咖啡廳

營業中

休息中

由於係港島區返工, 所以好耐冇試過係平日去尖沙咀食Lunch Buffet。以前返輪班收通宵後經常會同同事去喜來登The Cafe嘆Lunch Buffet刷生蠔, 因為The Cafe以前生蠔係任點任食, 非常適合我地一班愛蠔之人。😋今日因為要到尖沙咀開會, 所以已經同同事book定枱Lunch食過夠。可能係平日, 客人唔算好多, 侍應服務都幾好, 有禮貌而且執碟同fill菜都好有效率。👍太耐冇黎, 而家lunch生蠔已經唔係任點任食, 改左要出去攞, 不過refill都算快, 而且都唔駛點排隊。今日的生蠔係來自美國, 唔算好大隻, 不過海水味濃, 肉質都好鮮甜。除左生蠔之外, The Cafe我最鐘意係牛扒, 羊架同芒果拿破崙, 好彩今日全部都有齊。尤其係芒果拿破崙, 唔係次次黎都食到, 難得遇上, 所以我未食熟食已經先攞兩件食左先。😋其他熟食中規中矩, 不過其實食完一打生蠔, 兩件牛扒, 兩塊乳豬同兩件羊架其實都飽左八成。雪糕有哈根大師最出色的士多啤梨味, 不過我都係自制左一份之後已經食唔落。🙈用恆生白金卡埋單有8折, 一位$300有找, 性價比唔錯。