如果我繼續行,肯定會錯過.
我睇吓門口餐牌lunch只做到2:30pm,我哋入去啦,由於冇紙本menu,於是行返出去睇同影menu,店員就啱啱轉下午茶menu,噢!咁唯有食素嘅下午茶.好失望,下午茶選擇唔多,只有A同B兩樣,
1
3
我要B烤麥餅配中東鷹咀豆醬,$32.00嘅凍Japanese Shizuooka Matcha Latte,老公要A桔醋烤甘荀薯仔沙律,加$18.00要湯,同$20.00熱Organic Rooibos Tea (allergy-relief),甜品就唔叫住.
冇耐,個湯嚟喇,睇睇張單,係土耳其香料番茄扁豆湯,
老公舀起嚟飲時,我見到有好多料,
而味道係似有少少咖哩味但唔辣.
味道:4分
然後桔醋烤甘荀薯仔沙律同烤麥餅配中東鷹咀豆醬到嚟,
我見到羽衣甘藍就驚,咁我先食烤麥餅配中東鷹咀豆醬,烤麥餅係有啲煙韌嘅,中東鷹咀豆醬味道清淡.
味道:3分
桔醋烤甘荀薯仔沙律呢?見到佢哋都有落藜麥,我先食羽衣甘藍,竟然唔苦唔難食,ok喎;烤甘荀同薯仔都夠腍;而桔醋都同柚子醋差唔多,不過冇柚子嘅澀味,又幾好喎.
味道:5分
之後我嘅凍Japanese Shizuooka Matcha Latte到嚟,
飲落,咦?!有玄米味?原來佢係靜岡玄米抹茶latte,加咗玄米,味道就冇咁寡,成杯味道都唔係太濃,質地亦唔係好杰,舒服嘅.
味道:5分
然後係Organic Rooibos Tea (allergy-relief)舒敏南非國寶茶,
不嬲都知南非國寶茶可以令人好好瞓,我亦有飲過,但喺呢喥一飲,味道唔同,唔知加咗咩有舒敏作用嘅嘢,怪怪.
味道:3分
最後,我哋決定要埋嗰兩個甜品.
$44.00嘅太妃咖啡合桃香蕉蛋糕
端上嚟時同我哋講俾邊位我哋,大件啲.:)多謝晒.
食落,味道唔係太甜,口感係濕潤夾雜咗合桃嘅脆,都幾好味.
味道:5分
之後係$40.00嘅烤蘋果肉桂雪葩
呢個話要時間等,但其實又唔使等好耐,呢個味道係對版唔太甜,又係幾好食.
味道:5分
環境:
天氣好熱,裡面嘅冷氣好似唔多夠,不過應該因為佢哋加咗個風擋,所以咁熱.其實佢哋如果開吊扇,冷氣唔開咁凍,已經夠涼.
2
枱係夠大嘅,但原來有二樓可以上去用餐.
其他:
食物menu係用中文寫,但飲品就全英文,都係建議加返中文好啲.
抵食係 2.6分
