港畔餐廳

營業中

休息中

今日同朋友慶祝生日就去咗呢一間自助餐，見到上網都好多人推薦話佢啲嘢食非常新鮮，今日走去同朋友一試！冷盤海鮮，海鮮嘅朋友真係不能夠錯過，基圍蝦非常爽口彈牙，而且味道都唔錯，再加少少冷盤嘅醬汁，非常開胃！青口就冇乜特別，可以skip! 刺身就推介佢嘅Toro，出邊食都非常貴，呢度可以任食，食多幾件真係回本！而且味道都好好，三文魚油脂豐富，非常甘香，而且師傅非常厚切，好好食，亦都有蝦嘅刺身！屋企人就鍾意食花膠冬菇鵝掌，呢一啲傳統嘅中菜呢一間自助餐都有提供，非常有驚喜. 羊架我都覺得幾出色，唔會有蘇味，而且佢嘅味道充滿香草嘅味道，好好食！