呢日嚟咗深水埗買野，搵到呢間坐得好啲嘅餐廳，原來晏晝係食set lunch，入面佈置同其他深水埗嘅街坊餐廳好唔同，森林文青系嘅感覺俾人好舒服嘅感覺
*澳洲特選有骨牛肉眼紅酒汁配薯菜牛扒配薯菜 $128*
呢個lunch set牛扒餐，可以跟白飯或者薯菜，而我就嗌咗薯菜，個牛扒就叫咗七成熟，塊牛扒都幾大塊幾厚，煎出嚟都幾香，而且亦都有夾雜着脂肪唔係乾柴柴，食落好有牛肉味而且都幾嫩口，唔會過熟，調味亦都唔會過鹹，而薯菜方面就有薯仔粒同埋南瓜粒，全部都有醃製過同煎過，用心之作！
*雙層煙肉芝士自家製麥漢堡🍔配薯條🍟 $99*
漢堡包嘅份量超大份，雙層嘅漢堡勁滿足，芝士、煙肉🥓都係double。另外幾欣賞個包，烘脆咗，同埋用麥包感覺健康少少🤏🏼有啲麥粒嘅咬口，薯條係幼嗰款，炸得勁脆身，正！
