【開飯熱店入圍名單巡禮】覓食新馬路一帶的橫街小巷

話說今屆開飯熱店大賞又嚟喇，開飯仔就委託咗最Like瓹窿瓹罅搵食嘅喵星人，合組「為食貓偵探團」，上山下海、一帶一路偵查全城大大小小講飲講食情報，廿四小時儘量不眠不休咁四出發掘屬於澳門嘅真正味道。

新馬路位於澳門半島嘅心臟地帶，無論去大三巴牌坊或者議事亭前地都會經過，呢條大馬路行就行得多，但其實附近一帶嘅橫街小巷有唔少隱世小店值得去試下。咁重要嘅任務，「為食貓偵探團」特別派出資深餓底貓去明查暗訪，睇下報告點講先。

重料粥品手工肉丸　　三元粥品專家

Photos by LW & 蕃茄醬與卡卡醬
早上開工前或夜晚放工後，最啱到三元嘆碗粥，因為店家只開上午和夜晚兩個時段。他們的粥品出名夠重料，料多過粥，包你吃飽飽離場。馳名手打肉丸，肉質彈牙又夠肉味，生滾粥底又夠軟綿。鮮明鯇魚片同樣極受歡迎，魚片鮮甜味美，配上粥，薑絲及蔥花一起品嚐，提升層次。

最香的杏仁餅　　最香餅家

Photos by barrykwok & 啡熊
名符其實的最香，雖然店舖位置比較隔涉不易找，但不少識食的遊客都要專程來買杏仁餅。店家仍保留古色古香的古舊裝潢以及懷舊包裝，人情味濃。而且堅持用炭火烤焗杏仁餅，炭火香氣撲鼻，口感又夠鬆化，無論遊客或本地人想食杏仁餅都會來「最香」。

滑如絲般的豆腐花　　李康記豆腐花

Photos by CLan & rollingpanda
豆腐花每天新鮮製造，質地非常幼滑，豆香味濃。店家提供花奶或薑味糖水，各取所好，其實豆腐花又嫩又滑，無論加花奶或糖水都一樣好好味！但無可否認，花奶是神來之筆，令豆腐花滑上加滑，而且是李康記特色，必要一試！店內還提供豆漿和原磚豆腐。

米芝蓮街頭小食　　榮記荳腐麵食

Photos by Susuu & Kabii
開業四十多年的老字號，一直以來深受街坊棒場，近幾年廣泛被遊客認識，今年還被評為米芝蓮街頭小食，水準有目共睹。榮記同樣以豆腐花起家，兼主打麵食，豆腐嫩滑綿密而且扎實不易散開，雞腸、豬皮、鴨紅、鯪魚球等亦頗受歡迎，三五知己叫碟全餐餸，每一個淨麵再加碗甜品豆腐花，滿足的一餐！

足料碗仔翅　　添發碗仔翅美食

Photos by 飯煲 & moritatintin
位於新馬路福隆新街的添發碗仔翅經常大排長龍，雞絲花膠海參碗仔翅最受歡迎。相應不同價格所給的份量不同，想平平地試下又得，想啖啖重料亦得，價格相宜，可以一試。如果不吃魚翅，亦可品嘗冰糖燉官燕，同樣足料味美。

大大件吉列豬扒包　　勝利茶餐室

Photos by betty.wei.94 & La Singers
澳門和豬扒包似乎已經被劃上等號，幾乎每個遊客來到都要食豬扒包。不單氹仔有優質豬扒包，坊間亦有不少茶餐廳的豬扒包相當出色。例如勝利茶餐室，豬扒以吉列的方式油炸，外表鬆脆，內裡多汁，而麵包則外脆內軟，功架十足！餐廳就在新馬路的一條分叉路營地大街上。

澳門首間美式班戟專門店　　柏林頓班戟屋(美式班戟專門店)

Photos by 蒨沂 & Dessire
想食Pancake不一定要去連鎖快餐店，來自馬來西亞的柏林頓班戟屋的甜味和鹹味Pancake同樣出色，軟綿富彈性，配雪糕和朱古力醬等可作甜食，配煙肉及磨菇這些又可當成主食，而且店家的意粉也相當不錯！柏林頓位於東方斜巷，很近新馬路。

人氣意大利手拉雪糕　　檸檬車露

Photos by F.F & ohmyfoodiary
意大利Gelato也不用飛到意大利，澳門就有得食，水準亦有相當保證！澳門首間意大利手拉雪糕專門店檸檬車露今年獲選米芝蓮街頭小食，Lemoncello的雪糕口味選擇眾多，不少皆有創意，如：朱古力薑味雪糕、金莎朱古力、奶鹽木瓜、玫瑰花茶、益力多等等，每日新鮮製造，以健康、低脂及創意為賣點，客人購買前可先試味，再決定要哪一款。

如置身歐洲的用餐體驗　　Restaurante ESCADA

Photos by 叮叮w & rollingpanda
Escada位於一幢南歐風格建築物內，餐廳裝潢亦甚有歐洲大眾餐廳的風格。供應的傳統葡國菜中首推焗鴨飯，上桌時雖然只有兩片煙肉和兩粒葡國臘腸，但飯內其實有蠻多嫩滑的鴨肉，而且飯粒滲透著肉汁，香味四溢，令人回味無窮。另一招牌菜檸檬炒蜆也必要一試，檸檬清香撲鼻，汁料的微酸充分帶出蜆肉的鮮味，蒜蓉、莞茜和橄欖油令整道菜味道富有層次感。

北海道牛奶葡撻　　Hello Kitty Obrigado

Photos by Shu sharon & songbb
完全是葡萄牙與Hello Kitty的結合，店面以葡國磚作主題，Hello Kitty亦以一身藍色打扮融入其中。店家出品也絕不馬虎，主要售賣澳門經典小食，如葡撻、杏仁餅、紐結糖和豬肉乾等，全部均有Kitty嘜頭。還有不少西式甜點，如馬卡龍、曲奇餅和咖啡等飲料提供，當中以3.6北海道牛乳製作的葡撻最為出眾，酥皮香脆鬆化，蛋香又夠滑，Kitty迷絕不能錯過。

澳門好餐廳當然唔止咁少！有心水餐廳記得去OpenRice 優秀開飯熱店大賞2016網站投下你嘅神聖一票，而且仲有機會贏取豐富獎品！
投票網站：http://tiny.cc/macau2016

文: Karen
編輯：macau@openrice.com

隨時接收最新資訊
讚好OpenRice專頁！