BKK

呢間充滿異國風情味嘅泰國餐廳就係PMQ地下，主打泰國街頭小食，但呈現出高級感。我哋盲叫嘅每一樣食物都好高質，大家可以衝呀！🤍大頭蝦秘製咖喱兩隻大頭蝦開邊，肉質彈牙。甜辣紅咖喱夾帶一點清新嘅香茅味，而椰奶可中和一下辣度，好好下飯。🤍蟹肉奄列做到同泰國一樣，用嘅唔係蟹肉絲，而係粒粒飽滿嘅蟹肉粒，加上洋蔥，煎成脆邊嘅奄列。點🤍和牛串燒最擔心嘅就係烤得太熟，咬唔爛。4串厚切和牛粒熟成度剛好，而且充滿炭香味。同樣出色嘅🤍大蝦柚子沙律 加咗烘焙椰子同炸蔥，提升口感。大蝦仲特地挑掉蝦腸，細節滿滿。飲品強烈推薦🤍Coconut Smoothie ，用椰子同芒果做基底，斑斕勁香濃，真材實料打出嚟唔會水汪汪/假甜，超正。最後呈上熱騰騰嘅🤍芒果椰汁糯米飯，煙韌香甜，冇咩要挑剔嘅點。