Mano (The L. Square)

成日喺社交平台見到呢間銅鑼灣樓上西餐，啲嘢食都整得好靚，好多人大贊手工意粉質素好高。今次見到OpenRice預約晚市餐牌七五折，我哋就一於膽粗粗去試吓啦！🤤風乾火腿芝士拼盤 $138拼盤有三種唔同嘅火腿，芝士份量都唔少，仲有幾塊蒜蓉麵包。火腿芝士嘅質素好唔錯，麵包都焗得好鬆軟。🤤意式脆皮豬腩卷配辣肉腸蘭度豆 $238豬腩嘅煮得好腍，肥瘦相間有少少入口即溶嘅感覺。但係外皮就好脆，而且有少少蜜糖嘅味道，好高質推薦大家嗌。可惜個外皮做得有少少黐口，如果可以脆得黎又唔痴牙，呢個菜式真係滿分！🤤新鮮黑松露扁意大利麵 $178意粉嘅軟硬適中，條條分明。意粉醬嘅texture偏厚身，食落口好滿足，奶味好濃厚，黑松露味都好出成，個意粉都幾高質。推薦！🤤白酒煮蜆配墨汁意大利飯 $228呢個risotto 就真係可惜咗少少，首先入口有少少酒味先，但係下1秒就係鹹味，其他味都唔好食得出。蜆多數量唔少嘅有六七隻，size都唔細。可惜個飯真係太鹹啦，都唔係好食到隻蜆嘅其他味，呢個risotto就唔推薦。總括而言，呢間餐廳嘅嘢食係OK嘅有一定質素。服務態度都好好，中途侍應會不停過嚟加水收盤同埋問吓嘢食嘅味道o唔o