一個想去嘅地方，就係Goat Bakers🐏一直想試試佢哋嘅花杯子🌺本來預咗要排隊，好好彩閒日中午嚟到竟然唔洗排隊之餘，仲有好多存貨😋🔸奶酪花杯子🌼玫瑰花造型嘅花杯子好靚🌸 表面烤至金黃酥脆，拎上手亦份量十足，令人急不及待想快啲咬一口🤭花杯子咬落酥脆，面層帶微微焦糖，裡面係香濃軟滑嘅奶酪芝士🧀️，奶酪每咬一口都幾乎要爆出嚟🤤 不過稍有不足嘅係，花杯子係常溫近乎凍，如果係微暖及入口帶暖暖嘅酥脆感，應該會加返好多分😋🔸原味羊角🐏🥐另外買咗個原味羊角包，溫度依然係常溫，聞落帶牛油香，咬落微微酥脆，個人較喜歡牛油味重啲嘅酥。店舖雖小，但種類唔少，除咗烘焙產品之外，亦有咖啡及其他飲品買。一個花杯子配返杯咖啡，早餐或下午茶都一流😋另外買咗抹茶花杯子🍵及玫瑰花杯子🌹返香港繼續品嘗🤭🔸抹茶花杯子🍵抹茶我一般，但屋企人讚不絕口，啖啖抹茶甘香，芝士濃而不膩。我哋用氣炸鍋輕輕將表層烘返脆，表層輕脆。🔸玫瑰花杯子🌹表層有乾玫瑰花瓣點綴，聞落同食落都啖啖玫瑰花香🌹，反而覺得玫瑰無原味奶酪咁甜☺️如果咁啱嚟澳門又經過Goat Bakers，花杯子絕對值得一試🌺

記得上次4月去澳門冇做足功課，略知佢幾多人大推🙌🏻，仲以為去到排下隊就買到佢哋嘅包，點知去到居然已經賣哂兼收咗舖😫😫今次大約中午12點去到，都算輕易買到😎同埋呀，原來佢哋係氹仔官也街附近開咗新分店😳，相信之後可以買到嚟食嘅機會又多咗啦😆‼️今次淨係試咗佢哋嘅signature花杯子，分別買咗奶酪(原味)同抹茶口味😋外型離遠睇成個葡撻咁🤣成個花杯子外脆內軟，內層面係酥皮黎架！一咬落去，啲餡多到就快流晒就黎🤤🤤佢哋嘅內餡有陣cream chesse嘅微酸，上面加左層芝士醬，帶少許鹹香而成件事又好match~至於抹茶嚟講就失色咗少少啦，搽茶嘅甘味係有嘅，內餡個底本身就有cream cheese嘅酸味，但似乎同個抹茶唔太夾，或者調整吓個比例就可以解決到👌🏻