根據非正式統計，大部分人類都抵擋唔到貓星人嘅可愛魅力！無論你係咪貓奴，都可以去呢3間貓咪主題店親身體驗一下貓咪嘅吸引力。

擼貓專區+寵物友善  CHILLAX

圖：餐廳IG

需要吸貓嘅朋友，可以到位於海天居嘅嘅呢間貓Cafe！地下係供應各款Brunch、輕食、咖啡嘅Cafe，點套餐加錢或者買一杯特飲，就可以到樓上嘅擼貓區同貓店長們玩啦！Cafe亦係寵物友善，可以帶自家毛孩一齊Chill之外，更提供貓狗寵物美容服務唷。
 

3位貓店長駐場  kirin.kara coffee

圖：餐廳IG

荷蘭園呢間小店唔易搵，要先經過地下嘅體育用品店再上二樓，到達就會有咖啡香同三位貓店長：Kirin仔、小Kara、姜B嚟迎接你！不過留意返呢度唔係貓Cafe，三位店長性格各異，好似Kirin仔係唔畀人抱嘅要注意啊～佢哋嘅咖啡亦有特色，最好賣嘅係椰青美式、特調檸檬咖啡同蜜瓜拿鐵，配返件芝士蛋糕一流。
 

貓咪主題食堂  貓哥小店

圖：餐廳FB

最後呢間雖然無貓店長坐陣，但就有唔少方便買走自私食或者送畀人嘅貓咪造型食品！最出名嘅係貓頭形狀嘅手工鳳梨酥同手工曲奇，每件都有唔同花紋啊。堂食就有小貓總匯三文治、貓咪造型刈包、貓貓厚吐司等選擇。