影片
更多
2024-11-27
126 瀏覽
而家趁住天氣冇咁熱，晏晝食飯都可以行遠少少，今日公司個個都放假，得我一個返工，所以晏晝就想慰勞下自己，行行吓見到對面街樓上有間餐廳嘅招牌， logo就係一個熱辣辣嘅咖啡，覺得最得意，於是就入咗嚟睇吓，呢度位置都好多，而且好多梳化位，所以坐得好舒服。本身以為食物淨係得幾款，點知一望，真係嚇親，佢哋有每個星期都會更新嘅lunch set，更加有沙律set、三文治式，咖啡嘅款式亦都好多！我見佢啲沙律都好新鮮，好吸引，不過因為今日我冇食早餐嘅關係，太肚餓，於是就決定咗叫蒜香松葉蟹肉意粉，另外加多$10就有餐湯。我想講個意粉真係炒得勁香，加埋意粉嘅口感煮得剛剛好，完全al dente，而且蟹肉嘅份量都真係好多，雖然我好鍾意蒜，但係呢度重點就係佢有蒜香味，但係亦都唔會蓋過蟹肉嘅鮮味。至於個餐湯今日係南瓜栗子湯，呢個真係超級無敵好飲！！完全想外賣多一碗返公司慢慢飲for下午茶。佢超級Creamy，而且栗子味好香濃，成個口感好濃郁。蛋糕我都好破例咁樣叫埋，因為見到佢個朱古力蛋糕好rich，完全係我最鍾意嘅嗰種，結果真係冇失望！另外都要咗一個紅菜頭蜜糖鮮奶，呢一杯真係打卡一流，粉紅色勁靚，少女心裏面，佢
我見佢啲沙律都好新鮮，好吸引，不過因為今日我冇食早餐嘅關係，太肚餓，於是就決定咗叫蒜香松葉蟹肉意粉，另外加多$10就有餐湯。我想講個意粉真係炒得勁香，加埋意粉嘅口感煮得剛剛好，完全al dente，而且蟹肉嘅份量都真係好多，雖然我好鍾意蒜，但係呢度重點就係佢有蒜香味，但係亦都唔會蓋過蟹肉嘅鮮味。至於個餐湯今日係南瓜栗子湯，呢個真係超級無敵好飲！！完全想外賣多一碗返公司慢慢飲for下午茶。佢超級Creamy，而且栗子味好香濃，成個口感好濃郁。
蛋糕我都好破例咁樣叫埋，因為見到佢個朱古力蛋糕好rich，完全係我最鍾意嘅嗰種，結果真係冇失望！另外都要咗一個紅菜頭蜜糖鮮奶，呢一杯真係打卡一流，粉紅色勁靚，少女心裏面，佢嘅拉花亦都做得好好，蜜糖味剛剛中和左紅菜頭嘅root味，成件事好圓滿，呢一餐真係食得好開心，下次一定要帶埋同事一齊過嚟食！
張貼
