呢個夏日好似特別悶熱，唔少飲品店都推出各式吸睛特飲，連台式珍珠奶茶亦唔例外，無論係香港定台灣都推出咗唔同口味嘅珍珠奶茶，繼之前介紹過嘅辣味珍珠同精靈球珍珠之外，你估唔估到珍珠奶茶仲可以點變法？

紫薯黑芝麻珍珠　　紅磡Color ChaCha

圖：shirling

珍珠奶茶大家就飲得多，紫薯珍珠你又食過未？呢間手搖奶茶店每日都會有唔同口味嘅珍珠供應，例如紫薯、黑芝麻、薑汁等。甜甜地又幾煙韌，如果食材味道再突出啲就更好喇。

台風黃金珍珠　　天后旺角KOI Thé

圖：ohmyfoodiary

呢個名你或者唔熟悉，其實係嚟自台灣嘅50嵐。招牌黃金珍奶級係加咗黃金珍珠嘅奶茶，比起普通珍珠，半透明嘅黃金珍珠因為係改用天然木薯粉製作，咬落更彈牙更有嚼頭。無添加色素，感覺都健康啲。

少女系粉紅珍珠　　台北木子日青 日嚐專賣店

 

Gisele（@gise111e）張貼的相片 於 2016 年 8月 月 15 4:07上午 PDT 張貼

各位粉色控請忍住唔好尖叫：而家有粉紅色珍珠奶茶啦！放心唔係人造色素，而係加咗紅麴製成嘅珍珠，配埋一樣係粉紅色嘅士多啤梨牛奶就更Fancy啦。

古早味黑糖珍珠　　台北陳三鼎黑糖粉圓鮮奶專賣店

 

Molly Lai / 1993.06.15（@m51128as）張貼的相片 於 2016 年 8月 月 21 7:28上午 PDT 張貼

試過咁多款唔同口味嘅珍珠，有無掛住最原始嘅黑糖珍珠？呢間自稱係黑糖青蛙鮮奶嘅創始店，黑糖珍珠順滑Q彈得嚟有濃郁黑糖香味，同凍鮮奶夾埋一齊味道啱啱好，所以每日都有唔少人排隊㗎。

珍珠奶茶雪糕杯　　台北瑪可緹

 

陳亭伃（@candy861004）張貼的相片 於 2016 年 5月 月 30 11:55下午 PDT 張貼

唔單止珍珠口味可以任變，連杯奶茶都可以有新玩法！呢間係灣珍珠奶茶發源地春水堂嘅Young Line，佢地將抹茶同鐵觀音兩款奶茶變成香滑軟雪糕，加珍珠再放入高腳玻璃杯，Grand到一個點。

雙拼珍珠奶茶　　新北三角舖正古早味冰品茶飲

 

Kiki（@77socute）張貼的相片 於 2016 年 5月 月 25 1:16上午 PDT 張貼

燒味飯可以要雙拼，韓式炸雞有得嗌半半，而家連台灣手搖茶都有得打孖嚟，呢個分享杯可以畀你一杯過飲到兩款唔同口味嘅珍珠奶茶，不過唔知選擇恐懼症會唔會覺得又要諗多個選擇好煩呢？