影片
更多
2008-05-06
2 瀏覽
一直對Habitu系嘅餐廳有信心, 亦已經食過the pier 同埋cafe, 感覺都唔錯嘅. 所以就算見到呢度劣評如潮, 都願意親自試下.星期六晚, 當同層嘅其他餐廳都要等位嘅時候, 呢度嗰條龍係最短嘅, 心裡一沉, 難道真係咁差? 好快就已安排入座, 係sofa位tim, 二人枱, 每人一張皮sofa, 唔係一般cafe嘅布sofa, 幾舒服呀, 懶洋洋的食下又攤下, 又有少少cafe feel, 唔錯!講番d食物, order 咗煎三文魚蝦露筍扁意粉同埋當然要試下一直不被討好嘅pot pie pizza啦, 要咗羊奶菌肉醬味. 先講嗰扁意粉, 份量唔算太大, 但餸料就好足, 有好多三文魚和蝦, 都好新鮮, 而d意粉都ok wo, 煮得啱啱好, 唔會太硬或太淋, 味道唔錯呀.而嗰pot pie pizza 呢, 所謂pizza 係碗形嘅, 上層芝士, 中層意粉, 底就係薄pizza 底啦. size就好細lor, 一個碗口咁大, 不過入面有意粉, 對女仔嚟講, 都夠飽嘅. 係幾創新嘅, 但就唔知點埋手食好啦, pizza 就可以一塊塊, 呢個一切開又會搞到d意粉碎晒. 好彩我地兩個
星期六晚, 當同層嘅其他餐廳都要等位嘅時候, 呢度嗰條龍係最短嘅, 心裡一沉, 難道真係咁差? 好快就已安排入座, 係sofa位tim, 二人枱, 每人一張皮sofa, 唔係一般cafe嘅布sofa, 幾舒服呀, 懶洋洋的食下又攤下, 又有少少cafe feel, 唔錯!
講番d食物, order 咗煎三文魚蝦露筍扁意粉同埋當然要試下一直不被討好嘅pot pie pizza啦, 要咗羊奶菌肉醬味.
先講嗰扁意粉, 份量唔算太大, 但餸料就好足, 有好多三文魚和蝦, 都好新鮮, 而d意粉都ok wo, 煮得啱啱好, 唔會太硬或太淋, 味道唔錯呀.
而嗰pot pie pizza 呢, 所謂pizza 係碗形嘅, 上層芝士, 中層意粉, 底就係薄pizza 底啦. size就好細lor, 一個碗口咁大, 不過入面有意粉, 對女仔嚟講, 都夠飽嘅. 係幾創新嘅, 但就唔知點埋手食好啦, pizza 就可以一塊塊, 呢個一切開又會搞到d意粉碎晒. 好彩我地兩個人, 切開一半每人一件就搞掂, 所以我suggest多過2個人, 就唔好叫呢個啦, 一來難分, 二來唔夠飽嘛. 味道方面呢, 其實無問題, ok嘅, 但我諗當佢係意粉就適合過當佢係pizza lor, 因為始終pizza係一塊塊用手食, 呢個如果用刀切開細細啖, d意粉就碎晒, 索性切大舊d.而且一入口, 其實係食到意粉而唔覺有嗰pizza皮lor. 所以當佢係意粉係ok ga, 肉醬加埋面嘅芝士, 好夠味, 意粉同樣做得唔錯. overall d 嘢食係ok 嘅, 個人就覺得叫番普通pizza就會係最穩陣好味ga la
至於服務呢, 嗰pot pie pizza就唔知點解等咗好耐, 仲要吹完都等咗十分鐘, 都唔知係咪漏咗單唔出聲... 想叫侍應呢都幾難, 個個都好似好忙咁, 杯水飲晒好耐都無人refill, 叫人又叫好耐先叫到lor, 服務方面就真係要改善下啦!
張貼