Boire et Manger (已結業)

Tiffany blue color一直係女孩子至愛嘅顏色，特登揀咗呢間以Tiffany blue tone 為主題法國餐廳慶祝生日，餐廳牆上有凱旋門、巴黎鐵塔做裝飾。Dinner set非常豐富，有餐前麵包、Soup of the day(番茄湯)、2個小食、主菜同埋甜品。我哋兩個女仔食量吾多，share 左一個dinner set加幾個小食。最鍾意佢哋嘅新鮮生蠔、烤鵝肝吐司，生蠔非常新鮮同埋肥美，海水味不重，配埋佢哋吾會太酸既醋提升生蠔嘅鮮味；烤鵝肝外脆內軟，配埋香脆吐司食好夾👍🏻煙三文魚他他配柚子醬非常清新，三文魚他他口感爽滑，配上少少酸味嘅柚子醬，食完好開胃。好鍾意佢哋嘅甜品自家制法式可麗餅，有多款口味選擇，我哋揀咗焦糖，可麗餅軟Q帶有奶油香，加埋焦糖獨有既香味好正。