葡富軒

今次再嚟葡富軒，裝修依然咁簡約舒服，白牆配葡式瓷磚，坐低就覺得好放鬆～二刷試咗幾款招牌菜，真係冇令我失望！芝士意大利麵（蟹肉&蜆）意粉煮得al dente，芝士汁超濃郁但唔會膩，蟹肉鮮甜，蜆肉又大隻，撈埋一齊食真係好正！烤乳豬皮脆到「咔嚓」聲，肉質嫩滑多汁，調味剛剛好，點埋個秘製醬汁更加分！特製蟹肉釀蟹蓋蟹蓋塞滿鮮蟹肉，加咗少少芝士焗到金黃，一啖食落去超滿足，蟹香爆棚！服務依然咁友善，上菜速度都幾快。今次二刷都keep到水準，下次一定會再encore！…查看更多

上次首次在澳門品嘗葡國菜後一直念念不忘，在氹仔舊城區客商街的葡國菜餐廳林立，挑選了其中一間好評如潮的「AMORA 葡富軒」一試，店內充滿異國風情，當然少不了配上兩杯特色飲品——葡萄牙水果酒及葡富軒特調，前者入口酒味溫和，味道香甜並不嗆烈，後者青蘋果香酸甜清爽。首先以酥皮蘑菇濃湯打開序幕，酥皮鬆脆再沾上醇厚蘑菇濃湯難有差錯。白酒忌廉煮蜆蜆肉鮮甜飽滿，份量充足。平時中式釀蟹蓋大都會釀入蝦膠，而日式則會釀入味噌蟹膏，而這裡的主廚特製蟹肉釀蟹蓋則別樹一幟，不但碩大無比，更鋪滿混合蟹肉、蟹膏、蛋白及蛋黃碎，拌勻後配以香脆的蒜蓉包，口感和味道都相當豐富。燒乳豬是葡萄牙傳統名菜之一，主要以橄欖油、葡萄酒、黑胡椒、百里香、大蒜等醃製，這份烤乳豬外表金黃酥脆，肉質軟嫩豐腴，油香十足但肥而不膩，配菜更附上薯條及沙律。 非洲雞亦是澳門另一經典地道美食，據說由葡萄牙人從非洲傳入澳門，改良後成為澳門獨有的風味，葡式經典椰汁非洲雞不但雞肉皮脆肉嫩，配上椰汁令味道更加醇厚。最後以一份朱古力蛋糕作為甜點結尾，兩層朱古力蛋糕口感有如布朗尼一樣濕潤厚實，整體朱古力味濃郁甘香。…查看更多

我諗已經4、5年無嚟過澳門，今日難得過嚟半日，千其唔可以浪費胃quota，要精選最值得去嘅葡國菜餐廳😎位於官也街附近嘅「葡富軒」，入到去你會發現雖然只係一間小餐館，但係環境裝修勁有葡國風味，服務更加係冇得挑剔👏🏻主廚特製蟹肉釀蟹蓋 ⭐️⭐️⭐️⭐️⭐️釀蟹蓋超多蟹肉🤤 將蟹肉混合雞蛋同其他食材，配埋小多士一齊食😍 我本身好鍾意食蟹，呢個釀蟹蓋唔駛剝殼但又食到啖啖蟹肉，推薦一定要試試👍🏻沙丁魚柳佐秘制葡式醬汁 ⭐️⭐️⭐️⭐️⭐️食葡國嘢又點少得食沙甸魚呢？沙甸魚極有葡國風味，味道好濃郁，魚皮帶有香脆感，配上蘿蔔絲，底層夾住多士，各款唔同口感嘅食材配埋一齊，層次好豐富🤤 葡式白酒風味什錦海鮮扁麵 ⭐️⭐️⭐️⭐️相對於其它醬汁，白酒意粉味道會較為清淡，但反而可以食到海鮮嘅味道🦐 意粉配上蝦、魷魚同埋大量蜆，加埋蒜味同少少辣椒吊味，我會加少少tabasco，味道更加好👏🏻葡式經典椰汁非洲雞 ⭐️⭐️⭐️⭐️⭐️非洲雞好多年前食過，一直懷念佢嘅味道！呢度嘅非洲雞同之前食嘅有啲唔同，佢無太多嘅醬汁淋喺面，但味道已經滲入晒去啲雞肉到，會食到椰汁味之餘再帶少少辣味🤤 葡式木糠布丁 ⭐️⭐️⭐️⭐️⭐️嚟澳門唔食返個木糠布甸真係對唔住自己呀😆 呢度嘅木糠布甸份量好足，夠晒2個人share💜 布甸好滑溜，對我嚟講甜度啱啱好，為澳門之旅送上完美ending😌…查看更多

🙋🏻‍♂️餓底探員早排去咗澳門調查呢間葡國菜，講起葡國菜，朂為人熟悉應該係馬介休球同烤乳豬，今次可以品嘗到呢兩樣以外嘅食物，體驗不一樣嘅葡國菜，餐廳位於氹仔舊城區，白色裝修配上深棕色地板及桌椅，充滿古典風格，店員態度友善服務周到，用餐過程好愉快🥖餐前麵包🙋🏻‍♂️表示用餐前有餐前麵包，麵包口感鬆軟，配上自家製牛油同橄欖嚟食，感覺幾特別🔥炙燒葡式香腸 MOP138🙋🏻‍♂️表示個香腸由葡萄牙直送，店員會喺旁邊將香腸炙燒再切片，充滿儀式感嘅桌邊服務，食落香腸焦脆，味道濃郁，好有異國風味🦀主廚特製蟹肉釀蟹蓋 MOP188🙋🏻‍♂️表示蟹蓋入面釀滿蟹肉，碎蛋，紅蘿蔔等配料做成嘅醬，味道鮮香，配上香脆嘅多士，將蟹肉塗上多士嚟食，香口美味🐖炒豬肉配葡蜆伴馬鈴薯 MOP238🙋🏻‍♂️表示個蜆用豬肉同薯仔嚟炒，蜆肉鮮甜，豬肉用上伊比利亞黑毛豬，由葡萄牙直送，肉質多汁有咬口，味道香濃，配上爽口嘅薯仔一齊炒，口感層次豐富🍝葡式芝士海鮮意大利扁麵 MOP228🙋🏻‍♂️表示個意大利麵配上芝士同蟹肉，意大利麵香軟煙韌，非常掛汁，每啖都有香濃芝士味同蟹肉嘅鮮香，鮮甜嘅花蛤圍住成碟麵，賣相好吸引🍮葡式脆皮焦糖雞蛋布蕾 MOP88🙋🏻‍♂️表示個creme brulee同樣有table service，店員會用火槍將焦糖燒脆，再喺面頭灑上肉桂粉，造成花火效果，布甸食落嫩滑，充滿蛋香同香脆嘅焦糖，好味好滿足🍏Apple Cooler MOP70🍹Amora Fruit Punch MOP76🙋🏻‍♂️表示Apple Cooler係青蘋果梳打，飲落好清新，杯Fruit Punch味道香甜，食落充滿果香好fruity📈吃貨指數😋好味度 8.5/10🔙返啅度 8.5/10…查看更多