影片
更多
2011-08-16
76 瀏覽
去開星巴克歎啡食甜品已成習慣多時，不過很多時真係已經食均哂Ｄ甜品呢，就算係星巴克Fans都好，總有想試新野嘅時候嘛....有次又係去Starbucks時，行行吓見到McCafé好似有新野推出喎，噫~~ 入去睇吓係乜家科啦！原來呢期係「薄荷」主打喎，真係勁o岩我噃，好啦，一於買件Cap Cake啦，同埋仲見到食過好味的核桃咖啡林明頓，買埋去食喇。＜薄荷朱古力蛋糕 ($24.5)＞雖然不嬲我對朱古力蛋糕都麻麻地，不過見係我最愛的薄荷口味，見佢個款薄荷慕絲層都幾多，都可以一試嘅。第一下叉落呢個蛋糕上面原來係一層厚厚的朱古力，驟眼睇仲以為係朱古力慕絲添，呢層咁硬的朱古力唔甜又唔苦，因為中間係慕絲同海綿蛋糕呢，所以係唔可以一次過叉起來食均咁多層嘅，如果唔係會散咗，需要最上層同中間部份分開食先得。不過朱古力海棉蛋糕幾鬆軟連埋特色餅底少少脆一齊食都幾夾，不過最正都係薄荷慕絲，好味，以呢個價錢絕對抵食。＜核桃咖啡林明頓 ($7) ($12 x 2)＞呢件係幾個月前已經推出架喇，不過就唔係咁多機會可以買來食，但又真係好味喎，只因佢面層沾滿很多的椰絲核桃碎，雖然我一直唔鍾意食椰絲，不過佢連同核桃碎一齊就即
有次又係去Starbucks時，行行吓見到McCafé好似有新野推出喎，噫~~ 入去睇吓係乜家科啦！
原來呢期係「薄荷」主打喎，真係勁o岩我噃，好啦，一於買件Cap Cake啦，同埋仲見到食過好味的核桃咖啡林明頓，買埋去食喇。
＜薄荷朱古力蛋糕 ($24.5)＞
雖然不嬲我對朱古力蛋糕都麻麻地，不過見係我最愛的薄荷口味，見佢個款薄荷慕絲層都幾多，都可以一試嘅。
第一下叉落呢個蛋糕上面原來係一層厚厚的朱古力，驟眼睇仲以為係朱古力慕絲添，呢層咁硬的朱古力唔甜又唔苦，因為中間係慕絲同海綿蛋糕呢，所以係唔可以一次過叉起來食均咁多層嘅，如果唔係會散咗，需要最上層同中間部份分開食先得。
不過朱古力海棉蛋糕幾鬆軟連埋特色餅底少少脆一齊食都幾夾，不過最正都係薄荷慕絲，好味，以呢個價錢絕對抵食。
＜核桃咖啡林明頓 ($7) ($12 x 2)＞呢件係幾個月前已經推出架喇，不過就唔係咁多機會可以買來食，但又真係好味喎，只因佢面層沾滿很多的椰絲核桃碎，雖然我一直唔鍾意食椰絲，不過佢連同核桃碎一齊就即時加分啦。
海綿蛋糕既鬆軟又唔甜，讚！只可惜嘅係佢係冇咖啡味啫。
張貼
