香港人去澳門玩通常是短Trip，兩日一夜甚至即日來回，旅程中當然抓緊時間吃喝玩樂，吃完消夜才上船回程就最抵玩，至於哪裡吃消夜最好？看看食家試過的隱秘消夜店推介。

(Photo by greensea)
人氣豬筒骨 雄裕老地方美食
位於關閘的雄裕雖然地方隱蔽，但平日尤其賽狗後光顧的人都不少，未入舖胡椒香已撲面而來，因為這裡最馳名的就是胡椒骨筒煲，差不多每枱顧客都忙於用飲管啜食豬筒骨髓，湯底還可以用來打邊爐，多款海鮮供選擇，另外尚有魚頭煲、水魚煲及蟹煲等，凌晨3點才關門。
fafa6230：豬骨煲多料，最重要胡椒好重，唔同香港深圳果d。泰式花甲蟹煲$200，超正…大家無聊數一數大花甲有17隻、大頭蝦都超過10隻、兩隻靚花蟹、什菇、青椒、蕃茄…個個枱都望過黎，真係好好味好滿足…
greensea：我地叫一個細既胡椒豬骨煲，不過都好大呀…佢比埋條飲管你飲豬骨入面個D骨髓架，都好食呀…成日睇TV見到~~~我都係第一次咁食~男朋友就話大煲，仲多骨髓骨，個煲都唔算好貴…$100…入面仲有D冬瓜~~滾林晒~~入晒味~~好食呀~~

(Photo by 蜜柑)
立食靚粥 權記骨粥
權記骨粥在沙梨頭無人不曉，皆因它已在此擺檔逾80年，檔主已交由下一代但美味依然，骨粥落足料炮製包括蠔豉、瑤柱、淡菜等，配粥的選擇有腸粉、糯米飯及炒麵等，不少當地人由細食到大。檔口無位坐客人要「立食」，或者學其它人外賣去勤記食一樣得。
small jj：我自己就忍唔住問店主點樣可以做到有鮮味，佢話用新鮮豬肉，我話鮮味唔易整到出嚟，佢話佢哋用咗好多料，有淡菜，瑤柱等，咁鮮味就來得合理喇。
蜜柑：超正~ 我相信真係好真材實料，因為我食完冇口渴既感覺!!估計絕冇味精~係真正既豬骨粥~街邊檔口都有咁高水準~值得一讚~而且又咁平，真係好抵~最好用黎食宵夜~一流呀!!!

(Photo by small jj)
即包湯丸 勤記糖水
吃過骨粥，意猶未盡可再來一個甜品。即叫即做的食物寧捨新鮮，想不到在澳門可以找到即叫即搓的湯丸，雖然湯丸皮較一般的厚，但質感也比較軟糯。除了湯丸，勤記還供應自炒黑芝麻磨出來的芝麻糊、花生糊及杏仁糊等，消夜想吃簡單甜品是個不錯的選擇。
Gourmet KC：湯糰即做，新鮮得很，外皮吃起來是特別軟糯的。麻蓉餡很香甜，糖水薑味不太重，也甜了一點。湯糰雖然不是很大粒，但吃5粒也飽肚。
至愛sushi-Nicki：結果三日行程，每日都必去食番一次糖水…回味喔！朋友話…推介"腐竹薏米白果+蛋"，而我就推介，人手即包的湯圓，正！

(Photo by SeasonsJoE)
平價蟹黃撈麵 澳門新龍記
澳門有不少馳名的麵店，大多標榜竹升彈牙靚麵，新龍記出名不在於麵本身，而是有份量的配料──蟹黃，招牌菜蟹皇撈麵就是簡單在麵上加上蟹粉，食家更教路要趁熱食，因為麵的熱力令蟹粉更香，但先旨聲明這碟麵不過賣$22，可形容為物有所值，抱過高期望只怕會失望而回。
SeasonsJoE：蟹黃的份量倘可接受，麵的熱力令蟹黃慢慢溶開與醬油和麵條拌勻，
蟹黃油豐腴，只是香味略遜，麵質不夠彈牙而且不要放涼，此道麵越熱才越好食！
阿丸：濕炒蠔仔麵：兩面黃煎得啱啱好，又爽身。蠔仔也不細少，而且有鮮味，連其中一唔食蠔既朋友,都會食番幾咀！蛋汁滑嘟嘟！正！

(Photo by SUN之味)
炭火燒肉香 林記燒烤
看林記燒烤的食評相片，重複又重複都是燒羊架及蒜子燒羊膝，皆因這裡就是馳名炭爐燒烤，店主炮製葡式燒烤多年，火路控制得宜，炭燒味濃郁又保持肉汁豐富，芥末燒羊架、燒沙甸魚、燒牛膝都是必食推介。
SUN之味：店主推介我們兩種食法，第一種為芥末燒羊架，另一種為黑椒羊架
基本上，兩種煮法都非常美味，本人由其喜歡芥末煮法，那種感覺可以令不吃羊的人都會愛上的！咖哩牛腩都非常野味，意想不到例牌竟然會份量十足，認真超值!!!
為食豬老公：蒜子燒牛膝：面頭有好多燒過嘅蒜子，發出陣陣誘人嘅香味！配汁係黑椒汁，熱辣辣亦好香濃惹味！牛膝肉外層燒得有啲焦香，邊沿較薄嘅位置好脆，內裡的肉仍然好幼嫩，肉汁豐腴，相當美味，真係值得等！