Twinkle Baker Decor (希慎道) (已結業)

撻一共有十款揀，每件$28，$100四件。開心果麻糬撻 牛油曲奇餅底上面有開心果吉士加麻糬，面頭有甜忌廉，造型好似一朵花。曲奇餅底唔夠脆，牛油味都夠香。開心果吉士滑溜，略嫌開心果味唔夠香濃。中間粒麻糬好大粒，呢粒麻糬就令成個撻即時升級，添多一重口感。綠茶麻糬撻綠茶麻糬撻就變左綠茶吉士加綠茶忌廉，呢個撻綠茶味好香濃，我覺得好食過開心果麻糬撻。綿綿軟心芝士撻綿綿軟心芝士撻就貌似係最普通，不過價錢一樣。但係唔知點解呢個撻個撻皮係最脆口！入面芝士非常濃厚香滑帶芝士鹹香，雖然無其他料，但係喜歡芝士甜品人士應該會好鍾意！總括而言，撻地呢個價錢呢個質素可能都係咁上下，可以再好d。有多d配料既撻作為散水餅都唔失禮人，可以考慮。